Este 6:3 - Maktub gə́ To gə Kəmee

³ Mbai lé dəji pana: See né riɓar gə rɔnduba gə́ ban ɓa Mardose iŋga mbata né gə́ yeḛ ra bèe lé wa. Deḛ gə́ njéra né kar mbaije lé pana: Yeḛ iŋga né kára el.

Este 6:3 ပူးပေါင်းရင်းမြစ်များ

Gḭ-Néje 40:23

Nɛ lé togə́bè kara njekaa dɔ njékaree nékaije lé mée olé dɔ Jisəb’g el. Mée wəi dəa’g.

1 Sôrta Gḭka-Israɛlje 11:6

Dabid ula dee kédé pana: Nana ɓa gə́ a kaw kédé tɔl Yebusje ndá yeḛ a to mbai ləm, gə ɓé-njérɔje ləm tɔ. Joab, ŋgolə Seruja ɓa aw kédé aw təd dee rɔ ndá yeḛ tel to gə́ mbai ya tɔ.

Este 6:2

deḛ d’iŋga ta gə́ Mardose pa riba ne dɔ ta lə Bigtan gə Teres, njékaa dɔ néje lə mbai joo gə́ to njéŋgəm tarəwkɔgje tɔ, to gə́ deḛ ɓa d’o̰ njuma̰ tɔl Asuerus, mbai lé.

Este 6:4

Yen ŋga mbai dəji pana: See na̰ ɓa aar mee gadloo’g lé wa. Aman ɓa ree mee gadloo gə́ raga gə́ to mee kəi’g lə mbai gə mba dəji mbai kar dee ɗar Mardose dɔ kag’d gə́ yeḛ gɔl wɔji ne dəa lé.

Njekillamber 9:15

Dəw kára gə́ to njendoo gə́ kəmee àr si keneŋ. Yeḛ nja taa ɓee-boo neelé gə kəmkàr ləa ila tar. Nɛ dəw kára kara Ar mée olé dɔ dəw gə́ to njendoo’g neelé el.

Loo gə́ killa rea kəm Daniel’g 5:16

Ma m’oo ta ləi to gə́ i askəm kɔr gin taje ləm, gə riba dɔ taje gə́ kədərə gə́ to loo-kiya’g ləm tɔ. Ɓasinè ɓó lé i askəm tura ta nee gə́ ndaŋg ləm, gə kɔr ginee ləm tɔ ndá d’a kula kubu gə́ ndul piro-piro rɔi’g ləm, d’a kila yeŋgəre gə́ ra gə larlɔr gwɔbi’g ləma, i a kiŋga loo-sii gə́ njekɔm’g munda loo-ko̰ɓee’g ləm tɔ.

Loo gə́ killa rea kəm Daniel’g 5:29

Léegəneeya Belsasar un ndia ar dee d’ula kubu gə́ ndul piro-piro rɔ Daniel’g ləm, ar dee d’ila yeŋgəre gə́ ra gə larlɔr gwɔbee’g ləma, ar dee d’ila mber ta gə́ wɔji dəa to gə́ loo-siée a to loo-si gə́ njekɔm’g munda loo ko̰ɓee’g lé ləm tɔ.

Loo gə́ killa rea kəm Daniel’g 5:7

Mbai lé ɔr ndia tar gə no̰ wəl mba kar dee d’ar njétən kéréméje ləm, gə Kaldeje ləma, gə njénékooje ləm tɔ lé ree rəa’g. Tɔɓəi mbai lé un ta ula njékəmkàrje gə́ Babilɔn pana: Nana ɓa gə́ a tura ta gə́ ndaŋg ləm, a kɔr gelee kam ləm tɔ ndá d’a kula kubu gə́ ndul piro-piro rəa’g ləm, d’a kila yeŋgəre gə́ ra gə larlɔr gwɔbee’g ləma, yeḛ a kiŋga loo-siée gə́ njekɔm’g munda loo-ko̰ɓee’g ləm tɔ.