Gḭ-Néje 1:16 - Maktub gə́ To gə Kəmee

¹⁶ Ala unda néndogóje gə́ boi joo neelé. Yee gə́ boi gə́ ur dɔ maree lé to mba ko̰ɓee dɔ lookàr’g ləm, yee gə́ lam gə́ orè gée lé to mba ko̰ɓee dɔ loondul’g ləm tɔ. Tɔɓəi Yeḛ unda kéréméje tɔ.

Gḭ-Néje 1:16 ပူးပေါင်းရင်းမြစ်များ

Gḭ-Néje 1:15

Maji kar dee to néndogóje pə̰ dara’g mba ndogó dɔ naŋg nee tɔ. Ndá to lée’g bèe ya tɔ.

Maktub gə́ wɔji dɔ Jɔb 31:26

Ɓó lé ma m’oo kàr gə́ ndɔḭ ləm, Gə loo gə́ naḭ aw ndogó gə rɔnduba ləa ləm,

Maktub gə́ wɔji dɔ Jɔb 38:7

Mee ndəa gə́ kéréméje gə́ gə ndɔ nduba rɔ dee gə pa kalrɔ ləm, Kuraje lə Ala gə́ dara d’ɔr ndu dee gə́ tar wəl gə rɔlel ləm tɔ lé wa.

Pakɔsje 148:3

Kàr gə naḭ, pideeje, Seḭ kéréméje lai gə́ ndoḭje wər-wər lé pideeje.

Pakɔsje 148:5

Maji kar dee pidi ri Njesigənea̰ ya Mbata yeḛ pata gə ndia ya ndá deḛ to keneŋ.

Pakɔsje 19:6

Kàr lé to tana gə njedené-sigi gə́ ḭ mee kəi-tée’g Uru loo-kabee’g gə meendakaḭ asəna gə bao-rɔ bèe.

Pakɔsje 74:16

Lookàr gə loondul lé to kaḭ ya ləm, I ra naḭ gə kàr ləm tɔ.

Pakɔsje 8:3

Ta gə́ teḛ ta ŋganje’g ləm, Gə ta ŋganje gə́ nai ta mbà’g ləm tɔ lé I tum ne gin siŋgamoŋ ləi keneŋ Dum ne dɔ njéba̰je ləi Mba tɔ ne ta njeba̰ ləi gə njedalba̰ lé ká.

Esai 13:10

Mbata kéréméje gə́ boi Gə ŋgan kéréméje gə́ gugu dɔ dee lé D’a kar rɔndɔḭ lə dee ndogó el ləm, Léegəneeya kàr gə́ a kuba bər lé a tel ndul njudu-njudu ləma, Naḭ kara a kar ndá ləa ndogó el ləm tɔ.

Esai 24:23

Naḭ a tel ndul njudu-njudu ləm, Kàr a kɔs el ləm tɔ, Mbata Njesigənea̰ gə́ njeboo-néje a ko̰ɓee Mee ɓee gə́ Jerusalem gə́ to dɔ mbal gə́ Sio̰ Kar rɔnduba ləa ndogó kəm ŋgatɔgje’g ləa ya.

Esai 40:26

Unje kəm sí gə́ tar ooje loo! See na̰ ɓa ra néje neelé wa. See na̰ ɓa ar boo-néje gə́ dara D’aw gə rəw lə dee lə dee wa. Yeḛ ɓar deḛ lai gə goo ri dee ri dee, Gə goo boo-dɔmoŋ ləa ləm, Gə siŋgamoŋgee gə́ dum dɔ loo ləm tɔ lé Yeḛ gə́ kára kara gə́ a lal ndigi təa’g lé godo.

Esai 45:7

Ma m’ra lookàr ləm, M’unda loondul ləm tɔ, Ma m’ar meekulɔm to ləm, Gə m’unda némeeko̰ ləm tɔ, Ma m’to Njesigənea̰, Ma m’to njera néje neelé lai.

Jeremi 31:35

Njesigənea̰ gə́ njéra kàr Karee ndogó dan kàrá ləm, Gə njekwɔji loo-kaar lə kéréméje Gə́ ndogó loondul’g ləm, Yeḛ gə́ ar baa-boo-kad Ḭ turu tuma̰-tuma̰ ləma, Yeḛ gə́ ria lə Njesigənea̰ gə́ njeboo-néje ləm tɔ lé Pa togə́bè pana:

Habakuk 3:11

Kàr gə naḭ d’aar loo-kaar dee’g régégé Gə goo ndɔḭ lə ɓandaŋgje ləi gə́ teḛ lé ləm, Gə goo ndɔḭ lə niŋga-ndəije ləi gə́ ndogó ləm tɔ.

Matiyo 24:29

Waga gə́ a korè goo ndɔ némeeko̰ lé ndá né a dəb kəm kàr’g rigim ləm, naḭ a ndogó el ləm, kéréméje d’a toso naŋg dib-dib ləma, nésiŋgamoŋje lə dara kara d’a yə bura ɓugu-ɓugu ləm tɔ.

Matiyo 27:45

Kàr aar daŋdɔ ya ndá loondul bigim dɔ naŋg nee gə loo lai saar kàr tel rəa gə mbɔree.

1 Njé gə́ Kɔrḭtə 15:41

Rɔndɔḭ lə kàr to ɓəd ləm, rɔndɔḭ lə naḭ to ɓəd ləma, rɔndɔḭ lə kéréméje kara to ɓəd ləm tɔ. Kéréméje lé rɔndɔḭ lə dee to ɓəd-ɓəd ɓó d’asəna lai el tɔ.

Tel tura Godndu 4:19

Meḛ sí dɔ rɔ sí’g, nà loo gə́ seḭ a kunje kəm sí par gə́ dara gə mba koo kàr, gə naḭ, gə kéréméje gə boo-nékundaje lai gə́ to mee dara’g ndá d’a ndɔr sí kar sí undaje barmba, dəbje kəm sí naŋg no̰ dee’g, gə mba kwa dee meḛ sí’g: néje lai neelé Ala lə sí gə́ Njesigənea̰ ra dee ar koso-dəwje lai gə́ d’isi dɔ naŋg nee gə́ né ka̰ dee.

Loo gə́ killa rea kəm Ja̰’g 21:23

Ɓee-boo neelé aw ndòo kàr əsé naḭ mba kar dee ndogó keneŋ el, mbata rɔnduba lə Ala ɓa ndogó keneŋ ləm, Ŋgonbad lé to gə́ pərŋgel ləa ləm tɔ.