Gḭ-Néje 2:9 - Maktub gə́ To gə Kəmee

⁹ Njesigənea̰ Ala ar kagje gə́ gə gel dee gel deḛ lai d’uba dɔ naŋg’d lé, njé gə́ maji kəm dəw’g ləm, gə njé gə́ maji gə́ ka̰ sɔ ləm tɔ. Kag kəmə lé to dan loo-ndɔ’g lé dana bab ləm, kag gə́ wɔji dɔ gər né gə́ maji əsé né gə́ majel kara to keneŋ ləm tɔ.

Gḭ-Néje 2:9 ပူးပေါင်းရင်းမြစ်များ

Gḭ-Néje 2:17

Nɛ kag gə́ wɔji dɔ gər né gə́ maji əsé né gə́ majel lé i a sɔ ka̰dee el mbata mee ndəa gə́ i a sɔ ka̰dee ndá i a kwəi ya.

Gḭ-Néje 3:22

Njesigənea̰ Ala pana: Aa ooje, dəw lé tel to tana gə yeḛ gə́ kára mbuna síjeḛ’g bèe mba gər né gə́ maji gə né gə́ majel. Ɓasinè, ar sí j’ɔgeeje loo nà a kula jia mba ti ne kandə kag-kəmə ləm, a sɔ ka̰dee ləma, a kisi ne kəmba gə no̰ ləm tɔ.

Gḭ-Néje 3:24

Togə́bè ɓa yeḛ tuba ne Adam bèe tɔɓəi yeḛ unda Nékundaje gə́ dara par gə́ bər lə loo-ndɔ gə́ Edḛ’g lé. Nékundaje gə́ dara neelé d’wa kiambas gə́ taa pər bilim-bilim ji dee’g ndá, deḛ biri tar widi-widi mba ŋgəm ne rəw gə́ wɔji dɔ kag-kəmə lé.

Gḭ-Néje 3:3

Nɛ kag gə́ aar dan ndɔ’g dana bab lé Ala pana: J’a sɔ ka̰dee nda̰ el ləm, j’a kɔrɔ rəa gə ji sí nda̰ el ləm tɔ nà j’a kwəi.

Gḭ-Néje 3:5

Nɛ Ala gər gao to gə́, mee ndɔ gə́ seḭ a sɔje ndá kəm sí a kinja ləm, seḭ a toje asəna gə Ala bèe gə mba gər ne né gə́ maji gə né gə́ majel ləm tɔ.

Gosota-Kəmkàrje 11:30

Kandə njemeekarabasur lé To kag-kəmə ləm, Njekəmkàr lé Taa dɔ dəwje gə́ taa ləm tɔ.

Gosota-Kəmkàrje 3:18

Yee to kag-kəmə mbata deḛ lai Gə́ d’wá gə ji dee ləm, Deḛ gə́ d’wá ga̰ lé kara Rɔ dee lel dee ne ləm tɔ.

Esai 44:25

M’tuji nétɔjije lə njétegginta gə́ ŋgɔmje ləm, M’ar njénékooje tel to mbəje ləm tɔ, M’rəm gə kəmkàr lə njékəmkàrje ləm, Négər lə dee lé ma m’telee gə́ némbə ləm tɔ.

Esai 47:10

Seḭ ɔmje meḛ sí dɔ meeyèr’g lə sí, Seḭ pajena: Dəw kára kara oo sí el! Kəmkàr lə sí gə négər lə sí lé su kəm sí Ndá seḭ paje meḛ sí’g pajena: Seḭ nja gə kar sí ba Ɓó dəw gə́ raŋg kára kara godo, Seḭ nja gə́ kar sí ba!

Ejekel 31:16

Kaa tuji ləa gə́ ɓar lé neḛ n’ar ginkoji dəwje gə raŋg d’unda ne bala loo gə́ n’ɔsee n’ilá loo-si njé gə́ d’wəi’g gə njé gə́ dubu dee bwa-dɔɓar’g na̰’d lé, kagje lai gə́ Edḛ gə kura kagje lə Liba̰ gə́ maji d’unda mar deeje gə́ d’ai mán yaa̰ lé meḛ dee to lɔm gin naŋg’d bər.

Ejekel 31:18

See na̰ ɓa rɔnduba ləa gə boo ləa as səi mbuna kagje gə́ Edḛ wa. D’a kɔsi kalaŋ kilai kari aw gin naŋg’d bər gə kagje gə́ Edḛ na̰’d ləm, i a to dan njépole-magəje’g gə deḛ gə́ d’wəi yoo-kiambas ləm tɔ. Yee ɓa gə́ né gə́ a teḛ dɔ Parao̰’g gə dɔ njé’g ləa gə́ bula digi-digi lé! Mbaidɔmbaije gə́ Njesigənea̰ ɓa pa bèe.

Ejekel 47:12

Mbɔr kəm-rəw-mán’g lé kag sɔje gə́ gə gel dee gel dee d’a kuba dɔ koŋgeeje’g loo joo bɔr. Kagje neelé kam dee a ndòlé nda̰ el ləm, kandə dee a godo nda̰ el ləm tɔ. D’a kandə gə naḭje kára-kára lai mbata mán a kḭ mee loo gə́ to gə kəmee’g teḛ kula gel dee’g. Kandə dee a to nékul rɔ ləm, kam dee a to kuma̰-kaji-rɔ ləm tɔ.

Tagə́maji gə́ Ja̰ ndang 6:48

Ma m’to muru ko̰ gə́ dəw a si ne gə kəmə lé ya.

1 Njé gə́ Kɔrḭtə 8:1

Ta lə nékulje gə́ deḛ d’inja gə́ məs d’ar magəje ɓa d’ya̰ dakasee lé kəm síjeḛ lai inja dɔ’g ar sí n’gər gosee gao. Gosɔnégər lé ar dəwje ti ne rɔ dee ya nɛ meenoji ɓa dəw a rɔd ne maree.

Tel tura Godndu 6:25

Godnduje nee lai gə́ Ala lə sí gə́ Njesigənea̰ un ne ndia ar sí lé ɓó lé jeḛ n’tɔsje kəm sí dɔ’g bao-bao, n’raje née nea̰’g ndá j’a toje njéra néje gə́ gə dɔ najee ya.

Loo gə́ killa rea kəm Ja̰’g 2:7

Yeḛ gə́ mbia to gən ndá maji karee oo ne ta gə́ Ndil nja ɓa ula Eglisəje. Dəw gə́ a kun baŋga ndá m’a karee sɔ kandə kag kəmə gə́ to mee paradis’g lə Ala lé ya.

Loo gə́ killa rea kəm Ja̰’g 22:14

Rɔlel nai gə deḛ gə́ togo kubu lə dee mba kiŋga rəw sɔ kandə kag kəmə lé ləm, əsé mba kiŋga rəw kandə ne mee ɓee’g neelé ləm tɔ.

Loo gə́ killa rea kəm Ja̰’g 22:2

Dan mee ɓee-boo gə́ dana bab ləm, gə dɔ koŋgo baa-boo’g loo joo bɔr ya ləm tɔ lé kag kəmə to keneŋ. Kag kəmə neelé andə gə ka̰dee gə lée-lée gə naḭ kára-kára naḭ dɔg-giree-joo ləm, kamee ɓa to gə́ kuma̰ kaji ginkoji dəwje gə raŋg dɔ naŋg nee ləm tɔ.