Gḭ-Néje 1:3 - Maktub gə́ To gə Kəmee

³ Ala pana: Maji kar loo àr! Ndá loo àr ya tɔ.

Gḭ-Néje 1:3 ပူးပေါင်းရင်းမြစ်များ

Gḭ-Néje 2:4

Aa ooje, gin k’unda gə́ d’unda dara gə naŋg neelé, lé ɓa nee: Loo gə́ Njesigənea̰ Ala ra naŋg nee gə dara lé ndá

Maktub gə́ wɔji dɔ Jɔb 36:30

Aa oo, yeḛ ar ndi ləa tèl ndogó gugu dəa sub ləm Aree ɔn dɔ kuru lə baa-boo-kad ləm tɔ.

Maktub gə́ wɔji dɔ Jɔb 38:19

See rəw gə́ ra ɓa dəw a kun mba teḛ ne loo gə́ lookàr si keneŋ wa. See loondulje lé loo-si dee to par gə́ ra wa.

Pakɔsje 104:2

Lookàr gə́ ɔr jol-jol lé Yeḛ ula rəa’g to gə́ kubu gə́ ŋgal yududu bèe ləm, Yeḛ naji dara to gə́ lab ne mbogo bèe ləm tɔ.

Pakɔsje 118:27

Njesigənea̰ lé to Ala gə́ njekar loo àr dɔ sí’g. Né gə́ ka̰ kinja məs lé maji kar sí tɔje gə kúla Awje ne saar teḛje ne dɔ dɔ kum-looje gə́ ḭta gə́ to loo-nékinjaməs’g lé.

Pakɔsje 148:5

Maji kar dee pidi ri Njesigənea̰ ya Mbata yeḛ pata gə ndia ya ndá deḛ to keneŋ.

Pakɔsje 33:6

Ta gə́ teḛ ta Njesigənea̰’g lé Yeḛ unda ne dara ləm, Kṵji təa gə́ tó ne loo pu lé Yeḛ unda ne boo-néje gə́ mee dara’g ya ləm tɔ.

Pakɔsje 33:9

Mbata yeḛ pata ndá Née teḛ gə torndia ya ləm, Yeḛ un ndia ndá Née to keneŋ bèe ya ləm tɔ.

Pakɔsje 97:11

Lookàr to mbata njéra nédanaje ləm, Rɔlel to mbata deḛ gə́ meḛ dee to kára ba sur ləm tɔ.

Esai 45:7

Ma m’ra lookàr ləm, M’unda loondul ləm tɔ, Ma m’ar meekulɔm to ləm, Gə m’unda némeeko̰ ləm tɔ, Ma m’to Njesigənea̰, Ma m’to njera néje neelé lai.

Esai 60:19

Kàr ɓa a to néndogó ləi dan kàrá el ləm, Naḭ ɓa a kar loo àr ŋgad-ŋgad dɔi’g loondul’g el ləm tɔ, Nɛ Njesigənea̰ ɓa a to lookàr ləi saar-saar gə no̰ ləm, Ala ləi ɓa a to gə́ nérɔnduba ləi ləm tɔ.

Matiyo 8:3

Jeju ula jia paar ɔrɔ ne rəa pana: Ma m’ndigi səi ya, maji kar rɔi ɔr ɓə̰dərə-ɓə̰dərə ya. Léegəneeya ba̰ji ɔr rəa’g ɓə̰dərə-ɓə̰dərə ya tɔ.

Tagə́maji gə́ Ja̰ ndang 1:5

Lookàr neelé inja loondul’g njai-njai, loondul lé oma̰ səa nɛ oma̰ səa pi.

Tagə́maji gə́ Ja̰ ndang 1:9

Lookàr lé ɓa to lookàr gə́ gəd gə́ ar loo inja ne kəm dəw gə́ rara gə́ d’ojee dɔ naŋg nee.

Tagə́maji gə́ Ja̰ ndang 11:43

Loo gə́ yeḛ pata neelé mba̰ ndá yeḛ pata gə ndia gə́ boi wəl pana: Lajarə, unda loo teḛ raga!

Tagə́maji gə́ Ja̰ ndang 3:19

Ta gə́ wa dɔ dəwje lé ɓa nee: mbata lookàr ree naŋg nee mba̰ nɛ deḛ ndigi loondul unda lookàr mbata néra dee to majel.

2 Njé gə́ Kɔrḭtə 4:6

Mbata Ala nja gə́ pa pana: Maji kar lookàr tḭ loondul kad lé yeḛ nja ar lookàr tḭ loondul meḛ sí’g kad mba kar sí n’gər ne rɔnduba lə Ala gə́ ndogó kəm Jeju Kristi’g lé.

Njé gə́ Epesə 5:14

Gelee gə́ nee ɓa, yeḛ pa ne pana: I gə́ toɓi lé teḛ kəmi, Unda loo teḛ dan njé gə́ d’wəi’g Ndá Kristi a ndogó nɔḭ’g.

Njé gə́ Epesə 5:8

Kédé lé seḭ toje gə́ ka̰ loondul, nɛ ɓasinè seḭ ɔmje na̰’d gə Mbaidɔmbaije toje ne ka̰ lookàr ya. Bèe ndá njaaje asəna gə ŋgan lookàrje.

1 Timote 6:16

Yeḛ nja kára ba kiao ɓa to Njesigənea̰ ləm, yeḛ si dan lookàr gə́ ɔs kəm loo ŋgərəŋ ləma, dəw kára kara ila kəmee dəa’g əsé askəm kée el ləm tɔ lé maji kila riɓar dəa’g ləm, maji karee dum dɔ loo gə ləbee-ləbee saar-saar gə no̰ ləm tɔ. Amen!

1 Ja̰ 1:5

Aa ooje, ta gə́ jeḛ j’oo təa’g ɓa, jeḛ j’ɔr gée j’ar sí lé ɓa nee: Ala nja to gə́ lookàr ɓó loo gə́ ndul ɗigi godo rəa’g.

1 Ja̰ 2:8

Nɛ godndu gə́ sigi gə́ ma m’ndaŋg m’ar sí lé to yee gə́ sigi ya ɓəi, to tɔgərɔ mée-yeḛ’g ləm, gə meḛ sí-seḭ’g ləm tɔ, mbata loondul sané kad ar lookàr gə́ gəd inja bərəŋ mba̰.