Gḭ-Néje 2:3 - Maktub gə́ To gə Kəmee

³ Ala tɔr ndia dɔ ndɔ gə́ njekɔm’g siri’g lé undá ne gə kəmee doi mbata ləa-yeḛ ya, mbata ndəa neelé yeḛ wa rəa dɔ kulaje’g ləa lai gə́ yeḛ ra lé.

Gḭ-Néje 2:3 ပူးပေါင်းရင်းမြစ်များ

Gḭ-Néje 1:31

Ala oo néje lai gə́ yeḛ ra lé ndá aa ooje, néje neelé to maji dum ya. Togə́bè ɓa loondul to keneŋ ləm, lookàr kara to keneŋ ləm tɔ. Yee ɓa to ndɔ gə́ njekɔm’g misa̰ ya.

Gḭ-Néje 2:2

Ndɔ gə́ njekɔm’g siri lé kula ra Ala gə́ yeḛ ra lé yeḛ tɔlee bém ya. Ndá ndɔ gə́ njekɔm’g siri lé yeḛ wa rəa dɔ kula reaje’g lai gə́ yeḛ ra lé tɔ .

Gḭ-Néje 2:4

Aa ooje, gin k’unda gə́ d’unda dara gə naŋg neelé, lé ɓa nee: Loo gə́ Njesigənea̰ Ala ra naŋg nee gə dara lé ndá

Nehemi 9:14

I ar dee gər ndɔ-kwa-rɔ ləi gə́ to gə kəmee ləm, I un ndui ar dee godnduije gə tornduije Gə ndu kura ləi Moyis ləm tɔ.

Teḛ-Raga 23:12

Ndɔje gə́ misa̰ lé seḭ a raje kula lə sí. Nɛ ndɔ gə́ njekɔm’g siri ndá seḭ a kwaje rɔ sí mba kar maŋgje lə sí gə mulayḛ̀je-je lə sí d’wa rɔ dee ləm, mba kar ŋgalə ɓərje lə sí gə́ dené gə dəw-dɔ-ɓee kara d’isi naŋg taa kəmə ləm tɔ.

Teḛ-Raga 34:21

Seḭ a raje kula ndɔ sí misa̰ ndá ndɔ gə́ njekɔm’g siri lé seḭ a kwaje rɔ sí, lé to naḭ ndɔ əsé naḭ kinja kó kara seḭ a kwaje rɔ sí keneŋ ya.

Gosota-Kəmkàrje 10:22

Ndutɔr lə Njesigənea̰ ɓa Ar dəw tel to ne bao, Tɔɓəi yeḛ ila nékəmndoo kára kara dɔ’g el.

Ejekel 20:12

Ndɔ-kwa-rɔje kara n’ar dee gə́ nétɔji mbuna neḛ-neḛ’g sə deeje mba kar dee gər to gə́ neḛ n’to Njesigənea̰ gə́ n’unda dee gə kəmee.

Ləbije 23:3

D’a ra kula ndɔ dee misa̰, nɛ ndɔ gə́ njekɔm’g siri lé to ndɔ-kwa-rɔ gə́ to ndɔ kya̰ goo kula ləm tɔ loo-mbo̰-na̰ gə́ to gə kəmee mba kwam ne meḛ sí’g ləm tɔ. Seḭ a raje kula mee loo-si síje’g lai el tɔ, to ndɔ-kwa-rɔ lə Njesigənea̰ ya.

Mark 2:27

Tɔɓəi Jeju ula dee pana: D’unda ndɔ-kwa-rɔ mbata lə dəw ɓó d’unda dəw mbata lə ndɔ-kwa-rɔ ɓa el.

Lugu 23:56

ndá deḛ d’ɔs tel d’aw ɓée, d’aw d’uru kuma̰ gə ubu gə́ ə̰də sululu lé na̰’d podé ne. Tɔɓəi deḛ rəm d’isi d’wa rɔ dee gə ndɔ-kwa-rɔ gə goo godndu lé tɔ.