Gḭ-Néje 18:4 - Maktub gə́ To gə Kəmee

⁴ Ŋginaje am m’ar dee ree gə mán d’ar sí togoje ne gɔl sí, ndá waje rɔ sí ndil kag gə́ nee ɓa.

Gḭ-Néje 18:4 ပူးပေါင်းရင်းမြစ်များ

Gḭ-Néje 18:3

Ndá yeḛ pana: Mbai ləm, ɓó lé ma m’taa kəmi ndá m’ra ndòo rɔi’g, maji kari dəs tar ya̰ kura ləi gə goo ŋgalee el.

Gḭ-Néje 19:2

Tɔɓəi yeḛ pana: Aa ooje, mbaije ləm, m’ra ndòo rɔ sí’g, maji kar sí a̰dje mee kəi’g lə kura lə sí mba to keneŋ loondul’g nee. Seḭ a togoje gɔl sí ndá seḭ a kḭje gə ndɔ rad ɓa mba kaw kəm sí gə́ kédé ɓəi. Deḛ tel d’ilá keneŋ pana: Wah! Loondul gə́ neelé jeḛ j’a to raga nee ya.

Gḭ-Néje 24:32

Ndá dəw lé ree kəi ya tɔ. Laba̰ ar dee d’odo néje gir jambalje’g d’ɔm naŋg ləm, yeḛ ar jambalje mu gə nésɔ lə nékulje ləma, ar dee mán mba togo ne gɔl dəw neelé gə gɔl dee-deḛ gə́ ree səa lé ləm tɔ.

Gḭ-Néje 43:24

Dəw neelé ar dee d’andə mee kəi’g lə Jisəb. Yeḛ ar dee mán ndá deḛ togo ne gɔl dee. Yeḛ ar dee nésɔ mbata lə mulayḛ̀je-je lə dee tɔ.

Lugu 7:44

Tɔɓəi yeḛ tur kəmee gə́ rɔ dené’g lé ndá ula Simo̰ pana, see i oo dené neelé ya wa. Ma m’ree mee kəi’g ləi nɛ i am mán gə mba togo ne gɔlm el, nɛ dené neelé mán-no̰ gə́ kəmee’g ɓa yeḛ togo ne gɔlm, tɔɓəi yeḛ tel bɔr gə yiŋga dəa péd-péd tɔ.

1 Timote 5:10

Néra majije ləa ɓa d’a kɔr gin rəa ya, ɓó lé yeḛ aa dɔ ŋganeeje kər-kər ləm, wa mbá bur-bur ləm, gə togo gɔl deḛ gə́ to gə kəmee ləm, gə la gə njéndooje ləma, gə ra kula nojije gə́ gə ria-ria ləm tɔ ndá maji ndaŋg ria mee maktub’g ya.

Njéga̰g-Rəwtaje 19:21

Yeḛ ar dee d’aw kəi ləa ləm, yeḛ ar mulayḛ̀je-je moro ləm tɔ. Mbáje lé togo gɔl dee ɓa d’usɔ gə d’ai ɓəi ləm tɔ.

1 Samel 25:41

Yeḛ ḭ unda barmba dəb kəmee naŋg ndá yeḛ pana: Aa ooje, ma kura ləi gə́ dené m’a to ɓər mba togo gɔl kuraje lə mbai ləm ya.