Gḭ-Néje 12:9 - Maktub gə́ To gə Kəmee

⁹ Abram njaa kəmee gə́ kédé aw ne par gə́ dɔkɔl.

Gḭ-Néje 12:9 ပူးပေါင်းရင်းမြစ်များ

Gḭ-Néje 13:1

Abram ḭ Ejiptə aw par gə́ dɔkɔl, yeḛ gə dené ləa, gə néje ləa lai ləm, Lɔt kara aw səa na̰’d ləm tɔ.

Gḭ-Néje 13:3

Yeḛ ḭ par gə́ dɔkɔl njaa gə loo-loo saar teḛ Betel, saar teḛ loo gə́ yeḛ la kəi-kubu ləa keneŋ dɔtar, mbuna Betel gə Ai’g,

Gḭ-Néje 20:1

Abrakam ḭ loo gə́ nee’g aw dɔ naŋg gə́ to par gə́ dɔkɔl. Yeḛ ra ɓee mbuna Kades gə sur’g ɓa yeḛ aw si Gerar tɔ.

Gḭ-Néje 20:13

Loo gə́ Ala am m’ḭ meekəi’g lə bɔm m’tel m’to ne njekilatar neelé ndá, ma m’ula Sara m’pana: Aa oo, némeemaji gə́ yeḛ a ra səm ɓa nee: Looje lai gə́ j’a gə kaw keneŋ lé maji karee pa pana: Ma m’to ŋgokea̰ gə́ diŋgam ɓa.

Gḭ-Néje 24:62

Nɛ Isaak lé ḭ bwa-mán gə́ ria lə Lahai-rɔi ndá yeḛ si dɔ naŋg ɓee gə́ par gə́ dɔkɔl.

Pakɔsje 105:13

Deḛ d’ḭ mbuna ginkoji-dəwje gə́ kára’g D’aw rɔ ginkoji-dəwje gə́ raŋg’d ləm, D’ḭ ɓeeko̰ gə́ kára’g D’ɔd d’aw par gə́ rɔ koso-dəwje gə́ raŋg’d ləm tɔ.

Esai 30:6

Ndərta gə́ wɔji dɔ da-kulje gə́ kel dɔkɔl! Deḛ d’unda mee ɓee gə́ néurti gə nékəmndoo to keneŋ gaŋg, To loo gə́ ko̰ toboḭ gə bɔ toboḭ ree keneŋ ləm, Li-meewai gə da-kɔb gə́ ḭ gə bagee ree keneŋ ləm tɔ, Deḛ d’odo nékiŋgaje lə dee gir mulayḛ̀je-je’g lə dee ləm, D’odo nébaoje lə dee dɔ dun jambalje’g ləm tɔ D’aw ne d’ar koso-dəwje gə́ d’askəm ra né kára kara mbata lə dee el.

Bula lə Israɛlje 13:17

Moyis ula dee mba kar dee d’aw tən loo mee ɓee gə́ Kana̰. Yeḛ ula dee pana: Unje rəw gə́ neelé par gə́ dɔkɔl ndá seḭ a kubaje dɔ mbal gə́ tar.

Tel tura Godndu 1:7

Maji kar sí telje awje, a kawje dɔ mbal’g lə Amɔrje gə looje lai gə́ gugu dəa sub ləm, gə ndag-loo’g ləm, gə dɔ mbalje’g ləm, gə mee wəl-loo’g ləm, gə par gə́ dɔkɔl ləm, gə ta baa-boo-kad’g ləm, gə ɓee lə Kana̰je, gə ɓee gə́ Liba̰ ləma, saar teḛ ne baa-boo gə́ to baa gə́ Epratə ləm tɔ.