Este 9:5 - Maktub gə́ To gə Kəmee

⁵ Jibje tɔl njéba̰je lə deḛ lai gə kiambas d’ar dee d’udu guduru. Deḛ gə́ d’ə̰ji dee bəḭ-bəḭ kara ra sə dee né to gə́ meḛ dee ndigi tɔ.

Este 9:5 ပူးပေါင်းရင်းမြစ်များ

Nehemi 9:24

Bèe ɓa ŋgan deeje d’aw taa ne ɓee lé gə́ ka̰ dee ya. I ar njéɓeeje neelé gə́ to Kana̰je lé D’aw ŋguna-ŋguna no̰ dee’g Ndá i ya̰ dee ji dee’g gə mbaije lə dee ləm, Gə koso-dəwje gə́ mee ɓee’g ləm tɔ Mba kar dee ra sə dee né to gə́ meḛ dee ndigi.

Este 3:13

Maktub lé d’ula ne njékaḭkulaje mee dəb ɓeeko̰je’g lə mbai lé lai, gə mba kar dee tɔl ne Jibje lai, basaje gə ɓugaje ləm, ŋganje gə denéje ləm tɔ, d’ar dee d’udu guduru, mee ndɔ gə́ kára ba ya, mee ndɔ gə́ njekɔm’g dɔg-giree-munda, lə naḭ gə́ njekɔm’g dɔg-giree-joo gə́ to naḭ Adar ləm, gə mba kar dee d’unda némajije lə dee banrɔ ləm tɔ.

Este 8:11

Mee maktubje’g neelé deḛ ndaŋg ta keneŋ pana: Mbai ya̰ rəw ar Jibje mee ɓee-booje gə́ rara kara mba kar dee mbo̰ dɔ na̰ gə mba kaa ne dɔ rɔ dee, gə mba kar dəwje gə́ rara əsé deḛ gə́ d’ḭ dəb ɓeeko̰ gə́ rara gə́ d’a ree mba rɔ sə dee lé deḛ d’a tuji dee ləm, d’a tɔl dee ləma, d’a kar dee d’udu guduru gə ŋgan deeje gə denéje lə dee na̰’d ləma, d’a kunda némajije lə dee banrɔ ləm tɔ.

Este 9:6

Mee ɓeeko̰’g Susə lé Jibje tɔl dəwje as tɔl-mi (500) ndá

Pakɔsje 92:12

Meem lelm yaa̰ mba koo ne njéba̰je ləm gə́ d’isi tuji ləm, Mbim kara m’ur njor m’oo ne ndu njékoma̰ səmje gə́ to njémeeyèrje lé ya ləm tɔ.

Jeremi 18:21

Gelee gə́ nee ɓa Ar ɓoo-boo o̰ ŋgan deeje ləm, Ɔs dee ɓugu dee ta kiambas’g ləm tɔ, Ar denéje lə dee d’isi lal ŋganje ləm, Tel to njékəisiŋgaje ləm, Ar yoo-koso tɔl ŋgaw deeje ləma, Ar basaje lə dee kara D’wəi yoo-kiambas loo-rɔ’g ləm tɔ.

2 Njé gə́ Tesalonikə 1:6

Mbata Ala a ra né gə́ to gə dɔ najee ya, bèe ɓa deḛ gə́ d’ula kəm sí ndòo lé yeḛ a tel kula kəm dee-deḛ ya ndòo bèe ləm,