Gḭ-Néje 16:4 - Maktub gə́ To gə Kəmee

⁴ Yeḛ aw rɔ Agar’g ndá yeḛ taa kèm. Loo gə́ Agar oo to gə́ yeḛ aw gə kèm lé ndá yeḛ oo ɓéeje gə́ dəw gə́ əḭ kəmee’g el.

Gḭ-Néje 16:4 ပူးပေါင်းရင်းမြစ်များ

Gḭ-Néje 16:3

Sarai wà ɓər ləa gə́ dené gə́ ria lə Agar gə́ to dəw gə́ Ejiptə lé ar ŋgabeeje gə́ Abram gə́ dené ləa loo gə́ Abram si ɓee gə́ Kana̰ as ləbee dɔg mba̰ lé.

Gḭ-Néje 16:5

Sarai ula Abram pana: Néra majel ləm gə́ m’ra lé maji karee oso dɔi’g ya. Mbata ma m’ila ɓər ləm gə́ dené lé kaari’g. Loo gə́ yeḛ oo rəa to gə́ aw gə kèm ndá yeḛ oom-ma lé gə́ dəw gə́ əḭ kəmee’g el. Maji kar Njesigənea̰ gaŋgta mbuna sí jeḛ səi’g ya.

Gḭ-Néje 19:31

Ŋgondər lé ula yeḛ gə́ ndɔḭ pana: Bɔ síje lé ɓuga mba̰ ndá diŋgam gə́ raŋg kára kara gə́ a ree rɔ sí’g gə goo néjiɓee lə sí lé godo loo gə́ nee’g tɔ.

Gḭ-Néje 21:9

Sara oo ŋgolə Agar gə́ to dəw gə́ Ejiptə gə́ yeḛ ojee gə Abrakam gə́ si kogo.

Gḭ-Néje 30:4

Yeḛ aree taa Bila, ŋgonjelookisi ləa gə́ dené ləa ndá Jakob ɔm səa na̰’d tɔ.

2 Samel 6:16

Loo gə́ d’andə gə sa̰duk-manrɔ lə Njesigənea̰ mee ɓee’g lə Dabid ndá Mikal, ŋgolə Sawul gə́ dené lé aa loo kəmbolè’g ndá yeḛ oo mbai Dabid gə́ tal ləm, gə la ləm tɔ no̰ Njesigənea̰’g ndá yeḛ ə̰jee bəḭ-bəḭ gə mée ya.

Gosota-Kəmkàrje 30:23

Dené gə́ ndigee el gə́ tel taa ŋgaw ləma, Gə ŋgonjelookisi gə́ dené gə́ wa nénduba lə ɓéeje gə́ dené lé ləm tɔ.

1 Njé gə́ Kɔrḭtə 4:6

Ŋgakɔmje, to mbata lə sí-seḭ ɓa ma m’pata neelé m’wɔji ne dɔm-ma gə dɔ Apolɔs mba kar sí alje ne dɔ ta gə́ ndaŋg mee maktub’g lé el ləm, mba kar sí tije rɔ sí ɔmje ne gin njé gə́ na̰je gə mba kunda ne mar síje gə́ raŋg ɓad el ləm tɔ.