Gḭ-Néje 1:1 - Maktub gə́ To gə Kəmee

¹ Kédé gə́ dɔtar lé, Ala unda dara gə naŋg nee tɔ.

Gḭ-Néje 1:1 ပူးပေါင်းရင်းမြစ်များ

2 Mbaije 19:15

ra ne tamaji nee ar Njesigənea̰ pana: Njesigənea̰, Ala lə Israɛlje, i gə́ si dɔ kuraje gə́ dara gə́ ɓar dee Nékundaje gə́ dara! I nja kára ba kiao ɓa to Ala dɔ ɓeeko̰je’g lai gə́ dɔ naŋg nee ləm, i ɓa gə́ njekunda dara gə naŋg nee ləm tɔ.

1 Sôrta Gḭka-Israɛlje 16:26

Mbata magəje lai gə́ ginkoji dəwje gə raŋg pole dee lé To néje gə́ kari ba Nɛ Njesigənea̰ lé ɓa unda dara ya.

2 Sôrta Gḭka Israɛlje 2:11

Huram pa tɔɓəi pana: Maji kar dɔ ri Njesigənea̰ Ala lə Israɛlje ai səgərə, yeḛ gə́ njekunda dara gə naŋg nee, yee ɓa ar mbai Dabid ŋgon gə́ njekəmkàr ləm, gə njekunda kəmkàr dɔ rəa’g ləma, gə njegosonégər ləm tɔ, gə mba karee unda kəi lə Njesigənea̰ ləm, gə kunda kəi-mbai gə mbata ləa-yeḛ ləm tɔ.

Nehemi 9:6

I nja ɓa to Njesigənea̰, i nja kára ba kiao, I to njekunda dara gə dara gə́ to dɔ na̰’d dɔ na̰’d ləm, Gə boo-nékundaje gə́ to keneŋ ləm, Gə naŋg gə néje lai gə́ to keneŋ ləma, Gə baa-boo-kad gə néje lai gə́ to keneŋ ləm tɔ. I nja ɓa ar néje lai neelé d’aw kəmba ləm, Ar boo-nékundaje gə́ dara d’unda barmba nɔḭ’g ləm tɔ.

Maktub gə́ wɔji dɔ Jɔb 26:13

Kila kəmə pugudu ləa ar dara àr ŋgad-ŋgad ləm, Jia ɔs li gə́ njekaḭ mbudu ləm tɔ.

Maktub gə́ wɔji dɔ Jɔb 38:4

See loo gə́ m’tum gin naŋg lé i si ra wa. Ɓó lé i to gə́ njegosonégər ndá ulam.

Maktub gə́ wɔji dɔ Jɔb 9:8

Yeḛ nja gə karee ba naji dara ləm, Yeḛ dum dɔ mán baa-boo-kadje’g ləm tɔ.

Pakɔsje 102:25

Gelee gə́ nee ɓa ma m’pana: Ala ləm, Loo gə́ ndɔ kisi kəmba ləm nai bula ɓəi lé Maji kari unm el, I gə́ ləbi to saar-saar gə no̰ lé.

Pakɔsje 104:24

Ǝi Njesigənea̰ kula raije lé bula yaa̰ ya. I ra dee lai-lai gə kəmkàree ya ləm, Némajije ləi lé kara Taa dɔ naŋg nee pəl-pəl ya ləm tɔ.

Pakɔsje 104:30

Kṵji tai gə́ i tó pu lé i unda dee ne ləm, Néje gə́ dɔ naŋg nee tel to ne sigi gə́ kédé-kédé ləm tɔ.

Pakɔsje 115:15

Maji kar Njesigənea̰ tɔr ndia dɔ sí’g ya, Yeḛ nja ra dara gə naŋg nee tɔ.

Pakɔsje 121:2

Né gə́ la səm lé ḭ rɔ Njesigənea̰’g, Yeḛ nja ɓa unda dara gə naŋg nee.

Pakɔsje 124:8

Ri Njesigənea̰ gə́ njera dara gə naŋg neelé Yee ɓa né la sə sí ḭ keneŋ ya.

Pakɔsje 134:3

Maji kar Njesigənea̰ gə́ loo-siée to Sio̰ lé tɔr-ndia dɔ sí’g. Yeḛ nja ɓa gə́ njera dara gə naŋg nee tɔ.

