Gḭ-Néje 18:9 - Maktub gə́ To gə Kəmee

⁹ Yen ŋga deḛ dəjee pana: See Sara gə́ dené ləi lé aar ra wa. Yeḛ tel ila dee’g pana: Yeḛ si mee kəi-kubu’g nee ya.

Gḭ-Néje 18:9 ပူးပေါင်းရင်းမြစ်များ

Gḭ-Néje 18:10

Yeḛ gə́ kára mbuna dee’g pa pana: M’a tel ree rɔi’g gogo mee naḭ gə́ togə́bè’g, ndá aa oo, Sara gə́ dené ləi a kiŋga ŋgon gə́ diŋgam. Nɛ Sara lé si ta kəi-kubu gə́ to gir Abrakam’g lé si tuga mbia oo ne tɔ.

Gḭ-Néje 18:8

Yeḛ un mbà gə́ mas ləm, gə mbà gə́ kul ləma, gə dakas ŋgon maŋg gə́ deḛ gɔl lé ləm tɔ ndá yeḛ aw ne unda no̰ dee’g. Nɛ yeḛ lé aar mbɔr dee’g dɔ gɔlee’g gin kag’d loo gə́ deḛ d’isi d’usɔ né lé tɔ.

Gḭ-Néje 24:67

Isaak ɔr no̰ Rebeka aw səa mee kəi-kubu’g lə kea̰je gə́ Sara. Yeḛ taa Rebeka gə́ dené ləa ndá yeḛ undá dan kəmee’g tɔ. Yee gə́ nee ɓa ar mee Isaak to ne lɔm goo kwəi’g lə kea̰je ya.

Gḭ-Néje 3:9

Nɛ Njesigənea̰ Ala ɓar dəw lé dəjee pana: See i aar ra wa.

Gḭ-Néje 31:33

Laba̰ andə mee kəi-kubu’g lə Jakob ləm, gə ka̰ Lea ləma, gə ka̰ ŋganjélookisije gə́ dené gə́ joo ləm tɔ ndá yeḛ iŋga né kára kara keneŋ el. Yeḛ unda loo mee kəi-kubu’g lə Lea teḛ ndá andə mee kəi-kubu’g lə Rasel tɔ.

Gḭ-Néje 4:9

Njesigənea̰ dəji Kaḭ pana: See ŋgokɔḭ Abel lé aar ra wa. Yeḛ tel ilá keneŋ pana: Ma m’gər el. See ma m’to njekaa dɔ ŋgokɔm lé wa.

Titə 2:5

mba kar dee məəm rɔ dee ləm, mba kar dee lɔm rɔ dee ləm, mba kar dee ra kəi lə dee bur-bur ləm, mba kar dee to gə́ njémeemajije ləma, gə mba kar dee d’oso kul rɔ ŋgaw deeje’g ləm tɔ. Togə́bè ɓa dəw kára kara a koo loo ɓar ne ta lə Ala el.

Ǝbrəje 11:9

Meekun lé ɓa yeḛ aw ra ne ɓee gə́ Ala un ndia gə mba karee. Yeḛ si keneŋ asəna gə njekwagirloo. Kəi-surumje gə́ la gə kubu ɓa yeḛ si keneŋ ar Isaak, deḛ gə Jakob gə́ to njékwa-néndubaje səa na̰’d lé kara d’isi səa keneŋ gə́ njékwagirlooje tɔ.