Gḭ-Néje 3:1 - Maktub gə́ To gə Kəmee

¹ Gosɔ lə li lé to yaa̰ ur dɔ ka̰ daje gə́ wala lai gə́ Njesigənea̰ Ala unda dee lé. Yeḛ dəji dené lé pana: See Ala pana: Seḭ a sɔje kandə kagje lai gə́ to mee ndɔ’g lé el, see pa togə́bè tɔgərɔ ya wa.

Gḭ-Néje 3:1 ပူးပေါင်းရင်းမြစ်များ

Njekillamber 4:10

Mbata ɓó d’a gə koso ndá Yeḛ gə́ kára a kwa ji maree lé kuree tar. Nɛ dəw gə́ gə karee ba lé ɓó lé oso ndá Dəw gə́ raŋg gə́ a kunee kuree tar lé godo.

Esai 27:1

Mee ndəa’g neelé Njesigənea̰ a kun kiambas ləa gə́ kədərə, gə boi gə́ siŋgá to yaa̰ mba gaŋg ne da-kɔb gə́ to li gə́ njekaḭgwɔd yaa̰ ləm, da-kɔb gə́ to li gə́ təd rəa go̰gəlɔ-go̰gəlɔ ləm tɔ ndá yeḛ a tɔl da-kɔb lé mee baa-boo-kad’g.

Matiyo 10:16

Aa ooje, m’ula sí asəna gə badje bèe mbuna jagmjərje’g. Bèe ndá awje yururu asəna gə lije bèe ləm, awje lɔm to gə́ dərndaje bèe ləm tɔ.

Matiyo 4:3

Léegəneeya, njekər dəwje ree pər gə́ rəa’g ulá pana: Ɓó lé i to Ŋgon-Ala gə́ gəd ya ndá un ndui ar kɔr mbalje neelé tel muru ko̰ lé.

Matiyo 4:6

Ɓó lé i to Ŋgon-Ala gə́ gəd ndá al ur naŋg mbata deḛ ndaŋg mee maktub’g pana: Yeḛ a kun ndia kar kuraje ləa gə́ dara kwɔji ne dɔi, D’a kuni gə ji dee Nà banelə i a tuga gɔli dɔ kɔr mbal’g.

Matiyo 4:9

Ɓó lé i a kunda barmba dəb kəmi naŋg nɔm’g ndá néje lai gə́ i oo gə kəmi neelé m’a kari gə́ kaḭ ya.

2 Njé gə́ Kɔrḭtə 11:14

Né gə́ deḛ ra lé to kəm kar dəw ndəb ne gə mbəa el mbata Njekurai nja kara tel rəa asəna gə kura gə́ dara gə́ ka̰ lookàr tɔ.

2 Njé gə́ Kɔrḭtə 11:3

Nɛ lé bèe kara ma m’ɓəl nà banelə to gə́ li ra gosɔyèr su ne kəm Ebe su-su lé takə̰jije lə sí kara a kar sí ndəmje ne kar sí ubaje ne ta lə Kristi gə́ seḭ ndaje meḛ sí kaḭ dəa’g lé kya̰je.

1 Piɛrə 3:7

Seḭ diŋgamje kara maji kar sí sije gə denéje lə sí gə majee mbata seḭ gərje gao deḛ to denéje ba, siŋga dee as gə ka̰ sí el. Maji kar sí tədjekag dee mbata deḛ d’a kiŋga sə sí kəmə lé gə́ Ala wa ne sə sí noji, bèe ɓa oo deeje gə́ kankəm néje kəm sí’g mba kar né kára kara ɔg rəw tamaji lə sí el.

Loo gə́ killa rea kəm Ja̰’g 12:15

Li lé ubu masee njiriri-njiriri aree ula asəna gə mán-baa goo dené’g gə mba kar manee unee aw səa.

Loo gə́ killa rea kəm Ja̰’g 12:9

Deḛ tuba dakɔb gə́ ria lə li-gə́-ləw gə Njekurai, yeḛ gə́ su kəm dəwje lai dɔ naŋg nee su-su lé deḛ d’wá d’ilá dɔ naŋg nee na̰’d gə kuraje ləa tɔ.

Loo gə́ killa rea kəm Ja̰’g 20:2

Yeḛ wa dakɔb gə́ to li gə́ ləw gə́ ria lə njekurai ləm, gə Njeyèr ləm to lé ndá yeḛ teá ilá as ləbee tɔl-dɔg.