Gḭ-Néje 13:1 - Maktub gə́ To gə Kəmee

¹ Abram ḭ Ejiptə aw par gə́ dɔkɔl, yeḛ gə dené ləa, gə néje ləa lai ləm, Lɔt kara aw səa na̰’d ləm tɔ.

Gḭ-Néje 13:1 ပူးပေါင်းရင်းမြစ်များ

Gḭ-Néje 20:1

Abrakam ḭ loo gə́ nee’g aw dɔ naŋg gə́ to par gə́ dɔkɔl. Yeḛ ra ɓee mbuna Kades gə sur’g ɓa yeḛ aw si Gerar tɔ.

Gḭ-Néje 21:33

Abrakam maan kagje gə́ ɓar dee tamarisje Beer-Seba. Lée neelé ɓa yeḛ pidi Njesigənea̰, Ala gə́ Njesi gə ləbee-ləbee gə nea̰ keneŋ.

2 Samel 24:7

Deḛ d’aw kəi-kaar-kɔgərɔ gə́ Tir ləm, gə mee ɓee-booje lai gə́ to ka̰ Hebje gə Kana̰je ləm tɔ. Deḛ tɔl təa dɔgel lə Juda gə́ to Beer-Seba.

Bula lə Israɛlje 13:17

Moyis ula dee mba kar dee d’aw tən loo mee ɓee gə́ Kana̰. Yeḛ ula dee pana: Unje rəw gə́ neelé par gə́ dɔkɔl ndá seḭ a kubaje dɔ mbal gə́ tar.

Jujé 10:40

Togə́bè Juje dum dɔ ɓeeje neelé lai, ɓeeje gə́ to kaar mbal’g ləm, gə njé gə́ par gə́ dɔkɔl ləm, gə njé gə́ to ndag-loo’g ləma, gə njé gə́ to dɔdərloo’g ləm tɔ ndá yeḛ tuji mbaije lai, yeḛ ya̰ loo ar dəw kára kara aḭ aw el ləm, yeḛ tuji néje lai gə́ d’əmə ləm tɔ, to gə́ Njesigənea̰, Ala lə Israɛlje un ne ndia aree lé.

Jujé 18:5

D’a kaiyee dana loo siri, Judaje lé ŋgaŋ loo-si lə dee a to par gə́ dɔkɔl ləm, gel-bɔje lə Jisəb d’a si par gə́ dɔgel ləm tɔ.

1 Samel 27:10

Akis dəjee pana: See loo gə́ ra ɓa awje wai keneŋ ɓogənè wa. Ndá Dabid tel ilá keneŋ pana: Par gə́ kel loo gə́ dɔkɔl lə Juda ləm, par gə́ kel loo gə́ dɔkɔl lə Jerakmeelje ləma, par gə́ loo gə́ dɔkɔl lə Kenije ləm tɔ.