Gḭ-Néje 20:9 - Maktub gə́ To gə Kəmee

⁹ Abimelek ɓar Abrakam dəjee pana: See ɗi ɓa i ra sə sí bèe wa. See némajel ɗi ɓa ma m’ra səi ɓa i ar ndɔl kaiya gə́ boi oso ne dɔm-ma gə dɔ ɓeeko̰’g ləm lai bèe wa. I ra səm né gə́ kəm kar dəw ra gə maree el.

Gḭ-Néje 20:9 ပူးပေါင်းရင်းမြစ်များ

Gḭ-Néje 12:18

Yen ŋga Parao̰ ɓar Abram dəjee pana: See ɗi ɓa i ra səm bèe wa. See ban ɓa i ulam təsərə to gə́ yeḛ to dené ləi el wa.

Gḭ-Néje 20:10

Abimelek dəji Abrakam pana: See ɗi ɓa i oo ɓa ari ra ne né gə́ togə́bè gə mbəa wa.

Gḭ-Néje 20:8

Abimelek ḭta gə ndɔ rad. Yeḛ ɓar kuraje ləa lai ndá yeḛ ndaji ta néje neelé lai ar dee. Yen ŋga ɓəl unda dəwje neelé badə gaŋg dee.

Gḭ-Néje 26:10

Abimelek tel ulá tɔɓəi pana: See ɗi ɓa i ra sə sí togə́bè wa. Nai lam ba gə mba kar dəw lə sí kára aw to gə dené ləi ndá i a kar taree wa dɔ sí.

Gḭ-Néje 29:25

Bèlè gə ndɔ ndá Jakob ée to gə́ to Lea. Ndá Jakob dəji Laba̰ pana: See ɗi ɓa i ra səm togə́bè wa. See ma m’ra səi kula gə mbata lə Rasel el wa. Ŋga see i su kəm bèe gə mba ɗi wa.

Gḭ-Néje 34:7

Ŋgalə Jakobje d’ḭ wala ree ɓa d’oo ta neelé ɓəi. Diŋgamje neelé oŋg ḭ sə dee pu, tuji ne meḛ dee pugudu mbata Sikem lé ula sul dɔ Israɛl’g mbata to gə́ yeḛ to gə ŋgolə Jakob lé to né gə́ kəm ra el.

Gḭ-Néje 38:24

As naḭ munda gogo ndá deḛ ree d’ula Juda pana: Məmije Tamar tel to kaiya-dené ŋga ndá yeḛ aw gə kèm. Juda pana: Maji kar sí oreeje gə́ raga ndá réeje ya.

Gḭ-Néje 39:9

Dəw gə́ njekur dɔm-ma mee kəi’g neelé godo ləm, yeḛ ɔgm né kára kara el ləm tɔ, nɛ i ɓa nai mbata i to dené ləa ɓa. See m’a ra néra gə́ majel gə́ boi bèe ɓa mba ra ne kaiya kɔs ne Ala rəw to gə́ ban wa.

2 Samel 12:5

Oŋg lə Dabid ḭ səa pu dɔ dəw’g neelé aree ula Natan pana: Njesigənea̰ to njesikəmba ya! Dəw gə́ ra né gə́ togə́bè lé kəm karee wəi gə́ kwəi ya.

2 Samel 13:12

Yeḛ ilá keneŋ pana: Wah, ŋgokɔm, togə́bè el, maji kari ra səm nérɔkul gə́ togə́bè el mbata né gə́ togə́bè lé dəw ra mbuna Israɛlje’g el, to né gə́ kəm ra el.

Teḛ-Raga 32:21

Moyis ula Aaro̰ pana: See ɗi ɓa dəwje neelé ra səi ɓa i ɔr dee ɔm dee ne dan kaiya gə́ boi gə́ bèe wa.

Teḛ-Raga 32:35

Njesigənea̰ ar bo̰ néra dəwje neelé ɔs ta dee’g mbata deḛ léḛ néndaji ŋgon maŋg gə́ Aaro̰ ɓa ra ar dee lé.

Gosota-Kəmkàrje 28:10

Yeḛ gə́ ar dəwje gə́ njéra nédanasurje ndəm dan rəw gə́ majel’g lé Oso mee bwa gə́ yeḛ nja uru’g, Nɛ dəwje gə́ ra né gə goo rəbee lé D’iŋga meemaji gə́ nénduba lə dee.

Ləbije 20:10

Ɓó lé diŋgam to gə dené gə́ taa ŋgaw ləm, əsé lé to gə dené lə maree gə mɔdkaiya ləm tɔ ndá kaiya-diŋgam gə kaiya-dené neelé kəm tɔl dee gə́ tɔl ya.

Njé gə́ Rɔmə 2:11

Mbata no̰ Ala’g lé d’a kɔr kəm dəw kára kara keneŋ el.

Titə 1:11

Deḛje neelé maji kwa ta dee daŋ’d ya. Mbata deḛ ndɔm noji na̰je naŋg gololo ləm, ta gə́ kəm ndoo dee el lé deḛ ndoo dee mba taa ne né gə́ gə goo rəbee el ləm tɔ.

Ǝbrəje 13:4

Maji kar sí-seḭ lai ooje taa na̰ lə diŋgam gə dené lé gə́ né gə́ kəm pidi ləm, a kooje tira-to taa na̰ lé kara gə́ né gə́ to mbo̰ el ləm tɔ. Mbata deḛ gə́ d’aw gə́ balgogé əsé ndal mɔdkaiya ndá Ala a gaŋg rəwta dɔ dee’g ya.

Jujé 7:25

Juje pana: See gelee ban ɓa i ar ta meeko̰ oso dɔ sí’g bèe wa. Njesigənea̰ a kar ta meeko̰ oso dɔi’g ɓogənè. Ndá Israɛlje lai tilá gə kɔri-ər. Deḛ tila dee gə kɔri-ər ləm, roo dee ləm tɔ.