Este 7:10 - Maktub gə́ To gə Kəmee

¹⁰ Togə́bè ɓa deḛ ɗar Aman dɔ kag gə́ yeḛ gɔl mbata lə Mardose lé tɔ. Yee ɓa oŋg lə mbai wəi ne bèm ɓəi.

Este 7:10 ပူးပေါင်းရင်းမြစ်များ

Gḭ-Néje 40:22

nɛ yeḛ tɔ njekaa dɔ muru kəm kag’d gə́ tar gə goo gel ni gə́ Jisəb ɔr ar dee lé.

Este 2:1

Goo néje’g neelé loo gə́ oŋg lə Asuerus wəi bèm mba̰ ndá yeḛ ə̰ji dɔ Basti’g, gə dɔ né gə́ yeḛ ra lé ləm, gə dɔ ndukun gə́ yeḛ un wɔji ne dəa lé ləm tɔ.

Este 5:14

Jeres gə́ dené ləa, gə baokuraje ləa lai d’ulá pana: Maji kari ar dee gɔl kag d’ar ŋgalee as kəmkil dəw rɔ-mi ndá bèlè gə ndɔ maji kari dəji mbai gə mba kar dee ɗar Mardose dɔ’g. Yen ɓa i a kaw gə rɔlel gə mbai lé ɓəi.

Este 7:7

Yen ŋga oŋg ḭ gə mbai aree ḭ ya̰ muru-gad ɔd aw gadloo’g ləa. Nɛ Aman si dəji Este gə́ dené lə mbai meekoso lemsé mbata yeḛ oo to gə́ mbai wa dɔ gɔl tuji wɔji ne dəa mba̰ ya.

Este 7:8

Loo gə́ mbai ḭ gadloo’g tel ree mee ŋgon kəi muru-gad’g ndá yeḛ oo to gə́ Aman ḭ gə tɔgee aw oso rəb mbɔr tira gə́ Este si keneŋ ndá yeḛ dəjee pana: See i ndigi kur dɔ dené lə mbai’g kəm’g mee kəi’g ləm nee ya tɔɓəi wa. Loo gə́ ta nee nai gə́ ta mbai’g ya ɓəi ndá deḛ d’ila kubu d’o̰ ne kəm Aman mba̰.

Este 8:7

Mbai Asuerus ula dené ləa Este gə Mardose gə́ to Jip lé ta pana: Aa oo, m’ar Este kəi lə Aman ləm, m’ar dee ɗaree dɔ kag’d ləm tɔ mbata yeḛ aw gə Jibje gə ta.

Este 9:14

Mbai lé un ndia ar dee ra togə́bè ya tɔ. Godndu neelé d’ila mberee mee ɓee gə́ Susə. Tɔɓəi deḛ ɗar ŋgalə Aman gə́ dɔg lé ya tɔ.

Este 9:25

Nɛ Este aw aar no̰ mbai’g ndá mbai ndaŋg maktub un ne ndia mba kar némeeyèr gə́ Aman wɔji mée’g mba tuji ne Jibje lé tel oso dəa-yeḛ’g ya ləm, gə mba kar dee ɗaree ne dɔ kag’d, yeḛ ləm gə ŋganeeje ləm tɔ.

Maktub gə́ wɔji dɔ Jɔb 18:8

Mbata yeḛ ula gɔlee ba̰də’g ləm, Yeḛ njaa mee wul-ba̰də’g ləm tɔ.

Maktub gə́ wɔji dɔ Jɔb 20:8

Yeḛ a kḭ kaw to gə́ néni ndá dəw a koo gée el ləm, Yeḛ a sané pá to gə́ némḭdi gə́ loondul’g bèe ləm tɔ.

Pakɔsje 37:15

Kiambasje lə dee lé Tel ɔs ɓəŋgərə dee-deḛ ya ləm, Ga̰dè ɓandaŋgje lə dee lé kara Təd tula-tula ləm tɔ.

