Gḭ-Néje 20:3 - Maktub gə́ To gə Kəmee

³ Nɛ Ala teḛ dɔ Abimelek’g gə ni loondul’g ulá pana: Aa oo, i a gə kwəi mbata dené gə́ i ɔree lé to dené lə dəw.

Gḭ-Néje 20:3 ပူးပေါင်းရင်းမြစ်များ

Gḭ-Néje 12:17

Nɛ Njesigənea̰ ar némeekonje gə́ to ɓəl kədəm-kədəm teḛ dɔ Parao̰ gə njémeekəije’g ləa gə mbata lə Sarai, dené lə Abram lé.

Gḭ-Néje 12:18

Yen ŋga Parao̰ ɓar Abram dəjee pana: See ɗi ɓa i ra səm bèe wa. See ban ɓa i ulam təsərə to gə́ yeḛ to dené ləi el wa.

Gḭ-Néje 20:7

Ɓasinè, maji kari tel gə dené lə diŋgam neelé aree gogo. Mbata yeḛ to njetegginta ndá yeḛ a ra tamaji mbata ləi, tɔɓəi i a si ne kəmba. Nɛ ɓó lé i a tel səa karee el ndá maji kari gər gao to gə́ i a kwəi ləm, i seḭ gə njé’g ləi bura ya ləm tɔ.

Gḭ-Néje 28:12

Yeḛ ni ndá yeḛ oo ɗigi gə́ gɔlee wa naŋg nɛ dəa ɔrɔ dara. Tɔɓəi, aa oo, kuraje lə Ala gə́ dara d’al d’aw tar ləm, deḛ risi d’uru naŋg ləm tɔ gə ɗigi neelé.

Gḭ-Néje 31:24

Nɛ Ala teḛ dɔ Laba̰ gə́ to dəw gə́ Aram lé loondul’g gə ni ulá pana: Məəi dɔ rɔi’g gə mba kari pata gə́ maji əsé ta gə́ majel gə Jakob el!

Gḭ-Néje 37:5

Jisəb lé ni ndá yeḛ ndaji ta ni ləa ar ŋgakea̰je d’oo ndá deḛ d’wá gə meḛ dee unda nje gə́ kédé ya ɓəi.

Gḭ-Néje 37:9

Yeḛ ni gɔl kára ya tɔɓəi ndá yeḛ ɔr gée ar ŋgakea̰je lé. Yeḛ pana: Ma lé m’ni ya tɔɓəi! Ndá aa ooje, kàr gə naḭ gə kéréméje dɔg-giree-kára d’unda barmba naŋg nɔm’g.

Gḭ-Néje 40:5

Mee til gə́ kára ba ya njekar mbai gə́ Ejiptə nékai ləm, gə njera muru karee ləm tɔ gə́ d’isi daŋgai’g lé deḛ joo bɔr ni, nana kara ni ni ləa gə́ d’askəm kɔr gelee ɓəd-ɓəd ya.

Gḭ-Néje 40:8

Deḛ d’ilá keneŋ pana: Jeḛ nije nɛ j’oo dəw kára mba karee ɔr ginee ar sí el. Yen ŋga Jisəb ula dee pana: Kəmkàr mba kɔr gin ni lé see ḭ rɔ Ala’g lé el wa. Ɔrje sor ni lé amje m’oo.

Gḭ-Néje 46:2

Ala teḛ dɔ Israɛl’g gə́ némḭdi loondul’g ɓaree pana: Jakob! Jakob! Israɛl ndigi təa’g pana: M’oo tai’g ya!

1 Sôrta Gḭka-Israɛlje 16:21

Nɛ yeḛ ya̰ loo ar dəw kára kara Gə mba karee ula kəm dee ndòo el ləm, Yeḛ ar bo̰ néra mbaije Ɔs ta dee’g mbata lə dee ya ləm tɔ:

Maktub gə́ wɔji dɔ Jɔb 33:15

Yeḛ pata gə nénije ləm, gə némḭdije gə́ loondul’g Loo gə́ dəwje d’oso gə ɓi pərəg, Loo gə́ deḛ d’aw toɓi dɔ tira-to dee’g ləm tɔ.

Maktub gə́ wɔji dɔ Jɔb 33:17

Gə mba kar dəw unda rəa ɓad dɔ néra gə́ majel’g ləm, Gə mba kɔgee ne dɔ ti-rɔ’g ləm,

Pakɔsje 105:14

Nɛ yeḛ ya̰ loo ar dəw kára kara ula kəm dee ndòo el ləm, Yeḛ ar bo̰ néra mbaije ɔs ta dee’g mbata lə dee ya ləm tɔ:

Junas 3:4

Junas aw mee ɓee-boo’g neelé njaa keneŋ as ndɔ kára ndá yeḛ ɔr ndia gə́ tar wəl ula dee pana: Nai ndɔ rɔ-sɔ ba gə mba kar Ninibə tuji pugudu ya.

Bula lə Israɛlje 22:9

Ala ree rɔ Balaam’g dəjee pana: See dəwje gə́ to kəi ləi lé to na̰je wa.

Matiyo 1:20

Loo gə́ yeḛ si ə̰ji taree mée’g bèe ɓəi ndá né gə́ mḭdi ɓa kura lə Mbaidɔmbaije gə́ dara teḛ ne dəa’g ulá ne pana: Jisəb, ŋgon Dabid, maji kari ɓəl mba taa Mari gə́ dené ləi el mbata kèm gə́ to mée’g lé to ka̰ Ndilmeenda ya. Yeḛ a koji ŋgon gə́ diŋgam ndá i a kunda ria lə Jeju.

Matiyo 27:19

Loo gə́ Pilatə si dɔ kalimbai gaŋg-rəwta’g ɓəi ndá dené ləa ula-kula ar dee d’ulá pana: Maji kari ar ta oso dɔ sí-seḭ gə njemeekarabasur’g neelé el, mbata ɓogənè lé ni gə́ kurai ya m’ni dəa’g.