Gḭ-Néje 2:2 - Maktub gə́ To gə Kəmee

² Ndɔ gə́ njekɔm’g siri lé kula ra Ala gə́ yeḛ ra lé yeḛ tɔlee bém ya. Ndá ndɔ gə́ njekɔm’g siri lé yeḛ wa rəa dɔ kula reaje’g lai gə́ yeḛ ra lé tɔ .

Gḭ-Néje 2:2 ပူးပေါင်းရင်းမြစ်များ

Gḭ-Néje 1:31

Ala oo néje lai gə́ yeḛ ra lé ndá aa ooje, néje neelé to maji dum ya. Togə́bè ɓa loondul to keneŋ ləm, lookàr kara to keneŋ ləm tɔ. Yee ɓa to ndɔ gə́ njekɔm’g misa̰ ya.

Gḭ-Néje 2:3

Ala tɔr ndia dɔ ndɔ gə́ njekɔm’g siri’g lé undá ne gə kəmee doi mbata ləa-yeḛ ya, mbata ndəa neelé yeḛ wa rəa dɔ kulaje’g ləa lai gə́ yeḛ ra lé.

Teḛ-Raga 23:12

Ndɔje gə́ misa̰ lé seḭ a raje kula lə sí. Nɛ ndɔ gə́ njekɔm’g siri ndá seḭ a kwaje rɔ sí mba kar maŋgje lə sí gə mulayḛ̀je-je lə sí d’wa rɔ dee ləm, mba kar ŋgalə ɓərje lə sí gə́ dené gə dəw-dɔ-ɓee kara d’isi naŋg taa kəmə ləm tɔ.

Teḛ-Raga 31:15

D’a ra kula ndɔ dee misa̰, nɛ ndɔ gə́ njekɔm’g siri to ndɔ-kwa-rɔ, to ndɔ-kwa-rɔ gə́ d’unda gə kəmee d’ar Njesigənea̰. Dəw gə́ rara ɓa a ra kula gə́ ban-ban kara ndɔ-kwa-rɔ’g lé d’a tɔlee gə́ tɔl ya.

Teḛ-Raga 31:17

Yee neelé a to nétɔji mbuna síjeḛ gə Israɛlje’g saar gə no̰, mbata ndɔje gə́ misa̰ lé Njesigənea̰ ra dara gə naŋg nee, nɛ ndɔ gə́ njekɔm’g siri lé yeḛ əw rəa ra kula ndá yeḛ wa rəa tɔ.

Esai 58:13

Ɓó lé i ɔg rɔi kaw tar gə ndɔ-kwa-rɔ Mba ra ne né gə́ məəi ndigi Mee ndɔ’g ləm gə́ to gə kəmee el ləm, Ɓó lé i oo ndɔ-kwa-rɔ gə́ ndɔ-kal-rɔi Mba kula ne rɔnduba dɔ Njesigənea̰’g Kundá ne gə kəmee ləma, Ɓó lé i ila riɓar dəa’g Ya̰ ne goo rəwje ləi Gə ya̰ ne goo kulaje gə́ məəi ndigi, Gə taje gə́ kari ba ləm tɔ ndá

Tagə́maji gə́ Ja̰ ndang 5:17

Nɛ Jeju ila dee keneŋ pana: Bɔm si ra kula dəa gə́ kédé ɓəi, bèe ndá ma kara m’isi m’ra kula dɔm gə́ kédé ɓəi tɔ.

Tel tura Godndu 5:14

Nɛ ndɔ gə́ njekɔm’g siri lé to ndɔ-kwa-rɔ ka̰ Ala ləi gə́ Njesigənea̰, i a ra kula kára kara el, i əsé ŋgoni gə́ diŋgam əsé yeḛ gə́ dené el ləm, əsé kura ləi gə́ diŋgam əsé yeḛ gə́ dené el ləm, əsé bɔ maŋg ləi əsé mulayḛ̀ ləi, əsé nékulje ləi gə́ rara kara el ləma, əsé dəw dɔ ɓee gə́ ree si mee ɓee’g ləi el ləm tɔ gə mba kar kura ləi gə́ diŋgam əsé yeḛ gə́ dené d’wa ne rɔ dee to gə́ i wa ne rɔi bèe tɔ.

Ǝbrəje 4:10

Mbata yeḛ gə́ andə loo-kwa-rɔ’g lə Ala lé yeḛ wa rəa dɔ kula’g ləa to gə́ Ala kara wa ne rəa dɔ kea̰-yeḛ’g bèe tɔ.

Ǝbrəje 4:4

Mbata loo kára yeḛ pata keneŋ wɔji ne dɔ ndɔ gə́ siri lé pana: Ndɔ gə́ njekɔm’g siri neelé Ala wa rəa dɔ kula reaje lai gə́ yeḛ ra lé.