Gḭ-Néje 17:4 - Maktub gə́ To gə Kəmee

⁴ Aa oo, manrɔ ləm gə́ ma man rɔm m’ari ɓa to nee: I a tel to bɔ ginkoji dəwje gə raŋg bula.

Gḭ-Néje 17:4 ပူးပေါင်းရင်းမြစ်များ

Gḭ-Néje 12:2

M’a kari tel to ginkoji dəwje gə́ boo yaa̰ ləm, m’a tɔr ndum dɔi’g ləm tɔ. M’a kar rii ɓar ləm, i a tel to gin dɔkaisəgərə ləm tɔ.

Gḭ-Néje 13:16

M’a kar ŋgakaije bula d’asəna gə nduji naŋg mba kar ɓó lé dəw askəm tura nduji naŋg ndá ŋgakaije kara a tura bula lə dee bèe ya tɔ.

Gḭ-Néje 16:10

Kura lə Njesigənea̰ gə́ dara ulá pana: M’a kar ŋgakaije d’ɔs goo na̰ gə́ kédé-kédé, d’a bula digi-digi ləm, d’a dum tura ləm tɔ.

Gḭ-Néje 22:17

ndá m’a tɔr ndum dɔi’g ləm, m’a kar ŋgakaije d’ɔs goo na̰ gə́ kédé-kédé kar dee bula d’asəna gə kéréméje gə́ dara ləm, gə d’asəna gə nagəra gə́ to ta baa-boo-kad’g ləm tɔ. Tɔɓəi ŋgakaije lé d’a taa tarəwkɔg lə njéba̰je lə dee gə́ né ka̰ dee-deḛ ya.

Gḭ-Néje 25:23

Ndá Njesigənea̰ ulá pana: Ginkoji dəwje joo to məəi’g ləm, Gin dəwje joo gə́ d’a kḭ rɔi’g lé D’a kai na̰ ɓəd-ɓəd ləm tɔ. Siŋga yeḛ gə́ kára a kur dɔ maree’g Ndá yeḛ gə́ dəa ɔs naŋg kédé lé a kula dəa no̰ yeḛ gə́ ndɔḭ’g lé.

Gḭ-Néje 28:3

Maji kar Ala gə́ Bao-siŋgamoŋ lé tɔr ndia dɔi’g ari oji ŋganje bula ləm, ar dee d’ɔs goo na̰ gə́ kédé-kédé kari tel to ne ginkoji dəwje gə raŋg bula ləm tɔ!

Gḭ-Néje 32:12

Ma m’ra ndòo rɔi’g, maji kari ree taam ji ŋgokɔm’g, ji Esawu’g. Mbata ma m’ɓəl nà banelə yeḛ a ree tujim-ma gə ko̰ ŋganje gə ŋganje na̰’d.

Gḭ-Néje 35:11

Ala ulá pana: Ma m’to Ala gə́ m’to Bao-siŋgamoŋ. Maji kari oji ŋganje bula ar dee d’ɔs goo na̰ goo na̰ ya. Ginkoji dəwje gə́ kára ləm, gə ginkoji dəwje gə́ bula ləm tɔ lé d’a kḭ rɔi’g ləm, mbaije kara d’a teḛ məəi’g ya ləm tɔ.

Gḭ-Néje 48:19

Nɛ bɔbeeje mbad pana: Ma m’gər gao, ŋgonəm, ma m’gər gao ya, yeḛ kara a tel to ginkoji dəwje ləm, yeḛ a to dəw gə́ boo ləm tɔ. Nɛ ŋgokea̰ gə́ ndɔḭ lé a kur dəa’g ləm, ŋgakeaje kara d’a tel to ginkoji dəwje bula ləm tɔ.

Teḛ-Raga 6:4

Ma lé ma man rɔm m’ar dee gə mba kar dee ɓee gə́ Kana̰ gə́ to ɓee mbá lə dee gə́ deḛ d’isi keneŋ kédé lé gə́ né ka̰ dee-deḛ ya.