Pakɔsje 136:5

Yeḛ gə́ to njera dara gə goo gosonégər lé Mbata meekɔrjol ləa lé to saar-saar gə no̰.

Pakɔsje 146:6

Yeḛ nja unda dara gə naŋg nee ləm, Gə baa-boo-kad gə néje lai gə́ to keneŋ lé ləm tɔ, Yeḛ aar njaŋg dɔ kankəmta’g saar gə no̰.

Pakɔsje 33:6

Ta gə́ teḛ ta Njesigənea̰’g lé Yeḛ unda ne dara ləm, Kṵji təa gə́ tó ne loo pu lé Yeḛ unda ne boo-néje gə́ mee dara’g ya ləm tɔ.

Pakɔsje 33:9

Mbata yeḛ pata ndá Née teḛ gə torndia ya ləm, Yeḛ un ndia ndá Née to keneŋ bèe ya ləm tɔ.

Pakɔsje 8:3

Ta gə́ teḛ ta ŋganje’g ləm, Gə ta ŋganje gə́ nai ta mbà’g ləm tɔ lé I tum ne gin siŋgamoŋ ləi keneŋ Dum ne dɔ njéba̰je ləi Mba tɔ ne ta njeba̰ ləi gə njedalba̰ lé ká.

Pakɔsje 8:4

Loo gə́ m’aa loo gə́ dara gəl-gəl lé M’oo kula gə́ i ra gə jii, M’oo naḭ gə kéréméje gə́ i unda dee lé

Pakɔsje 90:2

Ɓad ɓa kar mbalje to keneŋ ɓəi ləm, Ɓad ɓa kari unda naŋg nee gə dəwje gə́ keneŋ ləm tɔ lé I nja to Ala gə́ si kédé gə́ dɔtar saar gə no̰.

Pakɔsje 96:5

Mbata magəje lai gə́ ginkoji dəwje gə raŋg pole dee lé To néje gə́ kari ba Nɛ Njesigənea̰ lé ɓa unda dara.

Teḛ-Raga 20:11

Mbata mee ndɔje gə́ misa̰ lé Njesigənea̰ unda dara gə naŋg gə baa-boo-kad gə néje lai gə́ to keneŋ lé ndá ndɔ gə́ njekɔm’g siri lé yeḛ wa rəa keneŋ, gelee gə́ nee ɓa Njesigənea̰ tɔr ne ndia dɔ ndɔ-kwa-rɔ’g ləm, undá ne gə kəmee ləm tɔ.

Teḛ-Raga 31:18

Loo gə́ Njesigənea̰ tɔl ta ta gə́ yeḛ ula Moyis dɔ mbal’g gə́ Sinai lé bém ndá yeḛ aree bəgərə mbalje gə́ joo gə́ to ka̰ kɔrgoota lé, to bəgərə mbalje gə́ Ala ndaŋg ta keneŋ gə ŋgaw jia-yeḛ nja.

Gosota-Kəmkàrje 16:4

Njesigənea̰ ra néje lai gə goo rəbee gə́ yeḛ wɔji, Njemeeyèr kara yeḛ wɔji ne dɔ ndɔ némeeko̰ tɔ.

Gosota-Kəmkàrje 3:19

Gə goo kəmkàr ɓa Njesigənea̰ Unda ne naŋg nee ləm, Gə goo gosonégər lé ɓa Yeḛ ar dara to ne njaŋg ləm tɔ,

Njekillamber 12:1

Nɛ ar məəi olé dɔ njekundai’g mee ndɔje gə́ i nai ne basa ɓəi kédé ɓa kar ndɔje gə́ majel ree ɓəi ləm, kar ləbje gə́ d’a gə ree lé i a pa pana: Né gə́ leli godo keneŋ ləm,

Esai 37:16

Njesigənea̰ gə́ njeboo-néje, Ala lə Israɛlje, i gə́ si dɔ kuraje gə́ dara’d gə́ ɓar dee Nékundaje gə́ dara! I nja kára ba to Ala mbata lə ɓeeko̰je lai gə́ dɔ naŋg nee ləm, i ɓa gə́ njekunda dara gə naŋg nee ləm tɔ.

