Gḭ-Néje 26:2 - Maktub gə́ To gə Kəmee

² Njesigənea̰ teḛ dəa’g ulá pana: Maji kari ɔd aw mee ɓee gə́ Ejiptə’g el, si mee ɓee gə́ ma nja m’a gə kulai ɓa.

Gḭ-Néje 26:2 ပူးပေါင်းရင်းမြစ်များ

Gḭ-Néje 12:1

Njesigənea̰ ula Abram pana: Uba naŋg ḭ mee ɓee-kojii’g gə mbuna njénojije’g ləi ləm, gə mee kəi’g lə bɔbije ləm tɔ aw dɔ naŋg gə́ ma nja m’a gə tɔjii lé.

Gḭ-Néje 12:7

Njesigənea̰ teḛ dɔ Abram’g ulá pana: Ɓee neelé m’a kar ŋgakaije gə́ ka̰ dee-deḛ. Togə́bè Abram ra loo-nékinjaməs ar Njesigənea̰ gə́ teḛ dəa’g lé.

Gḭ-Néje 17:1

Loo gə́ ləb Abram aḭ rɔ-jinaikara-giree-jinaikara (99) ndá Njesigənea̰ teḛ kəm Abram’g ulá pana: Ma m’to Ala gə́ Bao-siŋgamoŋ. Maji kari njaa gə gelgodo ləi nɔm’g.

Gḭ-Néje 17:19

Ala pana: Tɔgərɔ ya, Sara gə́ dené ləi lé a koji səi ŋgon ndá i a kunda ria lə Isaak. Maa̰ gə́ m’a man rɔm karee lé a to manrɔ gə́ a to saar-saar gə no̰ gə mbata lə ŋgakeaje gə́ gée’g.

Gḭ-Néje 18:1

Loo gə́ kàr ɔs yaa̰ ndá Njesigənea̰ teḛ kəm Abrakam’g loo gə́ yeḛ si ta kəi-kubu’g ləa mbuna kag-sɛnəje gə́ Mamré.

Gḭ-Néje 26:24

Njesigənea̰ teḛ dəa’g loondul’g ulá pana: Ma m’to Ala lə bɔbije gə́ Abrakam ndá ɓəl el mbata ma m’nai səi. M’a tɔr ndum dɔi’g ləm, m’a kar ŋgakaije d’ɔs goo na̰ gə́ kédé-kédé ləm tɔ gə mbata lə kura ləm gə́ Abrakam lé ya.

Pakɔsje 25:12

See dəw gə́ ra ɓa ɓəl Njesigənea̰ wa. Njesigənea̰ a tɔjee rəw gə́ kəm karee njaa keneŋ.

Pakɔsje 37:3

Maji kari ɔm məəi dɔ Njesigənea̰’g ra ne né gə́ maji, Yee ɓa i a si ne mee ɓee’g ləm, a si ne lɔm ləm tɔ.

Teḛ-Raga 2:24

Ala oo ndu tuma̰ rɔ lə dee ndá ar mée olé dɔ manrɔ gə́ yeḛ Man ne rəa ar Abrakam gə Isaak gə Jakob lé ya.

Ləbije 26:42

M’a kar məəm olé dɔ manrɔ’g ləm gə́ ma man ne rɔm m’ar Jakob, gə Isaak, gə Abrakam ləma, m’a kar məəm olé dɔ ɓee’g ləm tɔ.