Este 8:11 - Maktub gə́ To gə Kəmee

¹¹ Mee maktubje’g neelé deḛ ndaŋg ta keneŋ pana: Mbai ya̰ rəw ar Jibje mee ɓee-booje gə́ rara kara mba kar dee mbo̰ dɔ na̰ gə mba kaa ne dɔ rɔ dee, gə mba kar dəwje gə́ rara əsé deḛ gə́ d’ḭ dəb ɓeeko̰ gə́ rara gə́ d’a ree mba rɔ sə dee lé deḛ d’a tuji dee ləm, d’a tɔl dee ləma, d’a kar dee d’udu guduru gə ŋgan deeje gə denéje lə dee na̰’d ləma, d’a kunda némajije lə dee banrɔ ləm tɔ.

Este 8:11 ပူးပေါင်းရင်းမြစ်များ

Este 3:13

Maktub lé d’ula ne njékaḭkulaje mee dəb ɓeeko̰je’g lə mbai lé lai, gə mba kar dee tɔl ne Jibje lai, basaje gə ɓugaje ləm, ŋganje gə denéje ləm tɔ, d’ar dee d’udu guduru, mee ndɔ gə́ kára ba ya, mee ndɔ gə́ njekɔm’g dɔg-giree-munda, lə naḭ gə́ njekɔm’g dɔg-giree-joo gə́ to naḭ Adar ləm, gə mba kar dee d’unda némajije lə dee banrɔ ləm tɔ.

Este 9:18

Nɛ Jibje gə́ d’isi Susə lé to gə́ deḛ mbo̰ dɔ na̰ mee ndɔ gə́ njekɔm’g dɔg-giree-sɔ ndá deḛ d’wa rɔ dee mee ndɔ gə́ njekɔm’g dɔg-giree-mi ɓa deḛ d’aree to ndɔ muru-gad ləm, gə ndɔ rɔlel ləm tɔ.

Pakɔsje 137:8

I ɓee gə́ Babilɔn, i gə́ a gə tuji pugudu lé Rɔlel nai gə yeḛ gə́ ra səi né togə́bè ləm, Gə́ ra səi némajel to gə́ i ra sə síjeḛ bèe ya ləm tɔ.

Pakɔsje 68:3

To gə́ sa pər sané ne kad lé I nja kara ar dee sané ne kad bèe tɔ, To gə́ ya̰-tḛji léḛ ne pe’d sələlə lé Njémeeyèrje kara sanéna̰ nɔḭ-i Ala’g lé bèe tɔ.

Esai 10:6

M’ula dee mba kar dee rɔ Gə ginkoji dəwje gə́ njéra né kori-korije ləm, Ma m’ar dee d’aw gə mba rɔ Gə koso-dəwje gə́ d’ar oŋg ḭ səm dɔ dee’g ləm tɔ, Gə mba kar dee d’unda dee banrɔ Taa ne nékiŋgaje lə dee ləm, Gə mba kar dee mbɔḭ dee naŋg to gə́ bɔrɔ Gə́ to kila-rəwje’g bèe ləm tɔ.

Ejekel 39:10

D’a kodo kirje gə́ mee wala’g el ləm, d’a tuga kirje gə́ mee kag-kɔr’g el ləm tɔ mbata nérɔje ɓa d’a ra ne pər. Deḛ gə́ d’unda dee banrɔ lé deḛ d’a kunda dee-deḛ nja kara banrɔ tɔ, deḛ gə́ d’odo néje lə dee lé deḛ d’a kodo néje lə dee-deḛ tɔ. Mbaidɔmbaije gə́ Njesigənea̰ ɓa pa bèe.