Este 3:1 - Maktub gə́ To gə Kəmee

¹ Goo néje’g neelé ndá mbai Asuerus ula dɔmoŋ dɔ Aman, ŋgolə Hamedata’g, dəw gə́ Agag. Yeḛ unee undá daŋdɔ aree to gə́ ŋgaw-ta deḛ lai gə́ to ŋgan-mbaije gə́ d’isi mbɔree’g lé.

Este 3:1 ပူးပေါင်းရင်းမြစ်များ

Gḭ-Néje 41:40

Ma m’undai gə́ njekaa dɔ kəi ləm ndá dəwje ləm lai lé d’a ra torndui. Nɛ kalimbai ya kára ba ɓa m’a kuru ne dɔi’g.

Gḭ-Néje 41:55

Loo gə́ ɓó tɔl dee yaa̰ mee ɓee gə́ Ejiptə lai tɔ ndá dəwje lé no̰ gə́ rɔ Parao̰’g mba kiŋga nésɔ. Ndá Parao̰ ula Ejiptəje lai pana: Awje rɔ Jisəb’g ndá raje né gə́ yeḛ a kula sí.

Esdras 7:14

Ma ləm gə njegelɓee gə njékwɔjimtajeje gə́ siri lé j’ulai gə mba kari oo goo Judaje gə njé gə́ Jerusalem gə goo godndu Ala ləi gə́ to jii’g ləm,

Este 1:14

Deḛ gə́ d’isi mbɔree’g lé ɓa nee: Karsena, gə Setar, gə Admata, gə Tarsis, gə Merɛs, gə Marsena, gə Memukan, deḛ ɓa to ŋgan-mbaije gə́ siri gə́ Persə gə Médi gə́ d’oo kəm mbai ləm, deḛ d’isi gə́ ŋgaw-ta dee kédé loo ko̰ɓee’g ləm tɔ.

Este 3:10

Mbai lé ɔr ŋgama gə́ jia’g ar Aman, ŋgolə Hamedata gə́ to dəw gə́ Agag, yeḛ gə́ to njeba̰ lə Jibje lé.

Este 5:11

Aman tura goo nébaoje ləa gə́ bə̰dərə bə̰ ləm, gə bula lə ŋganeeje gə́ diŋgam ləma, gə néje lai gə́ mbai ra ula ne dɔmoŋ dəa’g aree to gə́ ŋgaw-ta ŋgan-mbaije gə kuraje lə mbai ləm tɔ ar dee d’oo.

Este 7:6

Este tel ilá keneŋ pana: Njekula kəm loo ndòo ləm, gə njeba̰ ləm tɔ lé to Aman, njemeeyèr neelé ya. Ɓəl unda Aman badə gaŋgee no̰ mbai’g ləm, gə no̰ dené’g ləa ləm tɔ.

Este 8:3

Tɔɓəi Este pata gə́ raŋg no̰ mbai’g ya ɓəi. Yeḛ oso naŋg neaŋ gel gɔlee’g no̰ ra ndòo rəa’g mba karee ɔg némeeyèrje lə Aman, dəw gə́ Agag ləm, gə kwɔji gə́ yeḛ wɔji mba koma̰ gə Jibje lé ləm tɔ.

Pakɔsje 12:8

Ǝi Njesigənea̰, i a kaḭ bada dɔ sí’g ləm, I ŋgəm sí saar gə no̰ mbuna ginkoji dəwje’g neelé.

Gosota-Kəmkàrje 29:2

Loo gə́ njémeekarabasurje d’ḭ dɔ maree’d gə́ kédé-kédé ndá Koso-dəwje d’isi dan rɔlel’g, Loo gə́ njemeeyèr o̰ ɓee ndá Koso-dəwje tila meḛ dee pugudu-pugudu.

Njekillamber 10:6

Némbə lé uba loo ndoi si tar nɛ baoje ndá d’isi looje gə́ naŋg.

Loo gə́ killa rea kəm Daniel’g 6:2

Darius oo to gə́ kɔr njékaa dɔ dəb ɓeeko̰je as tɔl dɔ dee rɔ-joo (120) kunda dee dɔ ɓeeko̰’g lai lé ɓa gə́ né gə́ maji kəm ra ya.

Bula lə Israɛlje 24:7

Man ḭ ku-goléje’g ləa ruba naŋg ləm, Manje gə́ to yaa̰ lé ar kó-dubu ləa unda ne kəm gəsəsə ləm tɔ. Mbai ləa ur dɔ Agag’d ləm, Ɓeeko̰ ləa kara dum dɔ loo ləm tɔ.

1 Samel 15:33

Nɛ Samel pana: To gə́ kiambas ləi ar denéje d’isi lal ŋgan deeje lé Kɔḭje kara a si mbuna dené mareeje’g lal ŋgon tɔ. Yen ŋga Samel gaŋg Agag dana mbidi-mbidi no̰ Njesigənea̰’g loo gə́ Gilgal tɔ.

1 Samel 15:8

Yeḛ wa Agag, mbai lə Amalekje kəmba, tɔɓəi yeḛ tuji koso-dəwje lai gə kiambas tɔ.