Gḭ-Néje 13:2 - Maktub gə́ To gə Kəmee

² Abram lé to bao-nékulje ləm, gə bao-larnda ləma, gə bao-larlɔr ləm tɔ.

Gḭ-Néje 13:2 ပူးပေါင်းရင်းမြစ်များ

Gḭ-Néje 12:16

Parao̰ lé ra gə Abram meemaji gə mbata ləa. Togə́bè Abram iŋga badje ləm, gə maŋgje ləm, gə mulayḛ̀je-je ləm, gə ŋganjélookisije gə́ diŋgam gə njé gə́ dené ləm, gə ko̰-mulayḛ̀je-je ləma, gə jambalje ləm tɔ.

Gḭ-Néje 13:6

Ndá gad loo neelé as kar dee d’isi na̰’d keneŋ el mbata néje lə dee to yaa̰ ar dee d’askəm kisi na̰’d loo kára ba el.

Gḭ-Néje 24:1

Abrakam tɔg yaa̰ ar ləbee al dɔ loo sula ya. Ndá Njesigənea̰ tɔr ndia dɔ Abrakam’g gə dɔ néje lai gə́ wɔji dəa lé.

Gḭ-Néje 24:35

Njesigənea̰ tɔr ndia dɔ ɓémje saar-saar aree tel to ne dəw gə́ boo. Yeḛ aree badje gə maŋgje ləm, larnda gə larlɔr ləm, ŋganjélookisije gə́ diŋgam gə njé gə́ dené ləma, jambalje gə mulayḛ̀je-je ləm tɔ.

Gḭ-Néje 26:14

Nékulje ləa gə́ lam-lam bula ləm, nékulje ləa gə́ boi-boi bula ləma, ŋganjélookisije ləa kara bula yaa̰ ləm tɔ. Bèe ɓa Pilistije ra kəmkəḭ dɔ Isaak’d.

Gḭ-Néje 30:43

Dəw neelé nébaoje ləa ḭ dɔ maree’g gə́ kédé-kédé. Ŋgan nékulje ləa bula ləm, ŋganjélookisije ləa gə́ dené gə njé gə́ diŋgam bula ləma, jambalje gə mulayḛ̀je-je ləa kara bula ləm tɔ.

Maktub gə́ wɔji dɔ Jɔb 1:10

See i ula ŋgalaŋ gugu ne dəa gə dɔ njémeekəije ləa gə dɔ néje ləa lai el wa. I tɔr ndui dɔ kula gə́ yeḛ ra ndá koso-nékulje ləa kara taa mee ɓee pəl-pəl.

Maktub gə́ wɔji dɔ Jɔb 1:3

Badje ləa d’as tɔl-dɔg-loo-siri (7.000) ləm, jambalje ləa d’as tɔl-dɔg-loo-munda (3.000) ləm, maŋgje ləa gə́ d’wa dee na̰’d joo-joo d’as loo tɔl-mi (500) ləm, ko̰-mulayḛ̀je-je ləa d’as tɔl-mi (500) ləma, kuraje ləa bula digi-digi ləm tɔ. Dəw neelé ria ɓar ur dɔ dəwje lai gə́ d’isi Bər.

Gosota-Kəmkàrje 10:22

Ndutɔr lə Njesigənea̰ ɓa Ar dəw tel to ne bao, Tɔɓəi yeḛ ila nékəmndoo kára kara dɔ’g el.

Matiyo 6:33

Saŋje ɓeeko̰ lə Ala gə meekarabasur ləa kédé ɓa néje lai neelé yeḛ a kar sí dɔ’g ɓəi.

Tel tura Godndu 8:18

Arje meḛ sí olé dɔ Njesigənea̰ Ala’g lə sí mbata to yeḛ nja ɓa gə́ ar sí siŋga sí kar sí iŋgaje ne nébaoje gə mba karee to njaŋg, to gə́ yeḛ ra ɓogənè, gə goo manrɔ ləa gə́ yeḛ un ne ndia ar bɔ síje-je lé.

1 Timote 4:8

Kwa Ala məəi’g gə goo rəbee lé ɓa maji kari aar keneŋ jigiri, mbata ndɔji ŋgira rɔi lé to gə́ né ya, nɛ maji ɔr njal el, kwa Ala məəi’g gə goo rəbee gə́ i aar keneŋ jigiri ra lé maji ɔr njal ya. Yee ɓa wɔji dɔ kəmə gə́ j’isi ne kəmba ɓasinè ləm, gə yeḛ gə́ a gə teḛ ləm tɔ.

1 Samel 2:7

Njesigənea̰ ar dəw tel to njendoo ləm, Yeḛ ar dəw to bao ləm tɔ. Yeḛ ar dəw ula dəa ləm, Yeḛ ar dəw unda dəa tar ləm tɔ.