Gḭ-Néje 19:2 - Maktub gə́ To gə Kəmee

² Tɔɓəi yeḛ pana: Aa ooje, mbaije ləm, m’ra ndòo rɔ sí’g, maji kar sí a̰dje mee kəi’g lə kura lə sí mba to keneŋ loondul’g nee. Seḭ a togoje gɔl sí ndá seḭ a kḭje gə ndɔ rad ɓa mba kaw kəm sí gə́ kédé ɓəi. Deḛ tel d’ilá keneŋ pana: Wah! Loondul gə́ neelé jeḛ j’a to raga nee ya.

Gḭ-Néje 19:2 ပူးပေါင်းရင်းမြစ်များ

Gḭ-Néje 18:4

Ŋginaje am m’ar dee ree gə mán d’ar sí togoje ne gɔl sí, ndá waje rɔ sí ndil kag gə́ nee ɓa.

Gḭ-Néje 19:1

Kuraje lə Ala gə́ dara gə́ joo lé teḛ Sɔdɔm kàrkemetag ndá Lɔt si tarəwkɔg’d lə Sɔdɔm. Loo gə́ Lɔt oo dee ndá yeḛ ḭta aw gə mba tila kəm dee ndá yeḛ unda barmba ɔs dəa naŋg no̰ dee’g.

Gḭ-Néje 19:3

Nɛ Lɔt ɔs dee ɓɔḭ-ɓɔḭ saar ar dee ree loo-siée’g ndá d’andə mee kəi’g ləa tɔ. Yeḛ ra muru gad ar dee ləm, yeḛ ar dee ra muru gə́ əm-tiné godo keneŋ ləm tɔ. Ndá deḛ d’o̰ ya.

Gḭ-Néje 24:31

Ndá yeḛ pana: Gə́ ree, i gə́ Njesigənea̰ tɔr ndia dɔi’g lé! See ban ɓa i aar raga wa. Ma m’gɔl mee kəi mba̰ ləm, m’gɔl loo mbata lə jambalje lé mba̰ ləm tɔ.

Gḭ-Néje 43:24

Dəw neelé ar dee d’andə mee kəi’g lə Jisəb. Yeḛ ar dee mán ndá deḛ togo ne gɔl dee. Yeḛ ar dee nésɔ mbata lə mulayḛ̀je-je lə dee tɔ.

2 Samel 11:8

Tɔɓəi Dabid ula Uri pana: Aw wa rɔi kəi ləi lam ɓa. Uri unda loo mee kəi-mbai’g teḛ ndá mbai lé ula gə nénoji aree.

Maktub gə́ wɔji dɔ Jɔb 31:32

Ɓó lé dəw-dɔ-ɓee to raga loondul’g ləm, Ɓó lé m’ɔr tarəwkəi m’ar njekawmbá el ləm tɔ,

Gosota-Kəmkàrje 25:17

Maji kari ŋgəŋ ta teg-teg ta kəi’g lə njeboatakəi ləi el, Nà banelə i a kasee nag-nag karee ḛjii bəḭ-bəḭ.

Pa gə́ ur dɔ paje 5:3

Ma m’ɔr kubu ləm gə́ boi yul m’ila naŋg mba̰ See m’a tel kula rɔm’g to gə́ ban wa, Ma m’togo kor gɔlm’g mba̰ See m’a tel karee wa yiro to gə́ ban wa.

Lugu 7:44

Tɔɓəi yeḛ tur kəmee gə́ rɔ dené’g lé ndá ula Simo̰ pana, see i oo dené neelé ya wa. Ma m’ree mee kəi’g ləi nɛ i am mán gə mba togo ne gɔlm el, nɛ dené neelé mán-no̰ gə́ kəmee’g ɓa yeḛ togo ne gɔlm, tɔɓəi yeḛ tel bɔr gə yiŋga dəa péd-péd tɔ.

Tagə́maji gə́ Ja̰ ndang 13:5

Yen ŋga yeḛ mbél mán mee ka’g si togo ne gɔl njékwakiláje, tɔɓəi yeḛ bɔr gɔl dee gə ta kubu-bɔr-ji gə́ yeḛ tɔ ne rḛgee lé tɔ.

Néra Njékaḭkulaje 16:15

Loo gə́ yeḛ gə njénojije ləa ra batɛm mba̰ ndá yeḛ un ta nee dəji sí pana: Ɓó lé seḭ oomje gə́ dəw gə́ ila koji dɔ Mbaidɔmbaije’g lé ndá maji kar sí reeje kəi ləm gə mba sí keneŋ. Yeḛ oma̰ sə sí gə no̰, ar sí j’aw səa.

Ǝbrəje 13:2

Arje meḛ sí wəi dɔ kwa na̰ mbá’g pə-pə el, mbata njé gə́ na̰je d’wa mar deeje mbá ɓa d’ɔs ne dɔ dee rɔ kuraje gə́ dara’g ɓəi.