Este 8:1 - Maktub gə́ To gə Kəmee

¹ Mee ndəa’g neelé ya, mbai Asuerus taa kəi lə Aman gə́ to njeba̰ lə Jibje lé ar dené ləa Este lé. Ndá Mardose ree aar no̰ mbai’g mbata Este pa to gə́ Mardose to gə́ ginkoji ləa ya.

Este 8:1 ပူးပေါင်းရင်းမြစ်များ

Este 1:14

Deḛ gə́ d’isi mbɔree’g lé ɓa nee: Karsena, gə Setar, gə Admata, gə Tarsis, gə Merɛs, gə Marsena, gə Memukan, deḛ ɓa to ŋgan-mbaije gə́ siri gə́ Persə gə Médi gə́ d’oo kəm mbai ləm, deḛ d’isi gə́ ŋgaw-ta dee kédé loo ko̰ɓee’g ləm tɔ.

Este 2:15

Loo gə́ ndɔ lə Este, ŋgolə Abihayil gə́ to na̰ Mardoseje, yeḛ gə́ unee odee telee gə́ ŋgonee lé teḛ mba̰ mba karee aw rɔ mbai’g lé ndá yeḛ dəji né gə́ raŋg el nɛ yeḛ dəji né gə́ Hege, njekaa dɔ néje lə mbai gə njekaa dɔ denéje wɔji ɓa. Este taa kəm deḛ lai gə́ d’ée lé rəgm.

Este 2:7

Yeḛ odo Adasa, yeḛ gə́ to Este gə́ to ŋgolə naneeje, mbata yeḛ lé bɔbeeje godo ləm, kea̰je godo ləm tɔ. Ŋgoma̰də neelé ma̰də darəa’g ləm, gə kəmee’g ləm tɔ. Loo gə́ bɔbeeje gə kea̰je d’wəi ndá Mardose unee odee aree tel to ŋgonee.

Este 7:6

Este tel ilá keneŋ pana: Njekula kəm loo ndòo ləm, gə njeba̰ ləm tɔ lé to Aman, njemeeyèr neelé ya. Ɓəl unda Aman badə gaŋgee no̰ mbai’g ləm, gə no̰ dené’g ləa ləm tɔ.

Este 8:7

Mbai Asuerus ula dené ləa Este gə Mardose gə́ to Jip lé ta pana: Aa oo, m’ar Este kəi lə Aman ləm, m’ar dee ɗaree dɔ kag’d ləm tɔ mbata yeḛ aw gə Jibje gə ta.

Pakɔsje 39:6

Aa oo, i lé mbo̰ ndɔje ləm na̰’d Ar dee tad d’asəna gə dabla ji dəw bèe ləm, Kisi gə́ m’isi dɔ naŋg nee kara To né gə́ əḭ kəmi’g el ləm tɔ. Tɔgərɔ ya, dəw gə́ rara gə́ aar tar lé To asəna gə kəmə gə́ kila pugudu bèe.

Gosota-Kəmkàrje 13:22

Dəw gə́ njemeemaji lé Nénduba ləa to mbata ŋgan meḛ ŋganeeje, Nɛ nébaoje lə njekaiya lé D’unda kul mbata lə njemeekarabasur.

Gosota-Kəmkàrje 28:8

Yeḛ gə́ wɔji lar dɔ maree’g ləm, Taa manee dɔ’g ləm tɔ Gə mba kar némajije ləa-yeḛ ḭ dɔ maree’d gə́ kédé-kédé lé Mbo̰ dee mbata lə yeḛ gə́ a koo kəmtondoo lə njéndooje.

Lugu 12:20

Nɛ Ala ulá pana: I mbə-dəw, mee til’g nee ya d’a ree kuba kankəmrɔi kwa, ŋga néje ləi lai gə́ i wa dɔ gɔl dee jəb-jəb mba̰ lé see d’a tel to ka̰ nawa.