Este 2:17 - Maktub gə́ To gə Kəmee

¹⁷ Mbai lé unda Este dan kəmee’g ur dɔ denéje gə́ raŋg lai ləm, yeḛ taa kəmee rəgm ləma, yeḛ wa səa noji ur dɔ ŋgama̰dje lai gə́ d’aw nea̰’g ləm tɔ. Togə́bè ɓa yeḛ ula ne dɔgugu-mbai dəa’g undá ne gə́ dené ləa tor Basti’g.

Este 2:17 ပူးပေါင်းရင်းမြစ်များ

Este 1:11

gə mba kar dee ree gə Basti, dené ləa nea̰’g gə dɔgugu-mbai dəa’g gə mba tɔji koso-dəwje ləm, gə dəwje gə́ boo ləm tɔ kar dee d’oo ma̰də ləa mbata yeḛ ma̰də yaa̰.

Este 2:16

Este lé d’aw səa rɔ mbai Asuerus’g mee kəi-mbai’g ləa mee naḭ gə́ njekɔm’g dɔg gə́ to naḭ Tebet, mee ləb ko̰ɓee’g ləa gə́ njekɔm’g siri lé.

Este 4:14

Mbata ɓó lé i si dɔ mundu lal pata ɓasinè ndá né gə́ a la gə Jibje əsé né gə́ a kɔr dee kɔm dee tar a kḭ loo gə́ raŋg’d ya nɛ i seḭ gə njémeekəije lə bɔbije lé seḭ a kuduje guduru. See na̰ gər wa. Né gə́ a gə teḛ togə́bè lé banelə yee ɓa to gin ree gə́ i ree si ne loo ko̰ɓee’g ɓasinè gə mbəa.

Este 6:8

maji kar dee ree gə kubu-ko̰ɓee gə́ mbai ula ləm, gə kunda kuba mbai gə́ d’ula dɔgugu-ko̰ɓee dəa’g ləm tɔ ndá

Gosota-Kəmkàrje 21:1

Mee mbai lé to gə́ kəm-rəw-mán gə́ to meḛ ji Njesigənea̰’g, Yeḛ telee loo gə́ rara kara to gə́ mée ndigi.

Ejekel 17:24

Yen ɓa kagje lai gə́ mee wala’g d’a gər ne to gə́ neḛ Njesigənea̰ lé kag gə́ ŋgal ɓèreŋ lé n’aree rəm gwɔji ləm, kag gə́ gwɔji lé n’aree ḭ ŋgal ɓèreŋ-ɓèreŋ ləm tɔ, kag gə́ idi pug-pug lé n’aree tudu kurum-kurum ləm, kag gə́ tudu kurum-kurum lé n’aree idi pug-pug ləm tɔ. Neḛ Njesigənea̰ m’pata ndá n’a ra née ya.

1 Samel 2:8

Yeḛ ɔr njendoo dan babur’g ləm, Yeḛ ɔr njenékəmndoo dan siḭ néje’g ləm tɔ Mba kar dee d’isi gə njériɓarje na̰’d. Nénduba gə́ yeḛ ar dee lé To kalimbai ka̰ rɔnduba. Mbata gaji-ŋgɔ-kagje gə́ gəd ne naŋg neelé To ka̰ Njesigənea̰ Ndá yeḛ nja unda naŋg nee dɔ dee’g tɔ.