Gḭ-Néje 11:5 - Maktub gə́ To gə Kəmee

⁵ Njesigənea̰ risi uru naŋg gə mba koo ɓee neelé ləm, gə kəi gə́ duu dɔ loo gə́ ŋgan dəwje gə́ diŋgam d’unda lé ləm tɔ.

Gḭ-Néje 11:5 ပူးပေါင်းရင်းမြစ်များ

Gḭ-Néje 18:21

Gelee gə́ nee ɓa m’a gə rəm gə́ naŋg mba koo see néra dee aw gə goo kaa né gə́ ɓar saar teḛ rɔm’g nee ya wa. Ɓó lé to togə́bè el ndá m’a gər gao ya.

Pakɔsje 11:4

Njesigənea̰ si mee kəi’g ləa gə́ to gə kəmee doi lé ya. Njesigənea̰ lé kalimbai ləa to mee dara’g, Kəmee ɓa aa ne loo gərərə ləm, Kəmee lé tən ne dəwje soo-soo ləm tɔ.

Teḛ-Raga 19:11

Ndɔ gə́ njekɔm’g munda lé maji kar dee d’aar pèrèrè, mbata ndɔ gə́ njekɔm’g munda neelé Njesigənea̰ a kḭ tar kuru naŋg dɔ mbal gə́ Sinai kəm koso-dəwje’g lai.

Teḛ-Raga 19:18

Mbal gə́ Sinai lé sa pər taa pəl-pəl mbata Njesigənea̰ ḭ tar ree uru naŋg keneŋ dan pər’g, sa pər neelé uba ŋgɔg-ŋgɔg asəna gə sa pər mbo-boo bèe ndá mbal neelé bura ya yə ɓugu-ɓugu.

Teḛ-Raga 19:20

Togə́bè ɓa Njesigənea̰ ḭ tar ree ur dɔ mbal gə́ Sinai’g, dɔ sém mbal gə́ tar, Njesigənea̰ ɓar Moyis gə́ dɔ sém mbal gə́ tar. Ndá Moyis al aw ya.

Teḛ-Raga 3:8

Bèe ɓa ma m’ree mba kɔr dee ji Ejiptəje’g ləm, gə mba kɔr no̰ dee teḛ sə dee mee ɓee gə́ maji gə́ tad yaa̰ ləm tɔ, to ɓee gə́ mbà to keneŋ yaa̰ ləm, ubu tə̰ji kara to keneŋ yaa̰ ləm tɔ, to loo-si Kana̰je ləm, gə Hetje ləm, gə Amɔrje ləm, gə Peresje ləm, gə Hebje ləma, gə Yebusje ləm tɔ.

Tagə́maji gə́ Ja̰ ndang 3:13

Dəw kára ḭ naŋg nee aw dara el ɓəi, nɛ yeḛ gə́ ḭ dara ree dɔ naŋg neelé to Ŋgon-dəw gə́ si dara ya.

Ǝbrəje 4:13

Nékunda ləa gə́ rara kara a kiya rəa nea̰’g el, nɛ néje lai to raga ndəgəsə kəm yeḛ gə́ j’a kaar nea̰’g mba tura goo néra sí karee.