Este 9:19 - Maktub gə́ To gə Kəmee

¹⁹ Gelee gə́ nee ɓa Jibje gə́ mee ɓee-kogoje’d gə́ wala gə́ lal ndògo-bɔrɔ lé ndɔ gə́ njekɔm’g dɔg-giree-sɔ mee naḭ Adar’g lé deḛ d’aree to ndɔ rɔlel ləm, gə ndɔ muru-gad ləma, gə ndɔ ra naḭje ləm tɔ, tɔɓəi deḛ d’ula gə nénojije d’ar na̰ yo gə́ nee tɔ.

Este 9:19 ပူးပေါင်းရင်းမြစ်များ

Este 8:17

Mee dəb ɓeeko̰je kára kára lai ləm, gə mee ɓee-booje kára kára lai ləm tɔ lé loo gə́ d’ila mber ndukun lə mbai keneŋ ndá loo gə́ mbuna Jibje’g lé rɔlel gə boo-rɔkal gə ra muru-gad gə ra naḭje ɓa to keneŋ ya. Tɔɓəi dəwje bula mbuna koso-dəwje gə́ mee ɓee’g tel rɔ dee gə́ Jibje mbata ɓəl gə́ deḛ ɓəl Jibje lé ɓa unda dee badə gaŋg dee tɔ.

Este 9:20

Mardose ndaŋg néje neelé mee maktub’g ndá yeḛ ula ne ar Jibje gə́ d’isi dəb ɓeeko̰je’g lai gə́ to ka̰ mbai Asuerus lé dəb ɓeeko̰je gə́ dəb gə njé gə́ əw tɔ.

Este 9:22

To mee ndɔje neelé ɓa deḛ d’iŋga loo-kwa-rɔ dee loo gə́ deḛ taa ne rɔ dee ji njéba̰je’g lə dee ndá d’a ra naḭ gə́ wɔji dɔ kəmndoo gə́ d’isi keneŋ gə́ tel to rɔlel ləm, gə ndɔ némeeko̰ lə dee gə́ tel to ndɔ ra naḭ ləm tɔ. Bèe ɓa ndɔje neelé a to ndɔ muru-gad ləm, gə ndɔ rɔlel ləm, d’a kar na̰ nénojije yo gə́ nee ləma, d’a kai njéndooje né keneŋ ləm tɔ.

Jakari 2:4

M’dəjee m’pana: See dee ree gə mba ra ɗi wa. Ndá yeḛ ilam keneŋ pana: Dee to gaji daje gə́ sané ne Judaje saar d’ar dəw kára kara ɔr dəa tar el lé. Njékɔrje neelé ree mba kɔm ɓəl dɔ dee’g ləm, gə mba təd gaji ginkoji dəwje gə raŋg gə́ rɔ ne gə Judaje gə gaji dee ləm, gə mba sané ne dəwje gə́ mee ɓee’g lé kad-kad ləm tɔ.

Lugu 11:41

Néje gə́ to ŋgaw meḛ sí’g ɓa waje arje njénékəmtondooje ɓa néje lai a to néje gə́ àr mbata lə sí ɓəi tɔ.

Tel tura Godndu 15:7

Ɓó lé dan sí’g ɓa njendoo kára mbuna ŋgako̰ síje’g si mee ɓee-boo’g lə sí, dɔ naŋg gə́ Ala lə sí gə́ Njesigənea̰ ar sí lé ndá seḭ a kunje kəm sí rəw dɔ njéndoo’g lé el ləm a karje ji sí tɔ gag-gag dəa’g el ləm tɔ.

Tel tura Godndu 16:11

Seḭ a kalje rɔ sí no̰ Njesigənea̰ Ala’g lə sí, loo gə́ Ala lə sí gə́ Njesigənea̰ a kɔr kunda gə kəmee gə mba kar ria ɓar dɔ’g, seḭ ləm gə ŋgan síje gə́ diŋgam gə njé gə́ dené ləm, gə Ləbije gə́ d’isi mbuna sí’g ləma, gə dəw-dɔ-ɓeeje gə ŋganalje gə njékəisiŋgaje gə́ d’isi mbuna sí’g lé ləm tɔ.

Tel tura Godndu 16:14

Seḭ a kalje rɔ sí loo ra naḭ’g neelé, seḭ ləm, gə ŋgan síje gə́ diŋgam gə njé gə́ dené ləm, gə kuraje lə sí gə́ diŋgam gə njé gə́ dené ləm, gə Ləbije ləma, gə dəw-dɔ-ɓeeje, gə ŋganalje, gə njékəisiŋgaje gə́ d’isi mbuna sí’g ləm tɔ.

Tel tura Godndu 3:5

Ɓee-booje lai neelé siŋga dee to kɔgərɔ-kɔgərɔ gə mbata d’ila ndògo-bɔrɔ gə́ ŋgal gugu ne dɔ dee sub ləm, d’ila pəgərə tarəwɓeeje’g ləm tɔ: ɓee-booje gə́ lal ndògo-bɔrɔ kara bula yaa̰ tɔ.

Loo gə́ killa rea kəm Ja̰’g 11:10

Dəw-mee-ɓeeje gə́ dɔ naŋg nee rɔ dee a lel dee ləm, d’a kal ne rɔ dee kar ne na̰ nénoji yo gə́ nee ləm tɔ mbata njékɔrgootaje gə́ joo lé to njébəg dəw-mee-ɓeeje gə́ d’isi dɔ naŋg nee.

1 Samel 25:8

Dəji kuraje ləi ndá d’a kulai ya. Maji kar basaje neelé taa kəmi rəgm ya, mbata jeḛ n’reeje mee ndɔ rɔlel’g ya. M’ra ndòo rɔi’g gə mba kar lé né gə́ ban-ban ya gə́ to meḛ jii’g ndá kara ar kuraje ləi gə ŋgoni Dabid ya.