Gḭ-Néje 11:7 - Maktub gə́ To gə Kəmee

⁷ Ar sí j’uruje naŋg mba tel gwɔs dee gə mba kar dee gər takɔji lə naa̰ el.

Gḭ-Néje 11:7 ပူးပေါင်းရင်းမြစ်များ

Gḭ-Néje 1:26

Tɔɓəi Ala pana: Ar sí n’raje dəw j’aree tana sə síjeḛ bèe ləm, gə ɔr rɔ síjeḛ ləm tɔ, gə mba karee dum dɔ ka̰jije gə́ mee baa-boo-kad’g ləm, gə dɔ yelje gə́ d’aw pə̰ dara’g ləm, gə dɔ da-kulje’g ləm, gə dɔ naŋg nee lai ləma, gə dɔ nékundaje lai gə́ d’ag naŋg gə ta mee dee ləm tɔ.

Gḭ-Néje 10:20

Deḛ neelé ɓa to ŋgaka Kam gə goo gel-bɔje lə dee ləm, gə goo takɔji dee ləm, gə goo dɔ naŋg lə dee ləma, gə goo ginkojije lə dee ləm tɔ.

Gḭ-Néje 10:32

Deḛ nja ɓa to gel-bɔje lə ŋgalə Noe, gə goo ŋgaka deeje ləm, gə goo ginkojije lə dee ləm tɔ. Loo gə́ mán bélm godo ndá ginkoji dəwje gə raŋg d’ḭ gin dee’g taa ne loo dɔ naŋg nee pəl-pəl tɔ.

Gḭ-Néje 10:5

Koso-dəwje lai d’ḭ gin dee-deḛ’g d’aw d’isi dɔgoré-looje’g lə ginkoji dəwje gə raŋg gə goo naŋg lə dee ləm, gə goo takɔji dee ləm, gə goo gel-bɔje lə dee ləma, gə goo ginkoji lə dee ləm tɔ.

Gḭ-Néje 11:5

Njesigənea̰ risi uru naŋg gə mba koo ɓee neelé ləm, gə kəi gə́ duu dɔ loo gə́ ŋgan dəwje gə́ diŋgam d’unda lé ləm tɔ.

Gḭ-Néje 3:22

Njesigənea̰ Ala pana: Aa ooje, dəw lé tel to tana gə yeḛ gə́ kára mbuna síjeḛ’g bèe mba gər né gə́ maji gə né gə́ majel. Ɓasinè, ar sí j’ɔgeeje loo nà a kula jia mba ti ne kandə kag-kəmə ləm, a sɔ ka̰dee ləma, a kisi ne kəmba gə no̰ ləm tɔ.

Gḭ-Néje 42:23

Deḛ gər to gə́ Jisəb oo tapa dee el mbata Jisəb lé ar njetelta aar keneŋ tel ta ləa ula dee.

Maktub gə́ wɔji dɔ Jɔb 12:20

Yeḛ ɔr ta ta deḛ gə́ gər loo pata yororo-yororo’g ləm, Yeḛ ɔr kɔrkəmta meḛ ɓugaje’g ho̰d ləm tɔ.

Pakɔsje 2:4

Yeḛ gə́ loo-siée to dan dara’g lé kogo ŋgig-ŋgig, Mbaidɔmbaije ula sul dɔ dee’g ya.

Pakɔsje 33:10

Néje gə́ ginkoji dəwje gə raŋg d’wɔji meḛ dee’g gə mba ra lé Njesigənea̰ wá telee wagəsa ləm, Néje gə́ koso-dəwje d’wɔji-kwɔji ra lé Yeḛ aree udu bo̰ ləm tɔ.

Pakɔsje 55:9

M’a kɔs rɔm ɓad kaw ne kalaŋ Unda lel-mal gə́ ɓir ləm, Unda lel-boo gə́ ula mbḭ-mbḭ ləm tɔ.

Teḛ-Raga 4:11

Njesigənea̰ dəjee pana: See na̰ ɓa unda ta dəw wa. See na̰ ɓa ar rəw gwɔs dəw əsé mbi dəw udu ləm, ar kəmee oo loo əsé ar kəmee tɔ ləm tɔ wa. See to ma Njesigənea̰ lé el wa.

Esai 33:19

Koso-dəwje gə́ njékəstaje Deḛ gə́ takɔji dee to loo-kiya’g ar dəw gər el ləm, Deḛ gə́ takɔji dee to kədərə dum gər ləm tɔ lé Seḭ a koo deeje gogo el.

Esai 6:8

M’oo ndu Mbaidɔmbaije gə́ pana: See na̰ ɓa n’a kulá karee aw mbata lə neḛje wa. Ma m’ilá keneŋ m’pana: Yḛ̀ m’aar nee, ulam am m’aw.

Jeremi 5:15

Aa ooje, m’a kar ginkoji dəwje D’ḭ loo gə́ əw’g ya ree Mba rɔ sə sí, seḭ gel-bɔje lə Israɛl, Njesigənea̰ ɓa pa bèe. To ginkoji dəwje gə́ to njésiŋgamoŋje ləm, To ginkoji dəwje gə́ ləw ləm, To ginkoji dəwje gə́ seḭ gərje takɔji dee el ləma, Dɔ ta gə́ deḛ pa kara Seḭ a gərje el ləm tɔ.

1 Njé gə́ Kɔrḭtə 14:23

Ɓó lé njé gə́ Eglisə’g lai d’wa dɔ na̰ ar deḛ lai pa takɔji dəwje ɓəd-ɓəd d’ubu pur-pur ɓa dəwje gə́ na̰je gə́ d’un meḛ dee el lé d’andə mbuna dee’g lé ndá see d’a pana: Deḛ to gə́ mbəje, see d’a pa bèe el wa.

Tel tura Godndu 28:49

Njesigənea̰ a kar ginkoji dəwje gə́ d’isi gwɔi naŋg’d əw ya d’ḭ ree rɔ sə sí, to ginkoji dəwje gə́ d’a ree kalaŋ to gə́ niŋgatə̰də gə́ nar bèe, to ginkoji dəwje gə́ seḭ a gərje ta lə dee el ləm,