Gḭ-Néje 11:2 - Maktub gə́ To gə Kəmee

² Loo gə́ deḛ d’ḭ par gə́ bər d’aw ndá deḛ teḛ ndag-loo gə́ to dɔ naŋg gə́ Sineyar, tɔɓəi deḛ d’isi keneŋ tɔ.

Gḭ-Néje 11:2 ပူးပေါင်းရင်းမြစ်များ

Gḭ-Néje 10:10

Yeḛ o̰ ɓee kédé dɔ ɓeeje gə́ Babel gə Erek gə Akad gə Kalne gə́ to dɔ naŋg gə́ Sineyar.

Gḭ-Néje 11:1

Dəwje lai dɔ naŋg neelé takɔji dee to gə́ kára ba ləm, tapa dee kara to gə́ kára ba ləm tɔ.

Gḭ-Néje 11:9

Gelee gə́ nee ɓa deḛ ɓaree ne Babel mbata lé neelé ɓa Njesigənea̰ tel gwɔs dəwje lai gə́ dɔ naŋg nee lé ɓəd-ɓəd keneŋ ləm, lé neelé ɓa Njesigənea̰ sané dee ne dɔ naŋg nee gə looje lai ləm tɔ.

Gḭ-Néje 13:11

Lɔt lé unda kəm loo mee ndag-loo gə́ Jurdɛ̰ lai gə́ kea̰-yeḛ ndá yeḛ aw par gə́ bər. Togə́bè ɓa deḛ d’ya̰ ne goo na̰.

Gḭ-Néje 14:1

Mee ləb gə́ Amrapel to ne mbai gə́ Sineyar ləm, Arjok to ne mbai gə́ Elasar ləm, Kedorlaomer to ne mbai gə́ Elam ləma, Tidəal to ne mbai gə́ Gojim ləm tɔ lé

Esai 11:11

Mee ndəa’g neelé ya Mbaidɔmbaije a kun jia tar gɔl kára ya ɓəi Mba taa ne dɔ ges koso-dəwje gə́ nai lé gogo, Deḛ gə́ sanéna̰ mee ɓee gə́ Asiri, gə Ejiptə, Gə Patros, gə Etiopi, Gə Elam, gə Sineyar, gə Amat, Gə dɔgoré-looje gə́ dan baa-boo-kad’g tɔ.

Loo gə́ killa rea kəm Daniel’g 1:2

Mbaidɔmbaije ya ya̰ Jojakim, mbai gə́ Juda lé jia’g ləm, ya̰ ges nékulaje gə́ to mee kəi-Ala’g jia’g ləm tɔ. Nebukadnesar odo nékulaje neelé aw ne mee ɓee gə́ Sineyar mee kəi-magə’d ləa, tɔɓəi yeḛ ɔm dee mee kəi-nébaoje’g lə magə ləa tɔ.

Jakari 5:11

Yeḛ tel ilam keneŋ pana: Deḛ d’aw mba ra kəi mbata ləa mee ɓee gə́ Sineyar. Bèe ɓa loo gə́ kula kəi lé a godo mba̰ ndá d’a kun karè neelé kunda dɔ loo’g ləa tɔ.