Gḭ-Néje 15:9 - Maktub gə́ To gə Kəmee

⁹ Njesigənea̰ ulá pana: Maji kari wa ma̰də maŋg gə́ ləbee aḭ munda ləm, gə ma̰də bya̰ gə́ ləbee aḭ munda ləm, gə bàl badə gə́ ləbee aḭ munda ləm, gə dərnda kára ləma, gə ŋgon dərkul kára ləm tɔ.

Gḭ-Néje 15:9 ပူးပေါင်းရင်းမြစ်များ

Gḭ-Néje 15:10

Abram wa da-kulje neelé ndá yeḛ riba dee dana-dana, ɔm dee ar dee d’wɔji dɔ na̰-na̰. Nɛ yeḛ riba yelje lé el.

Gḭ-Néje 15:8

Abram ilá keneŋ pana: Mbai gə́ Njesigənea̰, see ɗi ɓa a karm m’gər ne to gə́ né neelé a to kama wa.

Gḭ-Néje 22:13

Abrakam un kəmee gə́ tar ndá oo bàl badə gə́ tuga gajee ŋgon kag’d. Ndá Abrakam aw wá, ree inja gə́ nékinjaməs roo gə pər taa ne tor ŋgonee lé tɔ.

Pakɔsje 50:5

Maji kar sí mbo̰je majikojije ləm dɔ na̰’d amje, To deḛ gə́ manrɔ dee d’am gə nékinjaməs lé!

Pa gə́ ur dɔ paje 2:12

Puduje nduba rɔ dee ləm, Kàr kɔs pa lə néje lai teḛ mba̰ ləma, Ndu no̰ lə dərnda ɓar Loo-ndɔ’g lə sí ləm tɔ.

Esai 15:5

M’tuma̰ məəm’g ŋgururu-ŋgururu mbata lə Moabje, Mbata njéteḛ-ta rɔ’g pəd-pədje d’ḭ keneŋ D’aw njal teḛ Soar ləm, Saar teḛ Eglat-Selisija ləm tɔ, Mbata deḛ no̰ ta-ta d’un rəw Gə́ ḭ dən gə́ Luhit ləm, D’ɔr ndu dee no̰ wəl gə nékəmndoo Rəw gə́ aw Koronayim ləm tɔ.

Ləbije 1:10

Ɓó lé nékinjaməs ləa to gə́ nékul gə́ lam bèe gə́ to ŋgon badə əsé ŋgon bya̰ gə́ ka̰ roo lé ndá maji karee wa bàlee gə́ rəa mina̰ el ɓa.

Ləbije 1:14

Ɓó lé nékinjaməs ləa gə́ a gə kinja kar Njesigənea̰ lé to gə́ yelje gə́ ka̰ roo ndá yeḛ a kwa dərkulje əsé ŋgan dərndaje ya.

Ləbije 1:3

Ɓó lé nékinjaməs ləa to nékul gə́ boi gə́ ka̰ roo ndá yeḛ a kwa yee gə́ to gə́ bɔ maŋg gə́ rəa mina̰ el, yeḛ a kaw ne tarəw kəi-kubu-kiŋga-na̰’g no̰ Njesigənea̰’g mba taa ne kəmee ya.

Ləbije 12:6

Loo gə́ ndɔ kɔr won rəa as lée’g béréré ɓa, ɓó lé wɔji dɔ ŋgon gə́ diŋgam əsé yeḛ gə́ dené kara yeḛ a ree gə ŋgon badə gə́ ra ləb kára ba gə́ nékinjaməs gə́ ka̰ roo ləm, gə ŋgon dərnda kára əsé dərkul kára gə́ nékinjaməs gə́ ka̰ kuga dɔ kaiya ləm tɔ, rɔ njekinjanéməs’g tarəw kəi-kubu-kiŋga-na̰’g lé.

Ləbije 12:8

Ɓó lé yeḛ askəm kiŋga ŋgon badə el ndá yeḛ a ree gə dərkulje joo əsé ŋgan dərndaje joo, yee gə́ kára gə́ nékinjaməs gə́ ka̰ roo ləm, yee gə́ kára gə́ nékinjaməs gə́ ka̰ kuga dɔ kaiya ləm tɔ. Njekinjanéməs lé a kɔr ne ta kaiya dəa’g ndá rəa a kàr ne ŋgad-ŋgad tɔ.

Ləbije 14:22

Yeḛ a kwa dərndaje joo əsé ŋgan dərkulje joo to gə goo nékiŋgaje ləa, yeḛ gə́ kára mbata nékinjaməs gə́ ka̰ kuga dɔ kaiya ləm, yeḛ gə́ kára mbata nékinjaməs gə́ ka̰ roo ləm tɔ.

Ləbije 14:30

Tɔɓəi yeḛ a kinja dərnda gə́ kára əsé ŋgon dərkul gə́ kára gə́ debee neelé iŋga lé

Ləbije 3:1

Loo gə́ dəw a gə kun nékinjaməs gə́ ka̰ kɔm na̰’d gə Njesigənea̰ ndá ɓó lé yeḛ a kwa da-kul gə́ boi, lé to gə́ bɔ maŋg əsé ko̰ maŋg kara yeḛ a kwa yee gə́ rəa mina̰ el ɓa a kaw ne no̰ Njesigənea̰’g ɓəi.

Ləbije 3:6

Ɓó lé yeḛ a kwa da-kul gə́ lam, gə́ to bàl badə əsé ma̰də badə ɓa gə́ nékinjaməs gə́ ka̰ kɔm na̰’d gə Njesigənea̰ ndá yeḛ a kwa yee gə́ rəa mina̰ el ɓa.

Ləbije 9:2

Yeḛ ula Aaro̰ pana: Maji kari wa ŋgon maŋg gə́ nékinjaməs gə́ wɔji dɔ kuga dɔ kaiya ləm, gə bàl badə gə́ nékinjaməs gə́ ka̰ roo ləm tɔ, deḛ joo bɔr gə́ rɔ dee to ndəb-ndəb ɓa i a kinja dee no̰ Njesigənea̰’g.

Ləbije 9:4

gə bɔ maŋg gə bàl badə gə́ nékinjaməs gə́ ka̰ kɔm na̰’d ləm tɔ, mba kinja dee no̰ Njesigənea̰’g, tɔɓəi nékar gə́ to nduji-kó gə́ mbɔḭ gə ubu tɔ. Mbata ɓogənè lé Njesigənea̰ a gə teḛ kəm sí’g ya.

Lugu 2:24

Deḛ d’un nékinjaməs d’ar Ala, dərkulje joo əsé dərndaje joo to gə́ ndaŋg taree mee maktub godndu’g lə Mbaidɔmbaije lé tɔ,