Gḭ-Néje 15:2 - Maktub gə́ To gə Kəmee

² Abram tel ilá keneŋ pana: Mbaidɔmbaije gə́ Njesigənea̰, see ɗi ɓa i a kam wa. Ma lé m’aw kari ba lal koji ŋgon. Njekwa-nénduba mee kəi’g ləm lé yeḛ ɓa to Eliéjer gə́ Damas.

Gḭ-Néje 15:2 ပူးပေါင်းရင်းမြစ်များ

Gḭ-Néje 14:15

Yeḛ gə njérɔje ləa lé deḛ kai na̰ gə kudu dee kudu dee gə mba rɔ gə njéba̰je lə dee lé loondul’g. Ndá yeḛ dum dee ləm, yeḛ kor dee saar teḛ Soba gə́ to par gə́ dɔgel lə ɓee gə́ Damas ləm tɔ.

Gḭ-Néje 15:1

Loo gə́ ta néje neelé dəs mba̰ ndá né gə́ mḭdi ɓa Njesigənea̰ teḛ ne dɔ Abram’g un ta ulá ne pana: Abram, ɓəl el. Ma m’to dər-rɔ ləi ndá nédɔji ləi a kal dɔ loo.

Gḭ-Néje 15:3

Ndá Abram pana: Aa oo, i am ŋgon məəm el ndá dəw gə́ d’ojee mee kəi’g ləm ɓa a to njekwa-néndubam.

Gḭ-Néje 24:10

Kura lé ɔr jambalje dɔg mbuna jambalje’g lə ɓéeje ndá yeḛ ɔd aw. Yeḛ aw gə némajije lə ɓéeje mbata némajije lə ɓéeje lai to jia-yeḛ’g ya. Yeḛ uba naŋg ḭta aw Mesɔpotami aw teḛ ɓee-boo’g lə Naɔr.

Gḭ-Néje 24:2

Abrakam ula kura ləa gə́ diŋgam gə́ tɔg unda mareeje lai gə́ mee kəi’g ləa, yeḛ gə́ to njekaa dɔ néje ləa lai lé pana: Ma m’ra ndòo rɔi’g, maji kari ula jii gel biŋgim’g

Gḭ-Néje 25:21

Isaak ra ndòo rɔ Njesigənea̰’g mbata lə dené ləa gə́ aw kad ndá Njesigənea̰ oo kəmtondoo ləa. Togə́bè ɓa Rebeka gə́ dené ləa lé əskèm ya.

Gḭ-Néje 39:9

Dəw gə́ njekur dɔm-ma mee kəi’g neelé godo ləm, yeḛ ɔgm né kára kara el ləm tɔ, nɛ i ɓa nai mbata i to dené ləa ɓa. See m’a ra néra gə́ majel gə́ boi bèe ɓa mba ra ne kaiya kɔs ne Ala rəw to gə́ ban wa.

Gḭ-Néje 43:19

Deḛ rəm wɔr gə́ rɔ njekaa dɔ kəi’g lə Jisəb ndá d’un ta d’ulá takəi’g lé.

Gḭ-Néje 44:1

Jisəb un ndia ar njekaa dɔ kəi ləa pana: Ɔm nésɔje mee ɓɔlje’g lə dee aree as dɔ dee dɔ dee loo kɔdee’g ndá a tel gə lar lə nana kara kula ta ɓɔl’g ləa-ləa.

Pakɔsje 127:3

Aa oo, ŋganje lé to gə́ nénduba gə́ ḭ rɔ Njesigənea̰’g, Ŋgan meḛ dəwje lé to gə́ nékoga dɔ ji njékoji deeje ya tɔ.

Gosota-Kəmkàrje 13:12

Nékunda-mee-yel gə́ tila gə́ tila lé Mbiri wur dəw gə́ mbiri, Nɛ néndiŋga gə́ dəw iŋga mba̰ lé To asəna gə kag-kəmə.

Gosota-Kəmkàrje 17:2

Ŋgonjelookisi gə́ njekunda kəmkàr dɔ rəa’g lé A ko̰ɓee dɔ ŋgon gə́ njera nérɔkul’g ləm, Yeḛ a kiŋga nénduba mbuna ŋgako̰ na̰je’g ləm tɔ.

Esai 17:1

Ndərta gə́ pa wɔji dɔ ɓee gə́ Damas. Aa oo, Damas a to ɓee-boo el ŋga, Yee a tel to loo gə́ tuji bèe.

Esai 56:5

Ndá m’a kar dee loo mee kəi’g ləm, Gə mee ndògo’g ləm ləm, M’a kar ri dee maji unda ŋganje Gə́ diŋgam gə njé gə́ dené ləm tɔ, M’a kar dee ri dee gə́ to gə no̰ Gə́ a tuji el lé.

Jeremi 49:23

Ta gə́ wɔji dɔ njé gə́ Damas. Deḛ gə́ d’isi ɓee-booje Gə́ Amat gə Arpad lé D’isi gə rɔkul, Mbata deḛ d’oo sorta gə́ majel ndá Deḛ d’unda bala, To asəna gə baa-boo-kad Gə́ turu tuma̰-tuma̰ Gə́ askəm tel to ndiŋ el bèe.

Néra Njékaḭkulaje 7:5

Yeḛ aree loo mee ɓee’g neelé gə́ nékea̰ el ləm, loo gə́ kəm kila gɔlee keneŋ nja kara aree el ləm tɔ. Nɛ yeḛ un ndia aree pana: N’a karee loo gə́ neelé gə́ nékea̰ gə ka̰ ŋgakeaje gə́ d’a gə korè gée nɛ yeḛ oji ŋgon el ɓəi.

Rudu 2:6

Kura gə́ njekaa dɔ njékinjakoje lé ilá keneŋ pana: To ŋgoma̰də gə́ Moab, yeḛ gə́ ḭ gə Naomi mee ɓee gə́ Moab ɓa ree səa na̰’d lé ya.

1 Samel 1:11

Yeḛ man rəa ar Njesigənea̰ pana: Njesigənea̰ gə́ njeboo-néje, ɓó lé i ndigi ndá oo kəmtondoo lə kura ləi gə́ dené ləm, ɓó lé i ar məəi olé dɔm’g ɓó ar məəi wəi dɔ ŋgonjelookisi’g ləi gə́ dené el ləma, ɓó lé i ar ŋgonjelookisi ləi ŋgon gə́ diŋgam ləm tɔ ndá m’a kundá gə kəmee kar Njesigənea̰ saar yeḛ a kwəi ne. Yiŋga kara a kinja yiŋga dəa bur el ləm tɔ.