Gḭ-Néje 22:2 - Maktub gə́ To gə Kəmee

² Ala pana: Aw gə Isaak, ŋgoni gə́ kára ba kiao gə́ i undá dan kəmi’g lé. Ɔd aw səa ɓee gə́ Morija ndá lée neelé i a kḭjá gə́ nékinjaməs gə́ ka̰ roo dɔ mbal gə́ m’a gə kulai’g lé ɓəi.

Gḭ-Néje 22:2 ပူးပေါင်းရင်းမြစ်များ

Gḭ-Néje 17:19

Ala pana: Tɔgərɔ ya, Sara gə́ dené ləi lé a koji səi ŋgon ndá i a kunda ria lə Isaak. Maa̰ gə́ m’a man rɔm karee lé a to manrɔ gə́ a to saar-saar gə no̰ gə mbata lə ŋgakeaje gə́ gée’g.

Gḭ-Néje 21:12

Nɛ Ala ula Abrakam pana: Maji kar né neelé ar məəi uri sir mbata lə ŋgon lé el ləm, gə mbata lə ɓər ləi gə́ dené lé el ləm tɔ. Ur mbii oo ne taje lai gə́ Sara ulai ya. Mbata gin Isaak ɓa ŋgakaije gə́ d’a gə to kaḭ ya doŋgɔ doi lé d’a kḭ keneŋ ya.

Gḭ-Néje 21:3

Abrakam unda ri ŋgonee gə́ Sara ojee səa aree lé lə Isaak.

Gḭ-Néje 22:12

Kura gə́ dara lé pana: Un jii ɔrɔ ne rɔ ŋgon neelé el ləm, ra səa né el ləm tɔ. Mbata ɓasinè lé ma m’gər gao to gə́ i ɓəl Ala ya. Ŋgoni gə́ to ŋgon gə́ kára ba kiao lé i ɔgm el.

Gḭ-Néje 22:16

Njesigənea̰ pa togə́bè pana: Ma man rɔm gə rim-ma ya, gə mbata ra gə́ i ra né gə́ neelé ləm, gə ŋgoni gə́ to ŋgon gə́ kára ba kiao gə́ i ɔgm el lé ləm tɔ lé

Gḭ-Néje 22:3

Abrakam ḭ gə ndɔ rad, tɔ né gir mulayḛ̀je’g ləa, ar basaje joo gə Isaak d’aw səa na̰’d. Yeḛ ria kir gə́ ka̰ roo ne nékinjaməs lé ndá ɔd gə mba kaw loo gə́ Ala ulá keneŋ lé tɔ.

Gḭ-Néje 22:9

Loo gə́ deḛ teḛ loo gə́ Ala ulá lé ndá Abrakam ra loo-nékinjaməs keneŋ ləm, yeḛ ɔm kir dɔ’g ləm tɔ. Ndá yeḛ wa ŋgonee Isaak teá unee ilá dɔ kir gə́ to dɔ loo-nékinjaməs’g neelé.

Gḭ-Néje 8:20

Noe ra loo-nékinjaməs ar Njesigənea̰. Yeḛ mbər nékulje gə́ d’àr ŋgad-ŋgad ləm, gə yelje gə́ d’àr ŋgad-ŋgad ləm tɔ ndá yeḛ inja dee gə́ nékinjaməs gə́ ka̰ roo dɔ loo-nékinjaməs’g neelé.

2 Mbaije 3:27

Yen ŋga yeḛ wa ŋgondəree gə́ a gə taa toree loo ko̰ɓee’g ya ḭjá gə́ nékinjaməs ka̰ roo dɔ ndògo-bɔrɔ’g. Meḛ Israɛlje ḭ sə dee pu ar dee d’ɔr rɔ dee rɔ mbai gə́ Moab’g lé tel d’aw ɓee lə dee tɔ.

2 Sôrta Gḭka Israɛlje 3:1

Salomo̰ un kudu kunda kəi lə Njesigənea̰ mee ɓee gə́ Jerusalem, dɔ mbal’d gə́ Morija, loo gə́ Njesigənea̰ teḛ dɔ bɔbeeje Dabid’g ar Dabid wa dɔ gɔlee loo-kunda-kó’g lə Ornan gə́ to dəw gə́ Yebus lé.

Misee 6:7

See bàl badje gə́ bula digi-digi ləm, Gə ubu gə́ ula kəŋgəŋ-kəŋgəŋ ləm tɔ lé A taa kəm Njesigənea̰ wa. See m’a kun ŋgondərm kuga ne dɔ kal gə́ m’al dɔ godnduje ləm, Gə ŋgan meemje kuga ne dɔ kaiya ləm ləm tɔ wa.

Tagə́maji gə́ Ja̰ ndang 3:16

Ala ndigi dəwje lai-lai dɔ naŋg nee, unda dee dan kəmee’g ɓa un Ŋgonee gə́ gəd-gəd kára ba ulá ar dee mba kar nana ɓa gə́ ɔm mée dəa’g ndá a si gə kəməgə́ gə no̰ lé ɓó a kudu nda̰ el.

Njé gə́ Rɔmə 5:8

Nɛ Ala nja kila meenoji ləa kɔd gə́ rɔ sí’g mbata loo gə́ jeḛ nai gə́ njékaiyaje ɓəi lé Kristi wəi gə mbata lə sí.

Njé gə́ Rɔmə 8:32

Ŋgon mée kara yeḛ yá̰ ar sí ɓó ŋgəmee rəa’g el, nɛ ɓəd ɓa see néje gə́ raŋg lai-lai lé see a kɔg sí tɔɓəi wa.

Ǝbrəje 11:17

Meekun lé ɓa Abrakam un ne Isaak ar Ala loo gə́ Ala aḭ ne mée lé. Ŋgonee gə́ kára ba jia’g, nɛ yeḛ un aree. To ŋgon gə́ ndukun lə Ala ɓa d’ojee ne ləm,

Njéga̰g-Rəwtaje 11:31

loo gə́ m’ḭ ɓee lə Amo̰je m’tel gə rɔlel ndá nana ɓa gə́ a kunda loo teḛ tarəwkəi’g ləm tila kəm ndá yeḛ neelé a to gə kəmee kar Njesigənea̰, tɔɓəi m’a kḭjá gə nékinjaməs gə́ ka̰ roo kari ya.

Njéga̰g-Rəwtaje 11:39

Loo gə́ rudu naḭ gə́ joo lé un ɗiao mba̰ ndá yeḛ ree rɔ bɔbeeje’g tɔɓəi yeḛ ar ndukun lé aw lée’g béréré dəa’g ya. Yeḛ gər diŋgam el. Un kudee mee ndəa gən lé ndá yee neelé tel to néjiɓee lə Israɛlje ya,