Gḭ-Néje 26:5 - Maktub gə́ To gə Kəmee

⁵ Mbata Abrakam ila koji dɔ tapam’g ləm, yeḛ aa dɔ torndumje gə dɔ ndukunje ləm, ra néje lai gə́ m’wɔji karee ra ləma, yeḛ aa dɔ godndumje kər-kər ləm tɔ.

Gḭ-Néje 26:5 ပူးပေါင်းရင်းမြစ်များ

Gḭ-Néje 12:4

Abram ḭ aw to gə́ Njesigənea̰ ulá lé, tɔɓəi Lɔt ḭ aw səa tɔ. Ləb Abram aḭ rɔ-siri-giree-mi (75) loo gə́ yeḛ ḭ Haran lé.

Gḭ-Néje 17:23

Abrakam wa ŋgonee gə́ diŋgam Ismael gə deḛ lai gə́ d’oji dee mee kəi’g ləa ləm, gə deḛ lai gə́ yeḛ ndogo dee gə lar ləm tɔ, diŋgamje lai mbuna njé gə́ mee kəi’g lə Abrakam ndá yeḛ aw sə dee aw inja tamɔd dee mee ndəa gə́ kára neelé gə goo ndukun gə́ Ala un aree lé tɔ.

Gḭ-Néje 18:19

Mbata ma nja m’ɔree mba karee un ndia ar ŋganeeje, gə njémeekəije ləa gə́ d’a gə korè gée lé mba kar dee d’aa dɔ rəw lə Njesigənea̰ ləm, gə mba kar dee ra né gə́ dana gə né gə́ to gə dɔ najee ləm tɔ. Bèe ɓa ndukunje gə́ wɔji dɔ Abrakam gə́ Njesigənea̰ un aree lé d’a kaw ne lée’g béréré ya.

Gḭ-Néje 22:16

Njesigənea̰ pa togə́bè pana: Ma man rɔm gə rim-ma ya, gə mbata ra gə́ i ra né gə́ neelé ləm, gə ŋgoni gə́ to ŋgon gə́ kára ba kiao gə́ i ɔgm el lé ləm tɔ lé

Gḭ-Néje 22:18

Ginkoji dəwje gə raŋg lai dɔ naŋg nee lé d’a kiŋga dɔkaisəgərə rɔ ŋgakaije’g mbata i lé njaa gə ŋgonkoji dɔ ta’g ləm ya.

Gḭ-Néje 26:6

Gelee gə́ nee ɓa Isaak ra ne ɓee Gerar ya.

Matiyo 5:19

Yeḛ gə́ al dɔ godndu gə́ tḛ́-tḛ́ bèe, əsé ndoo mareeje gə mba ra togə́bè kara debee neelé d’a kée gə́ dəw gə́ əḭ el ɓeeko̰ gə́ dara ya. Nɛ dəw gə́ aa dɔ godndu neelé kər-kər ləm, gə ndoo mareeje gə mba kar dee ra togə́bè ləm tɔ ndá debee neelé d’a riba dəa təsərə gə́ dəw gə́ boo ɓeeko̰ gə́ dara lé tɔ.

Matiyo 7:24

Bèe ndá nana ɓa oo tapam, ra née ndá m’a kée gə́ dəw gə́ inja paw gə́ tum gin kəi ləa dɔ mbal’g.

1 Njé gə́ Kɔrḭtə 15:58

Togə́bè ɓa, ŋgakɔmje gə́ m’unda sí dan kəm’g lé aarje kenḛg njaŋg ɓó ləŋje el. Raje kula lə Mbaidɔmbaije gə ŋgaŋgee béréré-béréré mbata seḭ gərje gao, kula gə́ seḭ raje ulaje rɔ sí ndubu keneŋ arje Mbaidɔmbaije lé a tel to né gə́ gə mḭdé el.

Njé gə́ Galati 5:6

Mbata deḛ gə́ d’ɔm gə Kristi na̰’d yəg lé kinja tamɔd əsé kinja tamɔd el kara to né el, nɛ meekun lé gə́ meenoji ɔs ginee ɓɔḭ-ɓɔḭ lé yee ɓa gə́ kankəm né ya.

Ǝbrəje 11:8

Meekun lé ɓa Abrakam ila ne ŋgonkoji dɔ Ala’g. Loo gə́ yeḛ ɓaree ne mba karee aw si dɔ naŋg gə́ yeḛ a gə kiŋga gə́ dɔ nduba ləa ndá yeḛ ḭ aw ne, nɛ yeḛ gər loo kabee el.

Maktub gə́ Jak ula ne ar ngan-Allaje 2:21

Abrakam, bɔ síje lé loo gə́ yeḛ un ŋgonee Isaak ya̰ gée dɔ loo-nékinjaməs’g ar Ala lé yee ɓa deḛ d’ée né gə́ dəw gə́ njemeekarabasur ɓəi. See to togə́bè el wa.