Gḭ-Néje 11:3 - Maktub gə́ To gə Kəmee

³ Deḛ d’ula na̰ pana: Ar sí j’aw j’ɔrje bɔrɔ gə mba nuŋga. Bɔrɔje neelé deḛ ra ne kula to gə́ mbal bèe ləm, né gə́ asəna gə tibi bia̰ bèe gə́ deḛ ɓaree bitumə lé yee ɓa to gə́ sima̰ lə dee ləm tɔ.

Gḭ-Néje 11:3 ပူးပေါင်းရင်းမြစ်များ

Gḭ-Néje 11:4

Deḛ pa ya tɔɓəi pana: Ar sí n’raje ɓee-boo gə́ wɔji dɔ sí ləm, gə kəi gə́ ŋgal gə́ duu dɔ loo gə́ dəa ɔs dara ləm tɔ mba kar ri sí ɓar ne ləm, mba kar sí n’sanéje-na̰ dɔ naŋg nee gə loo lai el ləm tɔ.

Gḭ-Néje 11:7

Ar sí j’uruje naŋg mba tel gwɔs dee gə mba kar dee gər takɔji lə naa̰ el.

Gḭ-Néje 14:10

Wəl loo gə́ Sidiim lé bwa-manje gə́ né gə́ asəna gə tibi bia̰ bèe taa loo keneŋ pəl-pəl. Mbai gə́ Sɔdɔm gə mbai gə́ Gɔmɔr lé buŋga na̰ d’aḭ ndá deḛ d’oso keneŋ. Ges dee gə́ nai lé d’aḭ gə́ dɔ mbal’g tɔ.

2 Samel 12:31

Yeḛ ar koso-dəwje gə́ mee ɓee’g teḛ raga ndá yeḛ ɔm kulaje gə́ kədərə kədərə dɔ dee’g ar dee ra kula gə kiaje gə́ ka̰ kinja kagje ləm, gə négɔl dɔ naŋg gə́ təa adə gə́ ra gə larndul ləm, gə tinaje gə́ to larndul ləma, gə kula gə́ wɔji dɔ nuŋga bɔrɔje ləm tɔ. Yeḛ ra togə́bè gə ɓee-booje lə Amo̰je lai ya. Tɔɓəi Dabid gə njérɔje ləa lai tel d’aw Jerusalem gogo tɔ.

Pakɔsje 64:5

Mba tur ne dəw gə́ ta wa dəa el gə goo ŋgəḭ ba, Deḛ tur gə́ tur lal kḛji ləm, Ɓəl ne né kára kara el ləm tɔ.

Teḛ-Raga 1:14

Deḛ d’ar meḛ dee adə dee mbag-mbag dɔ kula gə́ kədərə gə́ wɔji dɔ mbɔḭ a̰ji ləm, gə kɔr bɔrɔ ləma, gə kula ndɔje lai ləm tɔ, gə goo meeyèr gə́ to kḛji ɓa deḛ d’ɔm ne kulaje gə́ wɔi dɔ dee’g bèe ya.

Teḛ-Raga 2:3

Nɛ loo gə́ yeḛ askəm kiyá el ŋga ndá yeḛ un budu gə́ d’ɔs gə mu-bər, ɔr tibi bia̰ gə tibi ɓida gir budu’g ləm, gə mée’g ləm tɔ gərərə-gərərə ɓa yeḛ ila ŋgon neelé mèe’g ndá unda mbuna kó-ab’d gə́ to ta baa’g.

Gosota-Kəmkàrje 1:11

Ɓó lé deḛ pana: Gə ree aw sə sí! Ar sí j’aw j’umje loo n’tɔl dee ləm, Ar sí j’iyaje gum no̰ dəw’d gə́ ta wa dəa el ləm,

Njekillamber 2:1

Ma m’ula rɔm m’pana: Maji ya! M’a kaḭ məəi gə rɔlel ndá i a si dan rɔlel’g. Nɛ aa oo, yee gə́ nee kara to né gə́ kari ba ya ɓəi.

Esai 5:5

Ɓasinè m’a kula sí né Gə́ m’a gə ra gə ndɔ-nduú ləm: M’a tɔr ŋgalaŋ gə́ keneŋ Gə mba kar daje d’usɔ ləm, M’a təd ndògo gə́ keneŋ Mba kar dee tuba naŋg gə gɔl dee ləm tɔ.

Esai 65:3

Gə́ to koso-dəwje Gə́ d’ar məəm ḭ səm jugugu gə́ kédé-kédé ləm, Deḛ d’inja nékinjanéməsje gə́ loo-ndɔ’gje ləma, Deḛ roo néje gə́ ə̰də sululu dɔ dərŋgelje’g ləm tɔ,

Esai 9:10

Yen ŋga Njesigənea̰ a kar njéba̰je lə Resin d’ḭ sə dee ləm, Yeḛ a kɔs kudu njéba̰je lə dee ɓɔḭ-ɓɔḭ.

Nahum 3:14

Seḭ Ninibəje lé maji kar sí toje mán mbata d’a gə gugu dɔ sí sub gə rɔ! Waje dɔ gɔl kəi-kaar-kɔgərɔje lə sí ləm, Urje bɔrɔ, mbɔḭje a̰ji ləma, Nṵgaje dərŋgelje ləm tɔ!

Ǝbrəje 10:24

Tɔɓəi ar sí j’ə̰ji tor na̰ gə mba kɔs kudu na̰ dɔ nojikwa’g ləm, gə dɔ kula ra gə́ maji’g ləm tɔ.

Ǝbrəje 3:13

Nɛ ndəjije na̰ gə ndɔ sí ndɔ sí saar ndəa gə́ ɓaree ɓogənè ɓəi, mba kar kaiya ər kəm dəw kára kara mbuna sí’g el ləm, mba karee aar ne gə meetɔg el ləm tɔ.

Maktub gə́ Jak ula ne ar ngan-Allaje 4:13

Ɓasinè ooje ta nee: Seḭ gə́ paje pana: Ɓogənè əsé bèlè ɓa, j’a kaw mee ɓee gə́ bèe ləm, j’a si keneŋ ləb sí kára jén ləma, j’a ra né lə sí tel kəmee kiŋga ne lar ɓa ləm tɔ.

Maktub gə́ Jak ula ne ar ngan-Allaje 5:1

Ɓasinè ooje ta nee seḭ bao-nékiŋgaje: No̰je gə mán-no̰ kəm sí’g ləm, tuma̰je ŋgururu-ŋgururu ləm tɔ mbata némeekonje gə́ d’a gə teḛ dɔ sí’g lé.