Este 8:15 - Maktub gə́ To gə Kəmee

¹⁵ Mardose unda loo kəi lə mbai teḛ gə kubu-mbai gə́ ndul ɗigi gə ndá kələw-kələw ləm, gə dɔgugu gə́ boi gə́ ra gə larlɔr dəa’g ləma, gə kubu gə́ boi yul gə́ d’ṵji gə kúla palégal gə́ ndul piro-piro ləm tɔ. Dəwje gə́ ɓee-boo gə́ Susə lé d’ɔr ndu dee gə́ tar wəl gə rɔlel d’al ne rɔ dee tɔ.

Este 8:15 ပူးပေါင်းရင်းမြစ်များ

Gḭ-Néje 41:42

Parao̰ ɔr ŋgama ləa gə́ jia’g ula ji Jisəb’g ləm, yeḛ ula kubu gə́ ra gə kúla palégal rəa’g ləma, ila yeŋgəre larlɔr gwɔsee’g ləm tɔ.

Este 1:6

Kubuje gə́ ndá ləm, gə to bədələ ləma, gə ndul ɗigi ləm tɔ lé deḛ tɔ dee tar gə kúla palégal ləm, gə kúla gə́ ndul piro-piro ləm tɔ ta ŋgamaje gə́ ra dee gə larnda ləm, gə ta mbalje gə́ tɔl dee gə́ gajije ləm tɔ. Tiraje gə́ ra dee gə larlɔr gə larnda lé d’unda dee loo-kuba’d gə́ ra gə mbalje gə́ kas njir-njir ləm, gə ndá kələw-kələw ləma, gə kɔr mbalje gə́ ndul ləm tɔ.

Este 10:2

Néje lai gə́ wɔji dɔ siŋgamoŋ ləa ləm, gə néreaje gə́ boo-boo ləma, gə boo-néje gə́ gə ria-ria gə́ mbai ra unda ne dɔ Mardose tar ləm tɔ lé see deḛ ndaŋg mee maktub sorta néraje’g lə mbaije lə Medəje gə Persəje el wa.

Este 3:15

Njékaḭkulaje d’ɔs rɔ dee ɓad d’aw ne gə goo ndukun lə mbai lé. Ndukun neelé d’ila mberee mee ɓee-boo’d gə́ Susə tɔ. Yen ŋga loo gə́ mbai deḛ gə Aman d’isi d’ai né bèe-bèe ndá dəwje gə́ ɓee-boo gə́ Susə lé d’aw dɔ na̰’d bèe wur-wur tɔ.

Este 5:1

Ndɔ gə́ njekɔm’g munda lé Este ula kubu-mbai rəa’g ndá aw aar ne mee gadloo’g mee kəi’g lə mbai, no̰ kəi’g lə mbai. Mbai lé si dɔ kalimbai ko̰ɓee’g ləa mee kəi-mbai’g no̰ loo kandə kaw mee kəi’g.

Este 5:11

Aman tura goo nébaoje ləa gə́ bə̰dərə bə̰ ləm, gə bula lə ŋganeeje gə́ diŋgam ləma, gə néje lai gə́ mbai ra ula ne dɔmoŋ dəa’g aree to gə́ ŋgaw-ta ŋgan-mbaije gə kuraje lə mbai ləm tɔ ar dee d’oo.

Este 6:11

Yen ŋga Aman un kubu ləm, gə wa kunda ləm tɔ ndá yeḛ ula kubu rɔ Mardose’g tɔɓəi yeḛ njaa gə kunda unda ne ndaa-loo dan ɓee-boo lé dana gaŋg ləm, yeḛ ila mber nea̰’g pana: Yee ɓa gə́ né gə́ deḛ ra gə dəw gə́ mbai ndigi kula rɔnduba dəa’g lé.

Este 6:8

maji kar dee ree gə kubu-ko̰ɓee gə́ mbai ula ləm, gə kunda kuba mbai gə́ d’ula dɔgugu-ko̰ɓee dəa’g ləm tɔ ndá

Este 8:14

Léegəneeya njékaḭkulaje lé d’uba kundaje gə kundaje-mulayḛ̀jeje d’aw kalaŋ gə goo ndukun lə mbai lé tɔ. Ndukun neelé d’ila mberee mee ɓeeko̰’g Susə ya.

Gosota-Kəmkàrje 11:10

Loo gə́ njémeekarabasurje d’isi dan rɔlel’g ndá Ɓee-boo al ne rəa, Nɛ loo gə́ njémeeyèrje tuji ndá Dəwje d’ɔr ndu dee gə́ tar wəl gə rɔlel,

Gosota-Kəmkàrje 28:12

Loo gə́ njémeekarabasurje d’un baŋga ndá To rɔnduba gə́ boo, Loo gə́ njémeeyèrje d’unda dɔ dee tar ndá Nana kara iya rəa gə́ kiya.

Gosota-Kəmkàrje 29:2

Loo gə́ njémeekarabasurje d’ḭ dɔ maree’d gə́ kédé-kédé ndá Koso-dəwje d’isi dan rɔlel’g, Loo gə́ njemeeyèr o̰ ɓee ndá Koso-dəwje tila meḛ dee pugudu-pugudu.

Matiyo 11:8

See né ɗi ɓa seḭ awje keneŋ gə mba kooje wa. See awje gə mba kooje diŋgam gə́ ula kubu gə́ kura rəa’g wa. Nɛ deḛ gə́ njékula kubuje gə́ kura rɔ dee’gje lé to deḛ gə́ d’isi mee kəije’g lə mbaije ya.

Matiyo 6:29

Nɛ ma nja m’ula sí, loo ndubarɔ lə Salomo̰ gə kubu gə́ rəa’g kara ur ne dɔ pudu ndujaje’g neelé el.

Lugu 16:19

Dəw kára gə́ to bao lé ula kubu gə́ ndul piro-piro gə́ bḭ maji rəa’g ləm, si dan maji’g gə dan rɔlel’g gə ndəa-ndəa ləm tɔ.