Gḭ-Néje 14:3 - Maktub gə́ To gə Kəmee

³ Deḛ gə́ ɓar ri dee gogo neelé deḛ d’wa dɔ na̰ mee wəl-loo gə́ Sidiim gə́ to baa-boo-kad gə́ ɓaree baa-Kad lé.

Gḭ-Néje 14:3 ပူးပေါင်းရင်းမြစ်များ

Gḭ-Néje 10:19

Rəw-nim-ɓee lə Kana̰je lé un kudee Sido̰ par gə́ Gerar aw saar teḛ Gaja ləm, tɔɓəi par gə́ Sɔdɔm gə Gɔmɔr, gə Adma, gə Seboyim aw njal teḛ Lesa ləm tɔ.

Gḭ-Néje 14:10

Wəl loo gə́ Sidiim lé bwa-manje gə́ né gə́ asəna gə tibi bia̰ bèe taa loo keneŋ pəl-pəl. Mbai gə́ Sɔdɔm gə mbai gə́ Gɔmɔr lé buŋga na̰ d’aḭ ndá deḛ d’oso keneŋ. Ges dee gə́ nai lé d’aḭ gə́ dɔ mbal’g tɔ.

Gḭ-Néje 14:4

As ləb dee dɔg-giree-joo lé deḛ ra kula ɓər d’ar Kedorlaomer ndá ləb gə́ njekɔm’g dɔg-giree-munda lé deḛ d’ḭ səa.

Gḭ-Néje 14:8

Ndá mbai gə́ Sɔdɔm, gə mbai gə́ Gɔmɔr, gə mbai gə́ Adma, gə mbai gə́ Seboyim, gə mbai gə́ Bela gə́ to Soar lé deḛ teḛ d’iŋga dee rɔ sə dee mee wəl-loo gə́ Sidiim.

Gḭ-Néje 19:24

Ndá Njesigənea̰ ar pər gə kṵji pər gə́ kas ḭ dara rɔ Njesigənea̰’g ɓugu dɔ Sɔdɔm gə Gɔmɔr’g tɔ.

Pakɔsje 107:34

Dɔ naŋg gə́ maji kó ɓa yeḛ telee gə́ dɔ naŋg puna-kad ləm tɔ Mbata meeyèr lə dəw-mee-ɓeeje gə́ d’isi keneŋ.

Bula lə Israɛlje 34:12

yee a rəm ya ɓəi par gə́ baa gə́ Jurdɛ̰ mba kaw njal teḛ baa-boo-kad gə́ ria lə Baa-kad lé. Yee neelé ɓa a to ɓee lə sí gə rəw-nimeeje gə́ gugu dəa sub lé.

Tel tura Godndu 3:17

rəw-nimee gə́ to loo kuru gə́ lə kàr lé dəs mbɔr ndag-loo’d gə́ Jurdɛ̰, ɓa dəs pə̰ baa Kineret gə baa Kad saar teḛ kaar mbal gə́ Pisga par gə́ bər ləm tɔ.

Jujé 3:16

mán gə́ ḭ tar ula lé gaŋg ŋgəji tɔɓəi ndur dɔ na̰’d loo kára ba gə kuree, teḛ mbɔr ɓee-boo gə́ ria lə Adam gə́ to mbɔr Sartan’g, ar mán gə́ ḭ ula par gə́ baa-boo-kad gə́ ria lə Baa-Kad gə́ to mee ndag-loo’g lé gaŋg ŋgəji tɔ. Koso-dəwje gaŋg baa loo gə́ wɔji dɔ Jeriko njoroŋ tɔ.