Esai 40:21

See seḭ gərje el wa, Esé see ooje taree el wa. See d’ar sí gərje un kudee ndɔ tum gelee’g el wa. See seḭ ə̰jije dɔ loo-kunda-gin-naŋg’g lé el ya saar wa.

Esai 40:26

Unje kəm sí gə́ tar ooje loo! See na̰ ɓa ra néje neelé wa. See na̰ ɓa ar boo-néje gə́ dara D’aw gə rəw lə dee lə dee wa. Yeḛ ɓar deḛ lai gə goo ri dee ri dee, Gə goo boo-dɔmoŋ ləa ləm, Gə siŋgamoŋgee gə́ dum dɔ loo ləm tɔ lé Yeḛ gə́ kára kara gə́ a lal ndigi təa’g lé godo.

Esai 40:28

See seḭ gərje el wa. See seḭ ooje taree el wa. Ala gə́ njesi gə ləbee-ləbee gə́ to Njesigənea̰ lé Yeḛ nja ɓa unda gwɔi naŋg nee, Yeḛ dao el ləm, Rea asee el ləm tɔ, Gosɔnégər ləa lé dəw kára kara as gər ŋgaŋgee el.

Esai 42:5

Ala gə́ to Njesigənea̰ Yeḛ gə́ njekunda dara karee tad rəg-rəg ləm, Yeḛ gə́ unda naŋg nee gə néje lai gə́ to keneŋ ləm, Yeḛ gə́ ar koso-dəwje gə́ d’isi keneŋ d’əmə ləma, Ar deḛ gə́ d’isi keneŋ d’aw kəmba ləm tɔ lé Pa togə́bè pana:

Esai 44:24

Njesigənea̰, njekoga dɔ sí, Yeḛ gə́ njekuba sí meḛ ko̰ síje’g lé Pa togə́bè pana: Ma m’to Njesigənea̰ gə́ njekunda néje lai, Ma nja kára ba gə́ njenaji dara ləm, Ma nja kára ba gə́ njetḭ mee naŋg karee tad rəg-rəg ləm tɔ.

Esai 45:18

Mbata Njesigənea̰, Yeḛ gə́ to njekunda dara ləm, Gə to Ala kára ba kiao ləm, Yeḛ gə́ to njekunda naŋg Gə́ undá aree ŋgəŋ ŋgəŋ-ŋgəŋ ləm, Yeḛ gə́ undá mba karee tel to dɔdilaloo el ləma, Yeḛ gə́ gɔlee mba kar dəwje d’isi keneŋ ləm tɔ lé Pa togə́bè pana: Ma nja m’to Njesigənea̰ Ɓó yeḛ gə́ njekorè dɔm godo.

Esai 51:13

Seḭ arje meḛ sí wəi dɔ Njesigənea̰ gə́ njekunda sí’g lé Yeḛ gə́ naji dara gə tum gel naŋg nee. Seḭ undaje bala gə ndɔje kára-kára lai No̰ oŋg’d lə njekula kəm loo ndòo, Mbata yeḛ saŋg loo gə mba tuji sí pugudu! See oŋg lə njekula kəm loo ndòo lé ɓa to ra wa.

Esai 51:16

Ma m’ɔm taje ləm ta sí’g ləm, Ma m’ɔn dɔ sí gə jim ləm tɔ Gə mba naji ne dara gə́ sigi ləm, Gə mba tum ne gel naŋg gə́ sigi ləma, Gə mba kula njé gə́ Sio̰ pana: Seḭ toje gə́ koso-dəwje ləm ya ləm tɔ!

Esai 65:17

Mbata m’a gə kunda dara gə́ sigi ləm, Gə naŋg gə́ sigi ləm tɔ, Meḛ dəwje a kolé dɔ néje gə́ ləw’d Gə́ dəs lé el ŋga ləm, D’a tel ree dan takə̰ji’g lə dee el ŋga ləm tɔ.

Jeremi 10:12

Njesigənea̰ unda naŋg Gə goo siŋgamoŋ ləa ləm, Yeḛ tum gin naŋg nee Gə goo kəmkàr ləa ləma, Yeḛ naji dara gə goo gosonégər ləa ləm tɔ.

