Este 1:13 - Maktub gə́ To gə Kəmee

¹³ Yen ŋga mbai dəji njékwɔjeeta-kəmkàrje gə́ to njégər dɔ kurulooje ta dɔ’g. Mbata yee ɓa gə́ né gə́ deḛ ra mba gɔl ne taje gə́ wɔji dɔ mbai no̰ deḛ lai gə́ to njégər godnduje ləm, gə njégər nékəmraje ləm tɔ.

Este 1:13 ပူးပေါင်းရင်းမြစ်များ

1 Sôrta Gḭka-Israɛlje 12:32

Mbuna ges ginkoji Manasəje’g lé njérɔje d’as tɔl-dɔg-loo dɔg-giree jinaijoo (18.000) gə́ mbər dee gə goo ri dee gə mba kar dee d’aw d’unda Dabid gə́ mbai tɔ.

1 Sôrta Gḭka-Israɛlje 12:33

Mbuna Isakarje’g lé njénégərje gə́ gər né gə́ kəm kar Israɛlje ra ləm, gə ndəaje gə́ kəm kar dee ra ləm tɔ lé d’as mbaije tɔl-joo (200) gə ŋgako̰ deeje lai gə́ d’isi gel ndukun’g lə dee ya.

Este 1:12

Nɛ Basti gə́ dené ləa lé loo gə́ yeḛ oo ta ɓar lə mbai gə́ njékaa dɔ kulaje ree d’ulá lé ndá yeḛ mbad ree. Bèe ɓa mee mbai lé ḭ səa puu ar mée aw biriri-biriri.

Jeremi 10:7

I gə́ to mbai dɔ ginkoji dəwje gə raŋg lé See na̰ ɓa a ɓəli el wa. I nja ɓa kəm kar dee ɓəli ya, Mbata mbuna njékəmkàrje’g Le ginkoji dəwje gə raŋg ləm, Gə mee ɓeeko̰je’g lə deḛ lai ləm tɔ lé Njetana səi godo.

Loo gə́ killa rea kəm Daniel’g 2:12

Yen ŋga mee mbai ea̰ yaa̰ ar oŋg ḭ səa pu. Yeḛ un ndia mba kar dee tɔl njékəmkàrje gə́ Babilɔn lai d’ar dee d’udu guduru.

Loo gə́ killa rea kəm Daniel’g 2:2

Mbai lé ula kula ɓar njéra némɔrije ləm, gə njétən kéréméje ləm, gə njéndo̰-ərje ləma, gə Kaldeje ləm tɔ mba kar deḛ d’ulá gin ni ləa. Deḛ ree d’aar no̰ mbai’g lé.

Loo gə́ killa rea kəm Daniel’g 2:27

Daniel aar no̰ mbai’g lé ilá keneŋ pana: Né gə́ mbai dəji lé to né gə́ to loo-kiya’d gə́ njégosonégərje əsé njétən kéréméje, əsé njéra némɔrije, əsé njénékooje d’askəm riba dəa gə dɔrɔ dee kar mbai lé el.

Loo gə́ killa rea kəm Daniel’g 5:7

Mbai lé ɔr ndia tar gə no̰ wəl mba kar dee d’ar njétən kéréméje ləm, gə Kaldeje ləma, gə njénékooje ləm tɔ lé ree rəa’g. Tɔɓəi mbai lé un ta ula njékəmkàrje gə́ Babilɔn pana: Nana ɓa gə́ a tura ta gə́ ndaŋg ləm, a kɔr gelee kam ləm tɔ ndá d’a kula kubu gə́ ndul piro-piro rəa’g ləm, d’a kila yeŋgəre gə́ ra gə larlɔr gwɔbee’g ləma, yeḛ a kiŋga loo-siée gə́ njekɔm’g munda loo-ko̰ɓee’g ləm tɔ.

Matiyo 16:3

Nɛ loo gə́ kàr uba gə ndɔ ɓa dara lé pélé na̰ kas gə ndul ndá seḭ pajena: Ɓogənè ko̰ mán a kər. Dara ɓa seḭ gərje go̰je ne né gə́ to keneŋ nɛ néje gə́ a gə ree gə́ tɔji sí ndəa lé seḭ gərje go̰je el ya.

Matiyo 2:1

Jeju lé d’ojee mee ɓee gə́ Betlehem loo gə́ mbai Herɔdə to ne njeko̰ɓee gə́ Jude lé. Aa ooje bao-gosɔnégərje d’ḭ bər ree Jerusalem.