Este 3:15 - Maktub gə́ To gə Kəmee

¹⁵ Njékaḭkulaje d’ɔs rɔ dee ɓad d’aw ne gə goo ndukun lə mbai lé. Ndukun neelé d’ila mberee mee ɓee-boo’d gə́ Susə tɔ. Yen ŋga loo gə́ mbai deḛ gə Aman d’isi d’ai né bèe-bèe ndá dəwje gə́ ɓee-boo gə́ Susə lé d’aw dɔ na̰’d bèe wur-wur tɔ.

Este 3:15 ပူးပေါင်းရင်းမြစ်များ

Gḭ-Néje 37:25

Gée gə́ gogo ndá deḛ d’isi naŋg mba sɔ né. Loo gə́ d’un kəm dee gə́ tar ndá d’oo Ismaelje gə́ d’ḭ Galaad. Deḛ d’ɔm kuma̰je gə́ ə̰də sululu ləm, gə no̰ kagje ləma, gə ubu timbá ləm tɔ dɔ jambalje’g lə dee d’isi d’aw ne Ejiptə.

1 Mbaije 14:27

Mbai Roboam ra dərje gə larkas taa ne tor dee tɔɓəi yeḛ ɔm dərje lé ji ɓé-njérɔkwɔilɔje’d gə́ to njékaḭ bada dɔ looje gə́ ŋgəm takəije lə mbai mba kar dee ŋgəm dee maji tɔ.

Este 1:10

Ndɔ gə́ njekɔm’g siri lé loo gə́ mee mbai lelee gə goo mán-nduú gə́ rəa ndá yeḛ un ndia ar Mehuman ləm, gə Bista ləm, gə Harbona ləm, gə Bigta ləm, gə Abagta ləm, gə Jetar ləma, gə Karkas ləm tɔ, deḛ gə́ siri nee gə́ to njékaa dɔ kulaje no̰ mbai Asuerus’g lé

Este 4:16

Maji kari mbo̰ Jibje lai gə́ d’isi Susə dɔ na̰’d gə mba kar dee d’ɔg meḛ dee ɓoo mbata ləm, lal ko̰ muru ləm, gə lal kai mán ləm tɔ as ndɔ munda dan kàrá gə loondul’g. Ma kara m’a kɔg məəm ɓó gə ŋganjélookisije ləm gə́ dené to ɓa m’a kḭ kaw rɔ mbai’g lé gə goo godndu el ŋga. Ɓó lé to kəm karm m’wəi ne kara m’a kwəi ne ya.

Este 8:15

Mardose unda loo kəi lə mbai teḛ gə kubu-mbai gə́ ndul ɗigi gə ndá kələw-kələw ləm, gə dɔgugu gə́ boi gə́ ra gə larlɔr dəa’g ləma, gə kubu gə́ boi yul gə́ d’ṵji gə kúla palégal gə́ ndul piro-piro ləm tɔ. Dəwje gə́ ɓee-boo gə́ Susə lé d’ɔr ndu dee gə́ tar wəl gə rɔlel d’al ne rɔ dee tɔ.

Pakɔsje 37:7

Maji kari si mundu no̰ Njesigənea̰’g Ɓó gə unda ne məəi yel dəa’g ya, Yeḛ gə́ teḛkɔr rəw-kabeeje’g lé Ar məəi ḭ səi pu dəa’g el ləm, Yeḛ gə́ néra majelje gə́ yeḛ wɔji-kwɔji ra lé d’ɔr njal kara Ar məəi ḭ səi pu dəa’g el ləm tɔ.

Gosota-Kəmkàrje 1:16

Mbata gɔl dee un dee pélé-pélé gə́ loo néra gə́ majel’g ləm, Deḛ d’ɔs rɔ dee ɓad Gə mba kila məs ləm tɔ.

Gosota-Kəmkàrje 29:2

Loo gə́ njémeekarabasurje d’ḭ dɔ maree’d gə́ kédé-kédé ndá Koso-dəwje d’isi dan rɔlel’g, Loo gə́ njemeeyèr o̰ ɓee ndá Koso-dəwje tila meḛ dee pugudu-pugudu.

Gosota-Kəmkàrje 31:4

Lemuel, né gə́ kəm kar mbaije ra el lé Kai mán-nduú gə́ mḭ lé to né gə́ kəm kar mbaije ra el ləm, To kəm kar mbaije kara saŋg goo kidoje gə́ mḭ el ləm tɔ.

Gosota-Kəmkàrje 4:16

Mbata deḛ toɓi el ya saar njen Ra né gə́ majel ya ɓa, Ɓi oso kəm dee’g el ya saar njen D’ar dəw kára oso ya ɓa tɔ,

Ojee 7:5

Ndɔ ra naḭ lə mbai lé Ŋgan-mbaije d’oso gə rɔko̰ Mbata mán-nduú gə́ mḭ gə́ d’ai yaa̰ lé. Mbai ɔm na̰’d gə njékula sul dɔ loo’gje.

Amɔs 6:6

Deḛ d’ai mán-nduú mee baije gə́ boi-boi ləm, Deḛ d’wa rɔ dee gə ubu Gə́ maji ur dɔ mareeje’g ləm tɔ Nɛ meḛ dee o̰ dee Dɔ tuji gə́ oso dɔ ginkoji’g lə Jisəb lé el.

Tagə́maji gə́ Ja̰ ndang 16:20

Ma m’ula sí təsərə, seḭ a no̰je gə mán-no̰ kəm sí’g ləm, seḭ a no̰je gə kii wəl-wəl ləm tɔ ndá njé gə́ naŋg nee d’a si kal rɔ dee, seḭ lé a sije dan némeeko̰’g nɛ meeko̰ lə sí lé a tel to rɔlel ɓəi.

Loo gə́ killa rea kəm Ja̰’g 11:10

Dəw-mee-ɓeeje gə́ dɔ naŋg nee rɔ dee a lel dee ləm, d’a kal ne rɔ dee kar ne na̰ nénoji yo gə́ nee ləm tɔ mbata njékɔrgootaje gə́ joo lé to njébəg dəw-mee-ɓeeje gə́ d’isi dɔ naŋg nee.