Gḭ-Néje 16:2 - Maktub gə́ To gə Kəmee

² Sarai ula Abram pana: Aa oo, Njesigənea̰ am m’to kawkad. Ma m’ra ndòo rɔi’g mba kari aw rɔ ɓər ləm gə́ dené lé, banelə m’a kiŋga ŋganje rəa’g. Ndá Abram taa ta lə Sarai lé tɔ.

Gḭ-Néje 16:2 ပူးပေါင်းရင်းမြစ်များ

Gḭ-Néje 11:30

Sarai lé to kawkad ɓó yeḛ oji ŋgon el.

Gḭ-Néje 17:16

M’a tɔr ndum dəa’g ləm, mbɔl dəa ɓa m’a kari ne ŋgon ləm tɔ. M’a tɔr ndum dəa’g karee to ne ko̰ ginkoji dəwje gə raŋg bula, mbaije lə koso-dəwje kara d’a kḭ mée’g tɔ.

Gḭ-Néje 18:10

Yeḛ gə́ kára mbuna dee’g pa pana: M’a tel ree rɔi’g gogo mee naḭ gə́ togə́bè’g, ndá aa oo, Sara gə́ dené ləi a kiŋga ŋgon gə́ diŋgam. Nɛ Sara lé si ta kəi-kubu gə́ to gir Abrakam’g lé si tuga mbia oo ne tɔ.

Gḭ-Néje 19:31

Ŋgondər lé ula yeḛ gə́ ndɔḭ pana: Bɔ síje lé ɓuga mba̰ ndá diŋgam gə́ raŋg kára kara gə́ a ree rɔ sí’g gə goo néjiɓee lə sí lé godo loo gə́ nee’g tɔ.

Gḭ-Néje 20:18

Mbata Njesigənea̰ lé ar njémeekəije lə Abimelek gə́ dené lai d’aw kad gə mbata lə Sara gə́ to dené lə Abrakam lé.

Gḭ-Néje 25:21

Isaak ra ndòo rɔ Njesigənea̰’g mbata lə dené ləa gə́ aw kad ndá Njesigənea̰ oo kəmtondoo ləa. Togə́bè ɓa Rebeka gə́ dené ləa lé əskèm ya.

Gḭ-Néje 3:12

Diŋgam lé tel ilá keneŋ pana: Dené gə́ i am mba karee nai səm lé ɓa am kandə kag neelé ndá m’usɔ ya.

Gḭ-Néje 3:17

Yeḛ ula Adam lé pana: Mbii gə́ i uru oo ne ta lə dené ləi ləm, gə sɔ gə́ i sɔ kandə kag gə́ m’un ndum m’ari m’ɔgi ne dɔ’g lé m’pana: I a sɔ nda̰ el ləm tɔ lé Ndá ndɔl wa dɔ naŋg nee mbata ləi ya. I a koo ndòo ɓa i a kiŋga ne nésɔi keneŋ Ndɔje kára-kára lai gə́ i aw ne kəmba lé.

Gḭ-Néje 30:22

Ala ar mée olé dɔ Rasel’g. Yeḛ oo ta ləa ndá yeḛ aree to ko̰ ŋganje ŋga.

Gḭ-Néje 30:6

Rasel pana: Ala oo ndum ɔr ne ta dɔm’g ya ndá yeḛ am ŋgon gə́ diŋgam. Gelee gə́ nee ɓa yeḛ unda ne ria lə LkD.

Pakɔsje 127:3

Aa oo, ŋganje lé to gə́ nénduba gə́ ḭ rɔ Njesigənea̰’g, Ŋgan meḛ dəwje lé to gə́ nékoga dɔ ji njékoji deeje ya tɔ.

Teḛ-Raga 21:4

Ɓó lé to ɓéeje ɓa taa dené aree, aree oji ne ŋganje gə́ diŋgam gə njé gə́ dené ndá dené ləa gə ŋganeeje d’a to ka̰ ɓéeje ya nɛ yeḛ lé ta ɓər a kɔr dəa’g karee aw gə karee ba ya.

Rudu 4:11

Dəwje lai gə́ d’isi tarəwkɔg’d gə ŋgatɔgje tɔ lé deḛ pana: Jeḛ n’to njékɔrgootareeje ya. Maji kar Njesigənea̰ ar dené neelé gə́ ree kəi’g ləi lé to asəna gə Rasel gə Lea bèe ləm tɔ. Deḛ gə́ joo neelé gə́ d’unda ginka Israɛlje lé to! Maji kari riba dɔ siŋgamoŋgi mbuna dəwje gə́ ginkoji’g lə Eprata ləm, ar rii ɓar ne mee ɓee gə́ Betlehem ləm tɔ.