Este 8:14 - Maktub gə́ To gə Kəmee

¹⁴ Léegəneeya njékaḭkulaje lé d’uba kundaje gə kundaje-mulayḛ̀jeje d’aw kalaŋ gə goo ndukun lə mbai lé tɔ. Ndukun neelé d’ila mberee mee ɓeeko̰’g Susə ya.

Este 8:14 ပူးပေါင်းရင်းမြစ်များ

2 Sôrta Gḭka Israɛlje 30:6

Njékaḭkulaje lé d’aw gə maktubje gə́ mbai gə ŋgan-mbaije ləa ndaŋg d’ar dee d’aw ne mee ɓee gə́ Israɛl gə Juda lai ya. Tɔɓəi gə goo ndukun lə mbai lé deḛ pana: Seḭ ges Israɛlje gə́ teḛje ji mbaije gə́ Asiri lé maji kar sí ɔsje badm telje rɔ Njesigənea̰, Ala’g lé lə Abrakam, gə Isaak gə Israɛl mba karee-yeḛ kara tel ree rɔ sí’g tɔ.

Nehemi 1:1

Taje gə́ Nehemi, ŋgolə Hakalia pa lé, pana: Mee naḭ gə́ ɓaree Kislə, gə mee ləb gə́ njekɔm’g rɔ-joo lé, loo gə́ m’isi Susə gə́ to ɓee-boo lé ndá

Este 1:2

Mee ndəaje’g neelé mbai Asuerus si dɔ kalimbai ko̰ɓee’g ləa gə́ to Susə gə́ to ɓee-boo lé.

Este 2:3

Maji kar mbai unda njékoo goo njékulaje mee dəb ɓeeko̰je’g ləa lai mba kar dee mbo̰ ŋgama̰dje lai gə́ gər ŋgaw el ləm, gə ma̰də yaa̰ ləm tɔ kar dee ree sə dee ɓee-boo gə́ Susə mee kəi’g lə denéje mba kɔm dee ji Hege gə́ to njekaa dɔ néje lə mbai gə njeŋgəm denéje gə mba karee ar dee néje gə́ kəm gɔl ne rɔ dee.

Este 3:13

Maktub lé d’ula ne njékaḭkulaje mee dəb ɓeeko̰je’g lə mbai lé lai, gə mba kar dee tɔl ne Jibje lai, basaje gə ɓugaje ləm, ŋganje gə denéje ləm tɔ, d’ar dee d’udu guduru, mee ndɔ gə́ kára ba ya, mee ndɔ gə́ njekɔm’g dɔg-giree-munda, lə naḭ gə́ njekɔm’g dɔg-giree-joo gə́ to naḭ Adar ləm, gə mba kar dee d’unda némajije lə dee banrɔ ləm tɔ.

Este 3:14

Maktub neelé deḛ ndaŋg ndukun lé keneŋ d’wɔji mba kar dee d’ila mberee mee dəb ɓeeko̰je’g kára-kára lai ləm, deḛ ɓar ne koso-dəwje lai gə mba kar dee d’isi pèrèrè ŋgina ndɔ neelé ləm tɔ.

Este 3:15

Njékaḭkulaje d’ɔs rɔ dee ɓad d’aw ne gə goo ndukun lə mbai lé. Ndukun neelé d’ila mberee mee ɓee-boo’d gə́ Susə tɔ. Yen ŋga loo gə́ mbai deḛ gə Aman d’isi d’ai né bèe-bèe ndá dəwje gə́ ɓee-boo gə́ Susə lé d’aw dɔ na̰’d bèe wur-wur tɔ.

Este 8:13

Maktubje neelé deḛ ndaŋg ndukun keneŋ mba kar dee d’ila mberee mee dəb ɓeeko̰je’g kára kára lai mba kula ne dəwje lai kar dee d’oo to gə́ Jibje d’wa dɔ gɔl rɔ dee d’isi pèrèrè gə mba dal ba̰ gə njéba̰je lə dee mee ndəa gə́ d’wɔji lé.

Este 8:15

Mardose unda loo kəi lə mbai teḛ gə kubu-mbai gə́ ndul ɗigi gə ndá kələw-kələw ləm, gə dɔgugu gə́ boi gə́ ra gə larlɔr dəa’g ləma, gə kubu gə́ boi yul gə́ d’ṵji gə kúla palégal gə́ ndul piro-piro ləm tɔ. Dəwje gə́ ɓee-boo gə́ Susə lé d’ɔr ndu dee gə́ tar wəl gə rɔlel d’al ne rɔ dee tɔ.

Njekillamber 9:10

Néje lai gə́ jii iŋga gə mba ra gə siŋgai ndá gə́ ra ya. Mbata kula gə́ ra, əsé kḛji ta, əsé gosonégər, əsé kəmkàr Godo njabaw loo gə́ i si aw gə́ keneŋ lé.

Loo gə́ killa rea kəm Daniel’g 8:2

Loo gə́ né ram gə́ mḭdi lé m’oo to gə́ m’isi Susə, ɓee-boo gə́ to mee dəb ɓeeko̰ gə́ Elam. Loo gə́ né si ram gə́ mḭdi lé ndá m’aar ta baa gə́ ria lə Ulai.

1 Samel 21:8

Mee ndəa’g neelé kura lə Sawul kára ɔg rəa naŋg no̰ Njesigənea̰’g. Yeḛ to dəw gə́ Edɔm, ria lə Doɛg gə́ to mbai dɔ njekul nékulje lə Sawul.