Este 2:12 - Maktub gə́ To gə Kəmee

¹² Ŋgama̰dje kára-kára lai lé loo gə́ deḛ ra né gə́ godndu wɔji mba kar denéje ra as naḭ dɔg-giree-joo mba̰ ndá d’aw rɔ mbai Asuerus’g gə goo na̰ goo na̰ ya. Mee ndəaje’g neelé deḛ togo rɔ dee sugu-sugu ləm, d’wa rɔ dee gə ubu timbá as naḭ misa̰ ləm, gə kuma̰ tuu rɔ gə néje gə́ ə̰də sululu gə́ wɔji dɔ néma̰dje lə denéje as naḭ misa̰ ləm tɔ.

Este 2:12 ပူးပေါင်းရင်းမြစ်များ

Este 2:11

Bèe ɓa gə ndɔje kára-kára lai lé Mardose aw mbɔr gadloo gə́ to takəi’g lə denéje, aw ləm, gə tel ləm tɔ, gə mba koo see Este si to gə́ ban wa əsé ra səa to gə́ ban wa.

Este 2:13

Togə́bè ɓa ŋgoma̰də gə́ rara kara aw ne rɔ mbai’g lé tɔ. Tɔɓəi loo gə́ yeḛ ḭ kəi lə denéje mba kaw mee kəi’g lə mbai lé ndá d’ya̰ loo d’aree odo néje lai to gə́ mée ndigi.

Este 2:3

Maji kar mbai unda njékoo goo njékulaje mee dəb ɓeeko̰je’g ləa lai mba kar dee mbo̰ ŋgama̰dje lai gə́ gər ŋgaw el ləm, gə ma̰də yaa̰ ləm tɔ kar dee ree sə dee ɓee-boo gə́ Susə mee kəi’g lə denéje mba kɔm dee ji Hege gə́ to njekaa dɔ néje lə mbai gə njeŋgəm denéje gə mba karee ar dee néje gə́ kəm gɔl ne rɔ dee.

Este 2:9

Ŋgoma̰də lé taa kəmee rəgm ləm, mée lelee dəa’g ləm tɔ. Yen ŋga yeḛ ḭ gə tɔgee aree néje gə́ kəm gɔl ne rəa ləm, gə nésɔje ləm, aree ŋganjélookisije siri gə́ mbər dee mee kəi’g lə mbai ləma, aree loo-siée yeḛ ləm gə ŋganjélookisije ləa ləm mee ŋgon kəi gə́ maji dum’g mee kəi-ŋgəm-denéje’g ləm tɔ.

Gosota-Kəmkàrje 7:17

Ma m’ɔm néje gə́ ə̰də sululu loo-toom’g: Ubu timbá ləm, mán ko̰-ndujaje ləma, Gə mán gobo ləm tɔ.

Pa gə́ ur dɔ paje 3:6

See na̰ ɓa ḭ dɔdilaloo’g aw gə́ nee To gə́ sa pər gə́ uba tel-tel bèe, Gə́ tuu rəa gə timbá ləm, Gə né gə́ ə̰də sululu to gə́ ndiri bèe ləma, Gə néje lə njérab-néje lai Gə́ ə̰də sululu ləm tɔ nee wa.

Esai 3:24

Né gə́ ə̰də mbo̰ a taa tor né gə́ ə̰də sululu ləm, Kula a taa tor ndar ləm, Dɔ gə́ àr ŋgori-ŋgori A taa tor yiŋga dɔ ləm, Kubu-kwa-ndòo A taa tor kubu-ra-naḭ ləma, Tor doo a taa tor maji lə darɔ ləm tɔ.

Esai 57:9

Seḭ awje gə ubu rɔ mbai’g ləm, Seḭ arje néje lə sí gə́ ə̰də sululu Ḭ dɔ maree’d gə́ kédé-kédé ləm, Seḭ ulaje njékaḭkulaje lə sí loo gə́ əw’g ləma, Seḭ osoje saar teḛje ne ɓee lə njé gə́ d’wəi ləm tɔ.