Gḭ-Néje 22:3 - Maktub gə́ To gə Kəmee

³ Abrakam ḭ gə ndɔ rad, tɔ né gir mulayḛ̀je’g ləa, ar basaje joo gə Isaak d’aw səa na̰’d. Yeḛ ria kir gə́ ka̰ roo ne nékinjaməs lé ndá ɔd gə mba kaw loo gə́ Ala ulá keneŋ lé tɔ.

Gḭ-Néje 22:3 ပူးပေါင်းရင်းမြစ်များ

Gḭ-Néje 17:23

Abrakam wa ŋgonee gə́ diŋgam Ismael gə deḛ lai gə́ d’oji dee mee kəi’g ləa ləm, gə deḛ lai gə́ yeḛ ndogo dee gə lar ləm tɔ, diŋgamje lai mbuna njé gə́ mee kəi’g lə Abrakam ndá yeḛ aw sə dee aw inja tamɔd dee mee ndəa gə́ kára neelé gə goo ndukun gə́ Ala un aree lé tɔ.

Gḭ-Néje 21:14

Abrakam ḭta gə ndɔ rad. Yeḛ un muru ləm, gə mán mee ɓɔl ndar’g ləm tɔ ar Agar ndá yeḛ unda dee dɔ tamee’g. Tɔɓəi yeḛ ula ŋgon lé jia’g tɔ ndá yá̰ aree ɔd aw ŋga. Agar lé ɔd aw ndá yeḛ ila tar gə́ yo gə́ nee dɔdilaloo gə́ Beer-Seba.

Gḭ-Néje 22:18

Ginkoji dəwje gə raŋg lai dɔ naŋg nee lé d’a kiŋga dɔkaisəgərə rɔ ŋgakaije’g mbata i lé njaa gə ŋgonkoji dɔ ta’g ləm ya.

Gḭ-Néje 22:2

Ala pana: Aw gə Isaak, ŋgoni gə́ kára ba kiao gə́ i undá dan kəmi’g lé. Ɔd aw səa ɓee gə́ Morija ndá lée neelé i a kḭjá gə́ nékinjaməs gə́ ka̰ roo dɔ mbal gə́ m’a gə kulai’g lé ɓəi.

Gḭ-Néje 22:4

Ndɔ gə́ njekɔm’g munda lə dee ndá Abrakam un kəmee gə́ tar oo loo lé nai əw lam ba.

Pakɔsje 119:60

M’ɔs rɔm ɓad gə mba ra godnduije ya Ɓó m’ŋgira kudum el.

Njekillamber 9:10

Néje lai gə́ jii iŋga gə mba ra gə siŋgai ndá gə́ ra ya. Mbata kula gə́ ra, əsé kḛji ta, əsé gosonégər, əsé kəmkàr Godo njabaw loo gə́ i si aw gə́ keneŋ lé.

Matiyo 10:37

Yeḛ gə́ ndigi bɔbeeje əsé kea̰je undam-ma ndá ḭ ɓee ləm el ləm, yeḛ gə́ ndigi ŋgonee gə́ diŋgam əsé ŋgonee gə́ dené undam-ma kara ḭ ɓee ləm el ləma,

Lugu 14:26

Ɓó lé nana ɓa gə́ ree rɔm’g ɓa yeḛ oo bɔbeeje gə kea̰je gə dené ləa gə ŋganeeje gə ŋgakea̰je gə́ diŋgam gə njé gə́ dené gə rəa-yeḛ nja kara oo dee gə́ né gə́ to kḛji el ndá yeḛ a kaskəm to njekwakilam el tɔ.

Njé gə́ Galati 1:16

gə mba riba ne dɔ Ŋgonee gə darɔm-ma ya gə mba kam m’aw m’ɔr taree mbuna njépole-magəje’g ndá léegəneeya, ma m’ḭ m’aw ɓó m’dəji ne gin dakasrɔ dəw əsé məs ɓa el ləm,

Ǝbrəje 11:8

Meekun lé ɓa Abrakam ila ne ŋgonkoji dɔ Ala’g. Loo gə́ yeḛ ɓaree ne mba karee aw si dɔ naŋg gə́ yeḛ a gə kiŋga gə́ dɔ nduba ləa ndá yeḛ ḭ aw ne, nɛ yeḛ gər loo kabee el.

Jujé 3:1

Juje ḭta gə ndɔ rad ar Israɛlje lai d’ḭ səa na̰’d ɓee gə́ Sitim d’ɔd d’aw ndá deḛ teḛ ta baa’d gə́ Jurdɛ̰, lée’g neelé deḛ to naŋg keneŋ loondul’g ɓa gə mba bèlè gaŋg baa lé ɓəi.

Jujé 8:10

Bèlè gə ndɔ rad ndá Juje ḭta aw tən njérɔje lé, tɔɓəi yeḛ gə ŋgatɔg Israɛlje d’ɔr no̰ dee mba kaw rɔ ne gə njé gə́ Ai tɔ.