Este 8:5 - Maktub gə́ To gə Kəmee

⁵ Yeḛ pa tɔɓəi pana: Ɓó lé mbai oo gə́ né gə́ maji kəm ra ləm, ɓó lé m’taa kəm mbai rəgm ləm, ɓó lé to né gə́ a maji ləma, ɓó lé m’to maji kəm mbai’g ləm tɔ ndá maji kar dee ndaŋg maktub tuji ne ta gə́ Aman, ŋgolə Hamedata wɔji mée’g ar dee ndaŋg mba tuji ne Jibje lai gə́ d’isi dəb ɓeeko̰je’g lə mbai lé ɓa.

Este 8:5 ပူးပေါင်းရင်းမြစ်များ

Este 2:17

Mbai lé unda Este dan kəmee’g ur dɔ denéje gə́ raŋg lai ləm, yeḛ taa kəmee rəgm ləma, yeḛ wa səa noji ur dɔ ŋgama̰dje lai gə́ d’aw nea̰’g ləm tɔ. Togə́bè ɓa yeḛ ula ne dɔgugu-mbai dəa’g undá ne gə́ dené ləa tor Basti’g.

Este 2:4

Bèe ɓa gə mba kar ŋgoma̰də gə́ taa kəm mbai ɓa a tel to dené ləa tor Basti’g. Ta neelé taa kəm mbai rəgm ndá yeḛ ra togə́bè ya tɔ.

Este 3:1

Goo néje’g neelé ndá mbai Asuerus ula dɔmoŋ dɔ Aman, ŋgolə Hamedata’g, dəw gə́ Agag. Yeḛ unee undá daŋdɔ aree to gə́ ŋgaw-ta deḛ lai gə́ to ŋgan-mbaije gə́ d’isi mbɔree’g lé.

Este 5:8

Ɓó lé m’taa kəm mbai rəgm ləm, ɓó lé rɔ mbai lelee gə mba ndigi səm dɔ nédəji’g ləm gə mba kam né gə́ m’ndigi ləm tɔ ndá maji kar mbai gə Aman ree loo muru-gad gə́ m’a gə gɔl mbata lə dee lé ndá bèlè ɓa m’a tel kila mbai keneŋ gə goo ndukun ləa ɓəi.

Este 7:3

Este, dené lə mbai lé ilá keneŋ pana: Ǝi mbai, ɓó lé m’taa kəmi rəgm ləm, ɓó lé mbai oo gə́ né gə́ maji kəm ra ndá am m’isi kəmba ya, yee ɓa gə́ né gə́ m’dəji ləm, ar dəwje ləm kara d’isi kəmba ləm tɔ, yee ɓa gə́ né gə́ m’ndigi tɔ.

Teḛ-Raga 33:13

Ɓasinè lé ma m’ra ndoo rɔi’g, ɓó lé m’taa kəmi rəgm tɔgərɔ ndá am m’gər kila rəwje ləi ya, togə́bè ɓa m’a gər ndaai gəd-gəd ləm, m’a taa kəmi rəgm to gə́ tɔgərɔ ləm tɔ. Ar məəi olé dɔ ginkoji dəwje’g neelé gə́ to gə́ dəwje ləi ya.

Teḛ-Raga 33:16

See dəwje d’a gər to gə́ ma jeḛ gə koso-dəwje ləi n’taaje kəmi rəgm to gə́ ban wa. See a to korè gə́ i a korè sə sí rəw na̰’d més lé ɓa, jeḛ j’a tel to ne koso-dəwje gə́ n’toje ɓəd mbuna dəwje’g lai-lai dɔ naŋg nee lé el wa.

1 Samel 20:29

Yeḛ pana: N’ra ndòo rɔm’g mba kam m’ya̰ neḛ m’ar neḛ n’aw mbata mee ɓee-boo’g lə neḛ lé nékinjaməs gə́ wɔji dɔ njémeekəije lə neḛ to keneŋ. Ɓó lé neḛ n’taa kəm rəgm ndá maji kam m’ya̰ neḛ m’ar neḛ n’aw kalaŋ n’aw n’oo ŋgako̰ neḛje lé ɓa. Gelee gə́ nee ɓa yeḛ ree ne ta ka-nésɔ’g lə mbai lé el gə mbəa.