Este 5:9 - Maktub gə́ To gə Kəmee

⁹ Aman teḛ raga mee ndəa’g neelé gə rɔlel gə meendakaḭ. Nɛ loo gə́ yeḛ oo Mardose tarəwkɔg’d lə mbai nɛ Mardose lé ḭta el ləm, ndəb yèr nea̰’g el ləm tɔ ndá oŋg ti mée paŋ-paŋ dəa’g.

Este 5:9 ပူးပေါင်းရင်းမြစ်များ

1 Mbaije 21:4

Akab tel aw kəi ləa gə kəmndoo ləm, gə meeko̰ ləm tɔ mbata ta gə́ Nabot gə́ Jisreel ulá pana: M’a kari nénduba gə́ to ka̰ kamje-je el lé! Ndá yeḛ to dɔ tira’g ləa ar kəmee mas mbid-mbid tɔɓəi sɔ né el tɔ.

1 Mbaije 21:6

Yeḛ tel ilá keneŋ pana: Ma m’wɔji ta gə Nabot, dəw gə́ Jisreel ndá ma m’dəjee m’pana: Am ndɔ-nduú ləi kəm lar əsé ɓó lé i ndigi ndá m’a kari ndɔ-nduú gə́ raŋg toree’g. Nɛ yeḛ pana: N’a kam ndɔ-nduú lə neḛ lé el ya.

Este 2:19

Loo gə́ deḛ mbo̰ ŋgama̰dje dɔ na̰’d gə́ njekɔm’g gɔl joo lé Mardose si tarəwkɔg’d lə mbai ya.

Este 3:2

Deḛ lai gə́ to kuraje lə mbai gə́ d’aar tarəwkɔg’d lə mbai lé rəm gə kəji dee naŋg d’unda barmba no̰ Aman’g mbata yee ɓa to ndukun gə́ mbai un wɔji ne dəa. Nɛ Mardose lé rəm gə kəjee naŋg unda barmba nea̰’g el.

Este 3:5

Loo gə́ Aman oo to gə́ Mardose rəm gə kəjee naŋg unda barmba nea̰’g el ndá oŋg ti mée paŋ-paŋ.

Este 5:13

Nɛ néje neelé ma m’oo gə́ né gə́ kari ba kəm’g loo gə́ m’oo Mardose gə́ to Jip gə́ si tarəwkɔg’d lə mbai lé.

Maktub gə́ wɔji dɔ Jɔb 20:5

Kun baŋga lə njémeeyèrje kuree to gə́ lam ba ləm, Rɔlel lə njehulai kara kuree əw waga ba ləm tɔ lé see i gər bèe el wa.

Maktub gə́ wɔji dɔ Jɔb 31:31

Lée dəwje gə́ mee kəi-kubu’g ləm pana: See yeḛ gə́ ra ɓa sɔ da ləa aree asee nag-nag ɓəi wa ɓa deḛ pa bèe el.

Pakɔsje 15:4

Dəw gə́ to kḛji lé Yeḛ ée gə kəm dɔbee, Nɛ deḛ gə́ ɓəl Njesigənea̰ lé ɓa Yeḛ ila riɓar dɔ dee’g. Loo gə́ yeḛ un ndia gə rɔkubu ɓa kədərə səa kara Yeḛ pa njaŋg ɓó yeḛ tel gə ndia gogo el.

Pakɔsje 27:3

Ɓó lé njérɔje d’aḭ dɔm sub gə mba rɔ səm ndá Meem a ɓəl né kára kara el, Ɓó lé rɔ ḭ gə mba tujim kara M’a si gə meekulɔm ya.

Loo gə́ killa rea kəm Daniel’g 3:13

Yen ŋga mee Nebukadnesar ea̰ ar oŋg ḭ səa pu ndá yeḛ un ndia mba kar dee ree gə Sadrak gə Mesak gə Abed-Nego rəa’g. Ndá deḛ ree sə dee no̰ mbai’g ya tɔ.

Matiyo 10:28

Deḛ gə́ tɔl darɔ sí ɓó d’askəm tɔl kankəmrɔ sí el lé ɓəl deeje el. Yeḛ gə́ askəm tuji kankəmrɔ sí gə darɔ sí na̰’d dan pər’g ɓa ɓəleeje.

Matiyo 2:16

Loo gə́ Herɔdə oo to gə́ bao-gosɔnégərje d’əree togə́bè ndá mée ḭ səa pu aree ula kula Betlehem gə loo-loo ɓeeko̰’g ləa mba kar dee tɔl ŋganje gə́ kas, deḛ gə́ ra ləb joo-joo ləm, gə deḛ gə́ ra ləb joo-joo el ɓəi ləm tɔ wɔji ne dɔ ndɔ teḛ lə kérèmé gə́ gəd gə́ bao-gosɔnégərje d’ulá lé tɔ.

Lugu 6:25

Seḭ gə́ meḛ sí ndan tub-tub lé meeko̰ a koso dɔ sí’g Mbata seḭ a kwəije yoo-ɓoo ɓəi. Seḭ gə́ síje gə ŋgaŋ-kogo ɓasinè lé meeko̰ a koso dɔ sí’g Mbata seḭ a kwaje ndòo rɔ sí loo-yoo’g ləm, A sije dan mán-no̰’g ɓəi ləm tɔ.

Tagə́maji gə́ Ja̰ ndang 16:20

Ma m’ula sí təsərə, seḭ a no̰je gə mán-no̰ kəm sí’g ləm, seḭ a no̰je gə kii wəl-wəl ləm tɔ ndá njé gə́ naŋg nee d’a si kal rɔ dee, seḭ lé a sije dan némeeko̰’g nɛ meeko̰ lə sí lé a tel to rɔlel ɓəi.

Néra Njékaḭkulaje 7:54

Loo gə́ d’oo ta nee ndá oŋg ḭ meḛ dee’g jugugu, ar dee d’usɔ ŋgaŋ dee dɔ Etien’g pəgərə-pəgərə.

Maktub gə́ Jak ula ne ar ngan-Allaje 4:9

Waje ndòo rɔ sí, síje gə kəmndooyoo ləm, gə mán-no̰ kəm sí’g ləm tɔ. Ŋgaŋ kogo lə sí lé mbélje ne kəmndooyoo ləm, rɔlel lə sí lé kara mbélje ne nékəmndoo ləm tɔ.