Este 9:25 - Maktub gə́ To gə Kəmee

²⁵ Nɛ Este aw aar no̰ mbai’g ndá mbai ndaŋg maktub un ne ndia mba kar némeeyèr gə́ Aman wɔji mée’g mba tuji ne Jibje lé tel oso dəa-yeḛ’g ya ləm, gə mba kar dee ɗaree ne dɔ kag’d, yeḛ ləm gə ŋganeeje ləm tɔ.

Este 9:25 ပူးပေါင်းရင်းမြစ်များ

1 Mbaije 8:32

maji kari oo ta ləa mee dara’g, ra ne né ləm, gaŋg-rəwta lə kuraje ləi ləm tɔ. Dəw gə́ taa wa dəa lé ila ta dəa’g ləm, ar bo̰ nérea ɔs təa’g ya, dəw gə́ ta wa dəa el lé maji kari ra səa gə goo ta gə́ wa dəa lé el ya tɔ.

Este 3:6

Nɛ gə mba tɔl Mardose gə karee ba lé yeḛ oo gə́ né gə́ as el ya ɓəi mbata deḛ d’ulá gel koji lə Mardose lé ndá, yee ɓa yeḛ ndigi tɔl ne dəwje lə Mardose, deḛ lai gə́ to Jibje gə́ d’isi ɓeeko̰’g lə Asuerus lé.

Este 7:10

Togə́bè ɓa deḛ ɗar Aman dɔ kag gə́ yeḛ gɔl mbata lə Mardose lé tɔ. Yee ɓa oŋg lə mbai wəi ne bèm ɓəi.

Este 7:4

Mbata deḛ ndogo sí, ma jeḛ gə dəwje ləm gə mba kar dee tuji sí ləm, gə mba kar dee tḭja gwɔb sí ləma, gə mba kar sí j’udu guduru ləm tɔ. Ɓó lé deḛ ndogo sí gə mba kar sí n’to ɓərje gə́ diŋgam gə njé gə́ dené ndá m’a kila tam maree’g ndag ya. Nɛ né gə́ to gə goo rəbee el gə́ njeba̰ wɔji-kwɔji ra lé kəm kwɔji gadee kar mbai el.

Este 7:5

Mbai Asuerus, un ta dəji Este gə́ dené ləa lé pana: See to na̰ wa. See yeḛ nee si ra ɓa wɔji né gə́ togə́bè mée’g gə mba ra wa.

Pakɔsje 140:8

Njesigənea̰, Mbaidɔmbaije, I gə́ to njeroŋgəŋ ləm, gə njekajim lé I nja o̰ dɔm ndɔ rɔ’g lé ya.

Pakɔsje 140:9

Njesigənea̰, né gə́ njemeeyèr ndiŋga lé Maji kari aree aw lée’g béréré el ləm, Néje ləa gə́ yeḛ wɔji-kwɔji ra lé Maji kari ya̰ aree ra el ləm tɔ Nà a kḭ ti ne rəa dɔ’g.

Pakɔsje 141:10

Maji kar njémeeyèrje lé D’oso wul ba̰də’g lə dee-deḛ ya Gə mba karm m’aḭ m’igi ne pá gə́ léegəneeya.

Pakɔsje 7:16

Yeḛ uru bwa aree uru ŋgudu-ŋgudu ndá Yeḛ nja tel oso mee bwa gə́ yeḛ uru’g lé.

Pakɔsje 7:17

Néra gə́ kori-kori ləa tel oso dəa-yeḛ’g ləm, Bo̰ néra kərm-kərm ləa tel ɔs təa’g ləm tɔ.

Pakɔsje 94:23

Yeḛ a kar néra dee gə́ yèr lé tel oso dɔ dee’g gogo ya ləm, Yeḛ a kar dee d’udu bo̰ gə goo meeyèr lə dee lé ya ləm tɔ, Ala lə sí gə́ Njesigənea̰ lé a kar dee d’udu bo̰ gə no̰ ya.

Gosota-Kəmkàrje 26:27

Yeḛ gə́ uru bwa ndá Yeḛ nja a koso keneŋ ləm, Yeḛ gə́ nduburu mbal ndá Mbal lé a tel koso dəa-yeḛ’g ya tɔ.

Gosota-Kəmkàrje 5:22

Njemeeyèr lé Néra kori-korije ləa-yeḛ nja wá ləm, Kula kaiyaje ləa ɓa təa jo̰dɔrɔ ləm tɔ.

Esai 22:25

Njesigənea̰ gə́ njeboo-néje lé pana: Mee ndəa’g neelé kag-ŋgaolar gə́ ɓəree loo gə́ kədərə’g lé d’a kɔr ləm, d’a kunda təd karee oso naŋg ləma, nékodo gə́ wɔiee lé a tuji ləm tɔ mbata Njesigənea̰ ɓa pa bèe.

Abdias 1:15

Mbata ndɔ lə Mbaidɔmbaije lé nai dəb mbata ginkoji dəwje gə raŋg lai, Ndá gə goo néra sí lé ɓa D’a tel ra ne sə sí-seḭ bèe ya tɔ. Bèe ndá bo̰ néra síje d’a kɔs ta sí’g bɔsɔrɔ. Israɛlje d’a dal ba̰ dɔ Edɔmje’g.

Matiyo 21:44

Nana ɓa gə́ a koso dɔ mbal’g neelé ndá a təd rəa keneŋ njigi-njigi ya, nɛ dəw gə́ rara ɓa mbal neelé a koso dəa’g ndá a rədee naŋg mbə̰ji-mbə̰ji ya tɔ.

1 Samel 25:39

Dabid oo to gə́ Nabal wəi ndá yeḛ pana: Maji kar dɔ ri Njesigənea̰ ai səgərə mbata yeḛ ɔr kəm ta ləm dan boo-rɔkul gə́ Nabal ila dɔm’g, ɔgm ne ma kura ləa dɔ ra majel’g lé! Njesigənea̰ ar némajel lə Nabal tel oso dəa-yeḛ’g ya. Yen ŋga Dabid ula njékulaje rɔ Abigayil’g dəjee mba karee tel to dené ləa.