Jeremi 32:17

Ǝi Mbaidɔmbaije gə́ Njesigənea̰, aa oo, i ra dara gə naŋg nee gə boo-siŋgamoŋ ləi ləm, gə goo jii gə́ un loo lad-lad ləm tɔ. Né kára kara gə́ njedumi godo.

Jeremi 51:15

Njesigənea̰ unda naŋg Gə goo siŋgamoŋ ləa ləm, Yeḛ tum gin naŋg nee Gə goo kəmkàr ləa ləma, Yeḛ naji dara gə goo gosonégər ləa ləm tɔ.

Jakari 12:1

Ndərta gə́ Njesigənea̰ pa wɔji ne dɔ Israɛl. Njesigənea̰ gə́ to njenaji dara ləm, Gə njetum gel naŋg nee ləma, Gə njera ndil dəw gə́ to mée’g ləm tɔ lé pa togə́bè pana:

Matiyo 11:25

Ndəa neelé Jeju un ta pa pana: Bɔm, ma m’pidii, i gə́ to Mbai dɔ dara ləm, gə Mbai dɔ naŋg nee ləm tɔ mbata néje neelé i iya ne njékəmkàrje gə njégosonégərje kág nɛ i tegginee ar deḛ gə́ nai gə́ ŋganje ba ɓa d’oo.

Mark 13:19

Néɓəŋgərəti gə́ a gə ra dəwje mee ndəaje’g neelé un kudee ndɔ gə́ Ala tum ne gin naŋg nee saar ɓasinè lé dəw oo garee gə́ togə́bè kédé nda̰ el ləm, a koo togə́bè gogo nda̰ bèe el ya ləm tɔ.

Néra Njékaḭkulaje 14:15

Deḛ pata tɔg pir pana: Seḭ dəwje lé see ban ɓa seḭ raje ne né bèe wa. Jeḛ lé jeḛ n’to gə́ dəwje to gə́ seḭ nja tɔ. Jeḛ j’ula sí tagə́maji gə mba kar sí ya̰je ne goo magəje gə́ gə mḭdé ba nee mba telje rɔ sí goo Ala gə́ njesikəmba’g lé. Yeḛ nja ɓa gə́ njekunda dara gə naŋg nee gə baa-boo-kad gə néje lai gə́ to keneŋ.

Néra Njékaḭkulaje 17:24

Ala gə́ njekunda naŋg nee gə néje lai gə́ to keneŋ lé yeḛ to Mbai dɔ dara gə dɔ naŋg nee tɔ. Bèe ndá yeḛ si mee kəi gə́ ji dəw ɓa ra el.

Néra Njékaḭkulaje 4:24

Loo gə́ d’oo bèe ndá d’unda ndu dee na̰’d bura d’ar Ala pana: Mbaidɔmbaije, i nja unda dara gə naŋg nee gə baa-boo-kad gə néje lai gə́ to keneŋ ləm,

Njé gə́ Rɔmə 11:36

Yeḛ nja ɓa néje lai ḭ rəa’g ləm, mbɔl dəa ɓa néje lai to gən ləma, néje lai to gə mba kila riɓar dəa’g ləm tɔ. Maji kula rɔnduba dəa’g gə ləbee-ləbee saar-saar gə no̰. Amen!

1 Njé gə́ Kɔrḭtə 8:6

Ndá jeḛ lé Ala lé Bɔ síje lé to kára ba kiao. Néje lai ḭ rəa’g ləm, jeḛ lé j’isi gə́ kea̰-yeḛ nja ləm tɔ. Mbaidɔmbaije lə sí Jeju Kristi lé to gə́ kára ba kiao tɔ. Mbɔl dəa-yeḛ nja ɓa néje lai to ne keneŋ ləm, jeḛje kara j’isi ne keneŋ gə mbəa-yeḛ nja ləm tɔ.

Njé gə́ Epesə 3:9

mba kar kəm dee inja dɔ ta gə́ to loo-kiya’g rɔ Ala gə́ njekunda néje lai kédé gə́ dɔtar saar ɓasinè ləm tɔ.

