Este 9:27 - Maktub gə́ To gə Kəmee

²⁷ Jibje d’wɔji meḛ dee’g njaŋg, d’un ne ndu dee mbata lə dee-deḛ ləm, mbata lə gel ka lə dee ləma, gə mbata lə deḛ lai gə́ d’a gə kɔm sə dee na̰’d ləm tɔ gə mba kar mee ləbje kára kára lai lé d’a ra naḭ mee ndɔje’g joo neelé gə goo lée gə́ deḛ ndaŋg, gə mee ndəa gə́ d’wɔji njaŋg lé ləm tɔ ɓó dəw a telee raŋg el ŋga.

Este 9:27 ပူးပေါင်းရင်းမြစ်များ

Este 8:17

Mee dəb ɓeeko̰je kára kára lai ləm, gə mee ɓee-booje kára kára lai ləm tɔ lé loo gə́ d’ila mber ndukun lə mbai keneŋ ndá loo gə́ mbuna Jibje’g lé rɔlel gə boo-rɔkal gə ra muru-gad gə ra naḭje ɓa to keneŋ ya. Tɔɓəi dəwje bula mbuna koso-dəwje gə́ mee ɓee’g tel rɔ dee gə́ Jibje mbata ɓəl gə́ deḛ ɓəl Jibje lé ɓa unda dee badə gaŋg dee tɔ.

Este 9:20

Mardose ndaŋg néje neelé mee maktub’g ndá yeḛ ula ne ar Jibje gə́ d’isi dəb ɓeeko̰je’g lai gə́ to ka̰ mbai Asuerus lé dəb ɓeeko̰je gə́ dəb gə njé gə́ əw tɔ.

Este 9:21

Yeḛ un ndia ar dee mba kar dee d’aa dɔ ndɔ gə́ njekɔm’g dɔg-giree-sɔ gə ndɔ gə́ njekɔm’g dɔg-giree-mi mee naḭ Adar’g lé gə mba ra naḭ keneŋ gə ləbje kára kára lai ya.

Este 9:28

Lé riri kara ndɔje gə́ joo neelé d’a kar meḛ dee olé dɔ dee’g ləm, d’a ra naḭ gə́ wɔji dɔ dee mbuna ginka deeje’d gə́ kédé-kédé ləm, gə mbuna njémeekəije’g lə dee kára kára lai ləm, gə mee dəb ɓeeko̰je’g kára kára lai ləma, gə mee ɓee-booje’g kára kára lai ləm tɔ. Yen ɓa ndɔje lə Purim lé lé riri kara a tuji mbuna Jibje’g nda̰ el ləm, meḛ dee a kwəi dɔ’g mbuna ginka deeje’g nda̰ el ləm tɔ.

Pakɔsje 78:7

Gə mba kar dee d’unda ne meḛ dee dɔ Ala’g lé ləm, Gə mba kar meḛ dee wəi ne dɔ néraje’g lə Ala el ləma, Gə mba kar dee tɔs ne kəm dee bao-bao dɔ godndiaje’g lé ləm tɔ

Esai 2:3

Ginkoji dəwje gə raŋg lai d’a ndɔm na̰ keneŋ Ndá d’a pana: Gə́ reeje ar sí j’awje dɔ mbal’g lə Njesigənea̰ ləm, Gə j’awje mee kəi’g lə Ala lə Jakob ləm tɔ Gə mba karee ndoo sí torndiaje Kar sí njaaje ne kila-rəwje’g ləa. Mbata godndu a kḭ Sio̰’g ləm, Ta lə Njesigənea̰ a kḭ Jerusalem ləm tɔ.

Esai 56:3

Maji kar dəw-dɔ-ɓee Gə́ ɔm gə Njesigənea̰ na̰’d pana: Njesigənea̰ unda neḛ ɓad Rɔ koso-dəwje’g ləa bèe el ləm, Maji kar njekuji pana: Aa ooje, neḛ n’to kag gə́ tudu bèe el ləm tɔ!

Esai 56:6

Dəw-dɔ-ɓeeje gə́ d’ɔm na̰’d gə Njesigənea̰ Gə mba kwá meḛ dee’g ləm, Gə mba kunda ri Njesigənea̰ dan kəm dee’g ləma, Gə mba to kuraje ləa ləm tɔ lé Deḛ lai gə́ d’a kaa dɔ ndɔ-kwa-rɔ Kar dee d’ila ndɔl dɔ’g el ləm, D’a kaar njaŋg dɔ manrɔ’g ləm tɔ lé

Ejekel 16:61

Məəi a kolé dɔ pa̰jaaje’g ləi ndá rɔi a kul ne loo gə́ i a kiŋga ŋgakɔḭje gə́ dené, deḛ gə́ tɔg-tɔg gə deḛ gə́ gɔ-gɔ, n’a kari dee asəna gə ŋganije gə́ dené nɛ gə goo manrɔ ləi lé ɓa el.

Jakari 2:11

Seḭ njé gə́ Sio̰, Seḭ gə́ síje ɓee-ɓər gə́ Babilɔn lé Maji kar sí aḭje ajije rɔ sí.

Jakari 8:23

Njesigənea̰ gə́ njeboo-néje pa togə́bè pana: Mee ndəaje’g neelé diŋgamje dɔg gə́ takɔji dee ɓəd-ɓəd mbuna ginkoji dəwje gə raŋg’g lé D’a kwa ta kubu lə dəw kára gə́ to gə́ Jip pa ne pana: N’a kawje sə sí mbata neḛ n’gərje gao to gə́ Ala nai sə sí-seḭ ya.

Bula lə Israɛlje 15:15

Godndu kára ba ɓa a to keneŋ mbata lə koso-dəwje lai, mbata lə sí-seḭ ləm, gə mbata lə dəw-dɔ-ɓee gə́ si mbuna sí’g ləm tɔ, yee ɓa a to godndu gə́ a to gə no̰ mbuna ŋgakadɔg síje’g: to gə́ seḭ raje lé dəw-dɔ-ɓee kara pia gə́ yeḛ a ra no̰ Njesigənea̰’g ya to kən.

Tel tura Godndu 5:3

To bɔ síje-je ɓa Njesigənea̰ man rəa ar dee bèe el nɛ to jeḛ lai gə́ j’isije kəmba ɓogənè lé ɓa jeḛ səaje manje rɔ sí j’arje na̰.

Jujé 9:15

Juje wa dee gə́ rəa’g ləm, ɔm sə dee na̰’d mba kya̰ dee kar dee d’isi kəmba ləma, njékaa dɔ koso-dəwje kara manrɔ dee d’ar dee ləm tɔ.

Njéga̰g-Rəwtaje 11:40

gə ləbje kára-kára lai lé ŋgama̰dje gə́ Israɛl d’aw d’wa ndòo ŋgolə Jepte gə́ dené gə́ to dəw gə́ Galaad lé as ndɔ sɔ mee ləbje kára-kára lai tɔ.

1 Samel 30:25

Un kudee mee ndəa’g neelé saar gə́ kédé ndá deḛ ra togə́bè ya d’aree to gə́ godndu ləm, gə néjiɓee lə Israɛlje ləm tɔ saar teḛ mee ndəa gən ya.