Pakɔsje 7:16

Yeḛ uru bwa aree uru ŋgudu-ŋgudu ndá Yeḛ nja tel oso mee bwa gə́ yeḛ uru’g lé.

Pakɔsje 94:23

Yeḛ a kar néra dee gə́ yèr lé tel oso dɔ dee’g gogo ya ləm, Yeḛ a kar dee d’udu bo̰ gə goo meeyèr lə dee lé ya ləm tɔ, Ala lə sí gə́ Njesigənea̰ lé a kar dee d’udu bo̰ gə no̰ ya.

Gosota-Kəmkàrje 11:27

Yeḛ gə́ saŋg loo ra né gə́ maji lé Maji ɓa tel iŋga ya, Nɛ yeḛ gə́ ndolè goo majel ndá Majel ɓa teḛ dəa’g tɔ.

Gosota-Kəmkàrje 11:8

Njemeekarabasur lé teḛ ta nékəmndoo’g Ndá njemeeyèr ɓa taa toree oso keneŋ.

Gosota-Kəmkàrje 26:27

Yeḛ gə́ uru bwa ndá Yeḛ nja a koso keneŋ ləm, Yeḛ gə́ nduburu mbal ndá Mbal lé a tel koso dəa-yeḛ’g ya tɔ.

Jeremi 34:17

Gelee gə́ nee ɓa Njesigənea̰ pa ne togə́bè pana: Kila gə́ nana kara ila mber kila ŋgokea̰ əsé maree tar lé seḭ ilaje ne ŋgonkoji dɔm’g el. Njesigənea̰ pana: Aa ooje, ma m’ila mber ta kila kiambas, gə yoo-koso, gə ɓoo-boo tar dɔ sí’g tɔɓəi m’a kar sí toje néɓəl mbata ɓeeko̰je lai dɔ naŋg nee tɔ.

Ejekel 5:13

Bèe ɓa n’a kar oŋg lə neḛ aw lée’g béréré ləm, n’a dal ne ba̰ gə boo-oŋg lə neḛ dɔ dee’d gə́ kédé-kédé ləma, n’a kar mee neḛ oso ne naŋg po̰ ləm tɔ. Yee ɓa d’a gər ne to gə́ neḛ Njesigənea̰ m’pata dan oŋg’d lə neḛ loo gə́ neḛ n’ɔm boo-oŋg lə neḛ dɔ dee’g ya.

Loo gə́ killa rea kəm Daniel’g 6:24

Yen ŋga, rɔ mbai lé lelee yaa̰ aree un ndia mba kar dee d’ɔr Daniel mee bwa’d lé teḛ səa raga. Daniel lé d’ɔree mee bwa’g teḛ səa raga ya ndá d’iŋga doo kára kara rəa’g el mbata yeḛ ɔm mée dɔ Ala’g lé ləa jəb-jəb.

Loo gə́ killa rea kəm Daniel’g 6:25

Mbai lé un ndia mba kar dee ree gə diŋgamje gə́ d’un dɔ Daniel lé ar dee d’ɔm dee mee bwa’g dan toboḭje’g, deḛ ləm, gə ŋgan deeje ləma, gə denéje lə dee ləm tɔ. Kédé ɓa mba kar dee d’oso gel bwa’g ɓəi lé ndá toboḭje lé lá dee sagm-sagm to̰ siŋga deḛ lai rɔb-rɔb tɔ.

Jakari 6:8

Yeḛ ɓarm ndá ulam pana: Aa oo, deḛ gə́ d’aw gə́ par gə́ ɓee gə́ dɔgel lé d’ar oŋg lə neḛ oso dɔ ɓee gə́ dɔgel’g.

Njéga̰g-Rəwtaje 15:7

Samso̰ ula dee pana: Yee gə́ bèe ɓa gə́ né gə́ seḭ raje səm wa. Bèe ndá ma lé m’a kəw rɔm el saar loo gə́ m’a ra sə sí-seḭ nja né dal ne ba̰ ləm ɓa.