Ǝbrəje 1:10

Yeḛ pa tɔɓəi pana: I Mbaidɔmbaije lé kédé gə́ dɔtar i nja tum gin naŋg nee ləm, Dara kara to né gə́ jii nja ɓa ra ləm tɔ.

Ǝbrəje 1:2

Nɛ ndəa gə́ gogo nee, yeḛ pata ar sí nɛ Ŋgonee ɓa ria ne sə sí dəa. Yeḛ nja ɓa Ala unda ne naŋg nee ləm, yeḛ aree to njenéje lai ləm tɔ.

Ǝbrəje 11:3

Meekun lé ɓa jeḛ j’oo to gə́ tapa Ala ɓa yeḛ unda ne naŋg nee ar néje gə́ jeḛ j’oo gə kəm sí el lé Ala mbo̰ dee unda ne néje gə́ jeḛ j’oo gə kəm sí.

Ǝbrəje 3:4

Kəi gə́ rara kara njekunda sí gən ya, nɛ yeḛ gə́ unda néje lai yeḛ nja gə́ Ala ya.

2 Piɛrə 3:5

Tɔgərɔ ya, ləw ba ta gə́ Ala pa gə təa ya ar dara to ne ləm, naŋg kara ḭ ne dan mán’g gə aar dan mán’g ləma,

1 Ja̰ 1:1

Né gə́ to keneŋ gən kédé gə́ dɔtar saar lé né gə́ jeḛ j’oo taree gə mbi sí ləm, né gə́ jeḛ j’oo gə kəm sí ləm, né gə́ kəm sí wəi dɔ’g sḭ ləma, né gə́ j’wa gə ji sí peb ləm tɔ gə́ wɔji dɔ Ta kəmə lé

Loo gə́ killa rea kəm Ja̰’g 10:6

ndá yeḛ ubu rəa gə ri yeḛ gə́ si kəmba gə ləbee-ləbee saar-saar gə no̰ lé yeḛ gə́ unda dara gə néje lai gə́ to keneŋ ləm, gə unda naŋg nee gə néje lai gə́ to keneŋ ləma, gə unda baa-boo-kad gə néje lai gə́ to keneŋ ləm tɔ pana: Lée godo ŋga.

Loo gə́ killa rea kəm Ja̰’g 14:7

Yeḛ pata gə ndia gə́ boi wəl pana: Ɓəlje Ala, ulaje rɔnduba dəa’g mbata kàr gaŋgta ləa teḛ mba̰. Yeḛ gə́ unda dara gə naŋg nee ləm, gə baa-boo-kad gə ŋgira manje lai ləm tɔ lé maji kar sí wáje meḛ sí’g ya.

Loo gə́ killa rea kəm Ja̰’g 21:6

Tɔɓəi yeḛ ulam pana: Neḛ n’tɔlee bém. Neḛ n’to Alpa gə Omega, yeḛ gə́ dɔtar gə yeḛ gə́ rudu tɔ. Yeḛ gə́ kṵdaman tɔlee ndá n’a karee mán kəmə gə́ aḭ kəm-rəw-mán gə́ teḛ kuji-kuji lé ai, n’a karee gə́ kar ɓó yeḛ a ndogo el.

Loo gə́ killa rea kəm Ja̰’g 22:13

Ma m’to Alpa gə Omega ləm, ma m’to gə́ kédé gə gogo ləma, ma m’to gə́ dɔtar gə rudu ləm tɔ.

Loo gə́ killa rea kəm Ja̰’g 3:14

Maji kam m’ndaŋg maktub nee m’ar kura lə Eglisə gə́ Laodise pana: Aa oo, yeḛ gə́ njepa ta Amen gə́ to njekɔrgoota gə́ to majikoji gə njepa kankəmta lé ləm, yeḛ gə́ to gə́ njegin nékundaje lə Ala ləm tɔ lé yeḛ nja pana:

Loo gə́ killa rea kəm Ja̰’g 4:11

Mbaidɔmbaije, Ala lə sí, I nja askəm kiŋga rɔnduba ləm, gə riɓar ləma, Gə siŋgamoŋ gə tɔgmbaŋ ləm tɔ, Mbata i nja unda néje lai ləm, Rəw gə́ i nja wɔji ɓa deḛ d’isi ne ləma, I ra dee ne ləm tɔ.