Gḭ-Néje 26:1 - Maktub gə́ To gə Kəmee

¹ Ɓoo-boo oso dɔ naŋg’d neelé, to ɓoo-boo gə́ orè goo yee gə́ dɔtar gə́ mee ləbee’g lə Abrakam lé. Ndá Isaak aw rɔ Abimelek’g, mbai lə Pilistije gə́ si Gerar.

Gḭ-Néje 26:1 ပူးပေါင်းရင်းမြစ်များ

Gḭ-Néje 12:10

Ɓoo-boo oso mee ɓee’g ndá Abram ḭ aw Ejiptə gə mba kisi keneŋ waga ɓa mbata ɓoo-boo tɔl yaa̰ mee ɓee’g lé.

Gḭ-Néje 25:11

Loo gə́ Abrakam wəi mba̰ ndá Ala tɔr ndia dɔ ŋgonee Isaak’g lé. Yeḛ lé ra ɓee mbɔr bwa-mán gə́ Lahai-rɔi’g dəb tɔ.

Gḭ-Néje 25:34

Yen ŋga Jakob ar Esawu muru ləm, gə lɔ-mḭji ləm tɔ. Yeḛ o̰ gə ai ndá uba naŋg ḭ aw. Togə́bè ɓa Esawu oo ŋgondər ləa gə́ né kəmee’g el.

Gḭ-Néje 42:5

Ŋgalə Israɛl ree mba ndogo kó mbuna njé gə́ raŋg gə́ ree lé to mbata ɓoo-boo o̰ ɓee gə́ Kana̰ tɔ.

Gḭ-Néje 43:1

Ɓoo-boo neelé o̰ gə́ kédé-kédé dɔ naŋg’d neelé.

2 Samel 21:1

Mee ndəa’g lə Dabid lé ɓoo-boo o̰ orè goo na̰ goo na̰ as ləb munda. Togə́bè Dabid dəji Njesigənea̰ ndá Njesigənea̰ ulá pana: Gelee to mbata Sawul gə njémeekəije ləa gə́ d’ila məs lé, mbata Sawul ar dee tɔl Gabao̰je.

Teḛ-Raga 33:1

Njesigənea̰ ula Moyis pana: Ḭje loo gə́ nee’g, awje, seḭ gə dəwje gə́ i ar dee d’unda loo mee ɓee gə́ Ejiptə teḛ lé, awje par gə́ dɔ naŋg gə́ ma m’un ndum mba kar Abrakam, gə Isaak, gə Jakob lé m’pana: M’a karee to ka̰ ŋgaka deeje lé ya.

Rudu 1:1

Mee ləbeeje gə́ mbaije gə́ ɓar dee njégaŋ-rəwtaje ɓa d’o̰ ɓee gə́ Israɛl lé ɓoo-boo oso bib mee ɓee’g tɔ. Diŋgam kára bèe ḭ mee ɓee gə́ Betlehem dɔ naŋg’d lə Juda aw gə dené ləa gə ŋganeeje gə́ diŋgam joo mba kaw kisi ne ɓee gə́ Moab.