Gḭ-Néje 2:5 - Maktub gə́ To gə Kəmee

⁵ ŋgon kag gə́ rḛdeŋ bèe kara to dɔ naŋg nee lé el ɓəi ləm, kam kára kara uba loo-ndɔ’g el ɓəi ləm tɔ. Mbata Njesigənea̰ Ala ar ndi ər dɔ naŋg nee el ɓəi ləm, dəw gə́ njendɔ dɔ naŋg neelé kara godo ɓəi ləm tɔ.

Gḭ-Néje 2:5 ပူးပေါင်းရင်းမြစ်များ

Gḭ-Néje 2:6

Nɛ kṵji mán ɓa ḭ naŋg ar dɔ naŋg lai yil ne bèe-bèe ya.

Gḭ-Néje 3:23

Njesigənea̰ Ala tuba dəw lé mee ndɔ gə́ Edḛ’g, mba karee ndɔ naŋg gə́ deḛ d’ɔree keneŋ lé.

Gḭ-Néje 4:12

Loo gə́ i ndɔ-ndɔ ndá dɔ naŋg a kari né ti el. I a to njekaḭta ləm, gə njekilatar mbir-mbir dɔ naŋg’d nee ləm tɔ.

Gḭ-Néje 4:2

Yeḛ oji ŋgokea̰ Abel gogo ɓəi. Abel lé to njekulbadje nɛ Kaḭ to njendɔ-ndɔ tɔ.

Maktub gə́ wɔji dɔ Jɔb 5:10

Yeḛ ar ndi ər dɔ naŋg nee ləm, Yeḛ ar manee taa mee ndɔje ləm tɔ.

Pakɔsje 104:14

I ar mu uba mbata lə nékulje ləm, I ar kamnaḭje d’uba gə mba kar dəw ul ne rəa ləm tɔ Mba kar naŋg kinja gə nésɔ ləm,

Pakɔsje 135:7

Yeḛ ar kil-lə ndi ḭ gwɔi naŋg’g aw tar ləm, Yeḛ ar ndi tel gə ndi ər ləma, Yeḛ ɔr lel dan nébaoje’g ləa aree ula ləm tɔ.

Jeremi 10:12

Njesigənea̰ unda naŋg Gə goo siŋgamoŋ ləa ləm, Yeḛ tum gin naŋg nee Gə goo kəmkàr ləa ləma, Yeḛ naji dara gə goo gosonégər ləa ləm tɔ.

Jeremi 10:13

Loo gə́ ndia ɓar ndá Manje mbo̰ na̰ mee dara’g ləm, Yeḛ ar kil-lə-ndi ḭ rudu naŋg’d ləm, Yeḛ ar ndi tel ləm, gə ər ləma, Yeḛ ar lel ḭ loo-ŋgəm’g ula ləm tɔ.

Jeremi 14:22

See mbuna magəje’g lə ginkoji dəwje gə raŋg lé Yee gə́ ar ndi ər to keneŋ wa. Esé see dara ɓa ar ndi ər wa. See to i Njesigənea̰, Ala lə sí el wa. Jeḛ j’unda meḛ sí yel gə́ dɔi’g, Mbata to i ya ɓa ra néje neelé lai.

Matiyo 5:45

Yen ɓa seḭ a toje ne ŋgan Bɔ síje gə́ si dara lé, mbata yeḛ ar kàr ləa uba dɔ njémeeyèrje’g gə dɔ njémeemajije’g ləm, yeḛ ar ndi ər dɔ njéra né gə́ gə dɔ najee-je gə dɔ njéra né gə́ gə dɔ najee-elje ləm tɔ.

Ǝbrəje 6:7

Loo gə́ ndi ər ta-ta ar manee tən naŋg ləm, ar lée neelé kinja gə koje mba kaji dee gə ndɔ-ndɔ keneŋ ləm tɔ ndá dɔ naŋg neelé taa kəm Ala aree tɔr ne ndia dɔ’g tɔ.