Este 6:6 - Maktub gə́ To gə Kəmee

⁶ Aman andə kəi ndá mbai dəjee pana: See ɗi ɓa kəm ra gə dəw gə́ mbai ndigi kula rɔnduba dəa’g wa. Aman pa mée’g pana: See na̰ ɓa unda dɔm-ma’g joo ɓa mbai ndigi kula rɔnduba dəa’g tɔɓəi wa.

Este 6:6 ပူးပေါင်းရင်းမြစ်များ

Este 1:15

Yeḛ dəji dee pana: See godndu gə́ ra ɓa kəm gaŋg ne ta dɔ Basti’d gə́ dené lə mbai lé wa. Mbata né gə́ mbai un ndia ar njékaa dɔ kulaje d’ulá lé yeḛ mbad ra ya.

Este 5:11

Aman tura goo nébaoje ləa gə́ bə̰dərə bə̰ ləm, gə bula lə ŋganeeje gə́ diŋgam ləma, gə néje lai gə́ mbai ra ula ne dɔmoŋ dəa’g aree to gə́ ŋgaw-ta ŋgan-mbaije gə kuraje lə mbai ləm tɔ ar dee d’oo.

Este 6:11

Yen ŋga Aman un kubu ləm, gə wa kunda ləm tɔ ndá yeḛ ula kubu rɔ Mardose’g tɔɓəi yeḛ njaa gə kunda unda ne ndaa-loo dan ɓee-boo lé dana gaŋg ləm, yeḛ ila mber nea̰’g pana: Yee ɓa gə́ né gə́ deḛ ra gə dəw gə́ mbai ndigi kula rɔnduba dəa’g lé.

Este 6:5

Kuraje lə mbai tel d’ilá keneŋ pana: Aman ɓa aar gadloo’g ya. Ndá mbai pana: Areeje ree kəi.

Este 6:7

Aman tel ila mbai keneŋ pana: Dəw gə́ mbai ndigi kula rɔnduba dəa’g ndá

Este 6:9

maji kar dee d’ar dəw gə́ boo kára mbuna ŋgan-mbaije’g lə mbai kubu neelé gə kunda neelé mba karee ula kubu neelé rɔ dəw gə́ mbai ndigi kula rɔnduba dəa’g lé ləm, maji karee njaa gə kunda unda ne ndaa-loo gə́ mee ɓee-boo’g dana gaŋg ləma, kar dee d’ila mber nea̰’g ləm tɔ pana: Yee ɓa gə́ né gə́ deḛ ra gə dəw gə́ mbai ndigi kula rɔnduba dəa’g lé.

Pakɔsje 35:27

Deḛ lai gə́ d’al rɔ dee mbata ta wa dɔm el lé Maji kar dee d’iŋga rɔlel gə boo-rɔkal ləm, Maji kar dee pa lal kila ta dee naŋg pana: Maji kula rɔnduba dɔ Njesigənea̰’d Gə́ ndigi kar kura ləa si dan meelɔm’g lé.

Gosota-Kəmkàrje 1:32

Mbata kɔs ta rəw lə njégərnéelje lé Tɔl dee ya ləm, Jɔg-rɔ el lə mbəje lé Tuji dee ya ləm tɔ.

Gosota-Kəmkàrje 16:18

Kesta ɓa ɔr no̰ tuji ləm, Beelé ɓa ar dəw oso ləm tɔ.

Gosota-Kəmkàrje 18:12

Kédé ɓa kar tuji gə́ boo teḛ ɓəi lé Dəw ti rəa mée’g, Nɛ kula dɔ kédé ɓa rɔnduba orè gée ɓəi.

Gosota-Kəmkàrje 30:13

Ginkoji dəwje gə́ na̰je d’isi gən Gə́ to njébeeleje ləm, Né wa kəm dee el ləm tɔ.

Esai 42:1

Aa ooje kura ləm gə́ m’a gə gədee, Yeḛ gə́ m’ɔree m’undá gə kəmee Gə́ rɔm lelm dəa’g. M’ɔm ndiləm dəa’g ya, Yeḛ a kila mber néra gə́ gə dɔ najee Kar ginkoji dəwje gə raŋg.

Jeremi 32:41

Rɔm a lelm mba kam m’ra sə dee meemaji ndá m’a ma̰a dee tɔgərɔ mee ɓee’g neelé gə meendakaḭ gə ŋgaw məəm bura ya.

Abdias 1:3

Ti gə́ i ti rɔi lé ɓa ari rəm ne ya, I gə́ ra ɓee mee bolè mbalje’g, I gə́ loo-sii to dɔ looje gə́ tar, I gə́ ula rɔi pana: See na̰ ɓa a kɔsi kalaŋ kilai naŋg wa lé,

Matiyo 3:17

Tɔɓəi aa oo, ndu dəw ɓar mee dara’g wəl pana: Yeḛ neelé to ŋgonəm gə́ gəd-gəd gə́ m’undá dan kəm’g, yeḛ taa kəm rəgm ya.

Lugu 14:9

ɓa yeḛ gə́ njeɓar sí ɓar nésɔ lé a ree keneŋ ndá a kulai pana: Ya̰ loo gə́ nee ar dəw gə́ nee. Bèe ɓa i a kḭ gə rɔkul kaw loo-si gə́ gir dee’g gogo.

Tagə́maji gə́ Ja̰ ndang 5:23

mba kar dəwje lai d’ila riɓar dɔ Ŋgon’g to gə́ deḛ d’ila dɔ Bɔbeeje’g bèe lé ya tɔ. Dəw gə́ rara ɓa gə́ ila riɓar dɔ Ŋgon’g neelé el ndá yeḛ ila riɓar dɔ Bɔbeeje gə́ njekulá’g el tɔ.