Este 6:12 - Maktub gə́ To gə Kəmee

¹² Mardose tel aw tarəwkɔg’d lə mbai ndá Aman ɔd gə tɔgee aw kəi ləa gə kəmndoo ləm, yeḛ ila né dəa’g ləm tɔ.

Este 6:12 ပူးပေါင်းရင်းမြစ်များ

2 Samel 15:30

Dabid uba dɔ mbal gə́ ria lə mbal Koiyoje. Yeḛ aw no̰ gə mán-no̰ kəmee’g ləm, on dəa gə kubu ləma, njaa gə gɔlee kari ba ləm tɔ. Deḛ lai gə́ d’aw səa lé d’ɔn dɔ dee gə kubu ləm, d’aw no̰ gə mán-no̰ kəm dee’g ləm tɔ.

2 Samel 17:23

Ahitopel lé loo gə́ yeḛ oo to gə́ deḛ taa takwɔji-kəmkàr ləa el ndá yeḛ ɔm kali dɔ mulayḛ̀je’g ləa ḭ gə mba tel kaw kəi ləa mee ɓee-boo’g. Yeḛ un ndia ar njémeekəije ləa ndá yeḛ aw ila kúla wəi. Togə́bè ɓa yeḛ wəi ne ar dee dubee dɔɓar bɔbeeje’g tɔ.

1 Mbaije 20:43

Mbai lə Israɛlje ɔd aw kəi ləa gə́ to Samari gə kəmee gə́ to ndòo ləm, gə mée gə́ ḭ səa jugugu ləm tɔ.

1 Mbaije 21:4

Akab tel aw kəi ləa gə kəmndoo ləm, gə meeko̰ ləm tɔ mbata ta gə́ Nabot gə́ Jisreel ulá pana: M’a kari nénduba gə́ to ka̰ kamje-je el lé! Ndá yeḛ to dɔ tira’g ləa ar kəmee mas mbid-mbid tɔɓəi sɔ né el tɔ.

1 Mbaije 21:6

Yeḛ tel ilá keneŋ pana: Ma m’wɔji ta gə Nabot, dəw gə́ Jisreel ndá ma m’dəjee m’pana: Am ndɔ-nduú ləi kəm lar əsé ɓó lé i ndigi ndá m’a kari ndɔ-nduú gə́ raŋg toree’g. Nɛ yeḛ pana: N’a kam ndɔ-nduú lə neḛ lé el ya.

2 Sôrta Gḭka Israɛlje 26:20

Ajaria, ŋgɔ-njekinjanéməs gə njékinjanéməsje gə́ raŋg lai d’orè kəm dee sḭ dəa’g ndá aa oo, ba̰ji ila ŋgonea̰’g. Deḛ d’ɔsee ɓɔḭ-ɓɔḭ gə́ raga ndá yeḛ kara ɔs rəa ɓad teḛ raga to mbata Njesigənea̰ undá.

Este 2:19

Loo gə́ deḛ mbo̰ ŋgama̰dje dɔ na̰’d gə́ njekɔm’g gɔl joo lé Mardose si tarəwkɔg’d lə mbai ya.

Este 6:11

Yen ŋga Aman un kubu ləm, gə wa kunda ləm tɔ ndá yeḛ ula kubu rɔ Mardose’g tɔɓəi yeḛ njaa gə kunda unda ne ndaa-loo dan ɓee-boo lé dana gaŋg ləm, yeḛ ila mber nea̰’g pana: Yee ɓa gə́ né gə́ deḛ ra gə dəw gə́ mbai ndigi kula rɔnduba dəa’g lé.

Este 7:8

Loo gə́ mbai ḭ gadloo’g tel ree mee ŋgon kəi muru-gad’g ndá yeḛ oo to gə́ Aman ḭ gə tɔgee aw oso rəb mbɔr tira gə́ Este si keneŋ ndá yeḛ dəjee pana: See i ndigi kur dɔ dené lə mbai’g kəm’g mee kəi’g ləm nee ya tɔɓəi wa. Loo gə́ ta nee nai gə́ ta mbai’g ya ɓəi ndá deḛ d’ila kubu d’o̰ ne kəm Aman mba̰.

Maktub gə́ wɔji dɔ Jɔb 20:5

Kun baŋga lə njémeeyèrje kuree to gə́ lam ba ləm, Rɔlel lə njehulai kara kuree əw waga ba ləm tɔ lé see i gər bèe el wa.

Maktub gə́ wɔji dɔ Jɔb 9:24

Dɔ naŋg lé d’ya̰ meḛ ji njémeeyerje’g, Ala ar kəm njégaŋ-rəwtaje libi dɔ’g. Ɓó lé to yeḛ el ŋga see na̰ ɓəi wa.

1 Samel 3:15

Samel to naŋg saar loo àr tɔɓəi yeḛ tɔr takəije lə Njesigənea̰. Samel ɓəl mba kɔr sor némḭdi lé kar Eli.